السلام عليكم دكتورة هبه
كل عام وانتم بخير
بعد اذنك يادكتورة الدورة برده اتأخرت الشهر التانى 6 ايام يعنى بعد ماكانت 28 يوم اصبحت 34
تانى يوم الدورة زى ماحضرتك قولتيلى اعدت التحاليل
وللاسف lh ارتفع اكثر اصبح 8.6 وال fsh اصبح 5 والe2 اصبح 144 يعنى كله ارتفع
والجديد بقى ان تحليل الغدة الدرقيه وكان تانى يوم الدورة كمان لقيت ال tsh مرتفع يعنى عندى 5.07 ونورمال المعمل من 0.5 الى 5
كل ده وانا لسه ماعملتش سونار ان شاء الله هاعمله بعد اسبوعين لظروف طارئة
الدكتور اللى شاف التحليل قالى اخد حبوب منع حمل ياسمين او جينيرا من تالت يوم الدورة الى اليوم ال21 لمدة شهرين وانا بصراحة خايفة وقالى احاول اخس رغم ان وزنى مش زايد اوى وكتب لى فوليك اسيد واوميجا3 بلس وقالى بعد الشهرين لو تحاليل زوجى اتحسنت ابدأ فى التنشيط بالكلوميد والدوفاستون
ايه رأى حضرتك اخدها ولا لاء وهل التحاليل معناه تكيسات ولا ممكن الدرقيه تأثر لهذه الدرجة ؟
ثانيا انا لو جبت حبوب سيدوفاج من نفسى وخدتها وبالمرة تنزل وزنى شويه هل فيها خطر ولا لاء
وهل التكيس علاجه بسيط يعنى ممكن يحصل حمل مع وجود تكيسات
عارفة والله انى اثقلت على حضرتك لكن تحملينى
تقبلى تحياتى بارك الله فيكى
ـــــــــــــــــــــــــــــــــــــــــ
عزيزتي.. نتائج التحاليل ليست سيئة بالدرجة التي تتخيليها فلا تقلقي
هرمون الدرقية يعتبر مرتفع قليلا والافضل التوجه لطبيب اخصائي غدد صماء
يمكن ان يحدث الحمل مع وجود تكيس المبايض... يمكن اخذ اقراص اليامسن او الجينيرا او يمكن سيكلوبروجينوفا وعندما تصبح تحاليل الزوج جيدة تأخذين منشطات وان شاء الله يحدث حمل لا تقلقي
تحياتي
ـــــــــــــــــــــــــــــــــــــــ
جزاكى الله خيرا يادكتورة
طب وبالنسبه للسيدوفاج هل لو خدته من نفسى فييها مشكله ؟؟؟؟؟؟
ــــــــــــــــــــــــــــــ
جزانا وإياكم عزيزتي.. شكرا لكِ
لا مشكلة من السيدوفاج
تحياتي