[حبيبةة امها]

المشاركة الأصلية كتبت بواسطة بنت الظبي 2016

صباح الخير يا أختي ،،،،

واضح من كلامك انك متوترة كثير و غير هذا التشاؤم اللي عندك اياه و اللي كل مرة تبغين تثبتين انه احساسج كان صح ..!

على فكرة هالأسلوب غلط في الحياة .

ثاني شي هالنوعية من الدكاترة اللي يستقون الاحداث اللي تقولج حمل ضعيف ، و اللي تقول حمل خارج الرحم و أخر شي يثبت العكس .
المفروض الدكتورة الشاطرة و المتمرسة من المهنة المفروض دائما تساير المريضة و ما تتلفظ بولا كلمة لأنه كل كلمة ممكن تؤثر على نفسية الحامل وخاصة أنتي بكرية يعني كل شي تبغين تعرفينه بسرعة و في الحال .

عزيزتي الوحام مب شرط و بالعكس قولي الحمد لله أنك ما حسيتي فيه أصلا ،،، الله يديمها نعمة عليكي يارب .
انتي ذكرتي انك في الاسبوع السابع و كم من يوم ،، مع أنه شريط الحمل عندج يبين أنك في الأسبوع السادس .

عموما الأسبوع 6 أو 7 عادة يبين الحمل و يبين الكيس و يبين الجنين و أيضا قلب الجنين ، لكن هل هذه قاعدة ؟؟

طبعا لا ،، فقط اللي دورتهن منتظمة و اللي كان عندها الحمل في فترة الاباضة و اللي هي أسبوعين بعد اخر دورة ،،

اعطي لنفسك مهلة و جربي دكاترة ثانيين أفضل و خلي عندك الأمل برب العباد أنه باذن الله راح يستمر الحمل و تشوفين ضناج بين إيدينك ،،،
لا قدر الله لو ما صار حمل أبدا لا تيئسين و اعقدها وتوكل ،،، و لعله خير وابدا لا تزعلين ،،،

اقرئي تجارب البنات صدقيني راح تتكون عندج قناعة اكبر و ترتاحين نفسيا و تلمسين أنه الدنيا كلها تجي !!

ثقي بربك و أنه ما يكتب لك الا كل الخير حتى لو ما بيعجبك بداية ..!!

ان شاء الله يارب تطمنينا عنك و تفرحينا انك شفتي الجنين و سمعوكي النبض و انه كل شي بخير و يكون بدون وحاااام يااارب .

صباح النور .. فعلا معك حق انا متشائمه خاصة ب اخر مراجعه لما كان بس كيس لقيت وحده مراجعه قالت لي حتى انا كيس فارغ و لي 8 اسابيع .. على طووووووول خفت وجاني تشاؤم مو بيدي والله.. وبنسبة لشريط الحمل حاطته من اسبوع بالغصب عرفت احطه و اشوفه ثابت بس ماعرفت اضبطه و بنسبة اشوف دكاتره غير .. زوجي معلق على هالمستشفى ومايخليني اتابع عند غيره وجربت كل دكاترتهم كلهم يجيبون التوتر او يمكن لان مايراعون البكريه ب اسلوبهم ومايطمنونهم مرات يطمنون بس يحطون الاحتمال الثاني اكبر