وزي مدري ع اي طريقة الطعم طلع روعة وسهل مااخذ معي ساعة .. هنا الحشوة : 1/ سلقت صدور دجاج نص سلقة .. مع حبات هيل وقرنفل وملح شلتها من الموية وخليت الموية على جنب فتتها زي الشاورما وحطيت عليها الصوص ( علبة زبادي + كزبرة خضرا + 2 فص ثوم + ملعقة صغيرة قرفة + ملعقة صغيرة كركم + فلفل اسود + ملعقة دبس رمان + صوص الصويا + زنجبيل انا حطيت طازج ماعندي بودرة .. كلهم بالخلاط ثم تحطينهم على الدجاج وتقلبينه ..) فية مايونيز وخل ابيض بس مااضفتهم . 2/ رز بسمتي مزة منقوع ساعة .. احمص بصل صغير مع شوي زيت لين يصير بني واضيف علية الرز بعد مااشخله ثم اضيف موية صدور الدجاج بعد تصفيتها من الهيل والقرنفل . + ملح 3/ الخضار البطاطس من راسي مااتوقع بالاوزي بطاطس قطعته مربعات وقليتة بالزيت نص قلية هو والجزر .. وبعد تصفيته من الزيت اضفتهم مع البازلا المجمدة للرز .. الرز تقريبا نص سلقة احبة نثري .. لانوة داخل الجلاش 10 بالمية يلين , فاللي تحب يكون لين حيل تسلقة اكثر . المفروض يحط صنوبر ولوز محمص بالزيت للحشوة بس ماحبهم مع الرز 4/ الدجاج بشوي زيت قلبية لين ينشف من الصوص ثم اضيفي الرز والخضار وقلبيهم .. وخليهم يبردون ثم احشي صرة الاوزي . اخر شي ادهن وجة الصرة بيض مخفوق وادخلة الفرن . هنا بالبادية الصغيرة : نضغط علية بعد مانطبق الجلاش كويس عشان يصير متكور كويس . هنا قبل الفرن : هنا بعد الفرن : لمقادير : - صدور دجاج بدون عظام مقطعة شرحات او مكعبات ( لاني قطعتهم كذا ). - فلفل اخضر بارد - بقدونس - جرجير << لازم في كل الاطباق يدخل. - ذرة - بصل ابيض \ بصل احمر\ فصين ثوم الطريقة : - في قدر عميق ذوبت زبدة وحمرت البصل والثوم بعدين حطيت الدجاج، بهرته وحطيت صوص صويا، وخردل ديجون، فلفل اسود، وملح. - اضفت بعدين ملعقتين من صلصة راغو حقة الباستا الي معها قطع مشروم. - اضفت الفلفل الاخضر والذرة - الجرجير والبقدونس - بيالة كريمة خفق - ملعقتين كبيرات جبنة بوك - اضفت البطاطا الودجز فوقهم وقلبتهم كويس عشان تتبل . - غطيت القدر عشان يستوي شوي في زبدية عميقة جبت تشيدر المراعي وبشرته ( لان كرافت مالح مره وتشيدري اكثر من اللازم بالنسبة لي )، رشيته بارميزان ، وجبت موزاريلا وحطيت قبضتين يد ( او زي ما تحبون ) ، جبت اوريغانو واعشاب ايطالية. ورشيت الاجبان بها وخلطتهم كلهم كويس. في صينية بايركس، اضفت مقدار الدجاج والبطاطا كله وبعدين جبت الاجبان رشيتها فوقه وغطيت بقصدير ودخلته الفرن على 350 مئوية وتركته عشرين دقيقة. للأسف كنت ابي خبزات توست او صامولي وما حصلت الا خبز برغر وقلت الحمد لله على النعمة : )