اهلا اختي
الاطفال بتختلف في تطورها عن بعض يعني ممكن اطفال تجلس بسرعه
وبعض الاطفال تتأخر..والموضوع بعتمد عتطور عضلات الطفل. كل ما طفل
دايما بالسرير عظهره بدون ما نحاول نحطه بعض الاوقات عالبطن ونلاعبه..
بتأخر جلوسه...هلا ممكن تساعديه وتدربيه كل يوم حاولي تحطيه
عالارض واسنديه. بوساده من الجانبين..وحاولي تكوني معه وتلاعبيه..استخدمي
العاب وشيليها بموستوى مرتفع عنه فوق راسه وحاولي تشجعيه يمسكها.
هاد الموضوع عادي يعني الاطفال ممكن تحكي تأخر وما مشى وبيوم اويومين بتلاقي
الطفل بعمل هالاشياء لوحده...فما تخافي...لكن اكيد اذا عندك زيارة طبيب استشيريه..
النوم مش واضح بالزبط كيف نومه بالليل..هوا بصحى لانه جوعان ولا هيك شبعان نوم وبدوا
يلعب...حاولي ما تخليه ينام فترة المغرب..اشغليه بالعشاء ولاعبيه مره عمره بصير يتعود
ما ينام ممكن تحاولي لمدة اسبوع معه كل مره خليه ينام اقل ساعات وقت المغرب. حاولي في
الليل تلاقي طريقه تسكتيه فيها وترجعيه ينام بدون ما تصحي وتحمليه..ممكن اذا كان قريب منك.
استخدمي صوتك اغنيه او قران اشي بتستخدموه عشان ينام بالنهار او حطي ايديك عندو لحتى يتعود لما يصحى من النوم يرجع ينوم حاله
بدون مساعدتك..يعني لاقيلك طقوس معينه ما فيها جهد قومه من الفراش وحمل وهز...اولادي كنت استخدم صوت اااه او ممممممم عالخفيف
وشكل مستمر
مش عارفه اذا عرفتي كيف يعني انا بصير اطلع صوت بنيمني انا وهم تعودوا عليه. هدا بدو صبر ووقت لحتى يلاقي طفلك طريقه ينوم حاله..
جربي عدة اشياء لحتى يزبط معك اشي.