[بحــ العيون ــــــــر]

الثاني الحمادي

يااختي والله بالنسبه لي انا ماجربته بس فيه ناس اعرفهم مجربينه ويقولون اذا تبين العنايه والنظافه عندهم لكن دكاترتهم ماعندي فكره بس نصيحه مني اذا بتولدين في خاص روحي لمستشفى دله احسن من كل النواحي وخلي تولدك الدكتوره ممتازه تراها على اسمها ممتازه لافي الخياطه ولافي المعامله وعنايتهم بعد ممتازه واتمنى اني اكون افدتك والله الموفق

بصراحه أنا زوجتي تابعت حملها في الحمادي وحتى الولاده
تمدح فيهم تقول مررررره شغلهم حلو ووقت الولاده من الإهتمام أنا كنت واقف على باب الغرفة كان فيه أربعة نيرس ودكتورتين يا عني باين عليهم مره راقين في التعامل وفي التوليد
الدكتورة إسمها فتاة . سوريه
الدكتورة فتاة

هاي حبيبتي المهاء انا كنت اتابع معاهم اول بيبي ذلحين عمره سنه كل شي تمام والعالم مادحينه لي وقريباتي والدين فيه ومادحينه تدرين ليش مادحينه؟ لان ولاداتهم كانت متيسره يعني لوأهوم لوحدهم بالبيت كان ولدو عادي مافيه مشاكل بس هم مبسوطين عشان يكشخون بغرفهم الفخمه وبسسسسسسسس!

وانا حتى اختبار الحمل عندهم من اول شهر وانا اتابع معاهم مع دكتورة دعد وكل الامور ممتازة لما جيت السابع طلعوني فوق يدلعوني يوروني غرف الولاده وبعد الولاده وحضانات الاطفال وانا مبسوووطه (طبعا انا الي طلبت)ولما جت لحظة الجد ودخلت شهري الثامن وجتني الولادة بالفجر جيتهم وكشفت على الطبيبه المناوبه بالاسعاف شافت فيه ولاده مبكره والبيبي صغير وتعبان ومقعدي لسى مادار يعني لازم قيصريه خااافو تحججو بأن ماعندهم سرير شاخر في حضانة الاطفال الخدج ولا راح يدخلوني المستشفى تخيلى طلعوني وانا بهذاك الوضع ادور في الشوارع انا وزوجي متوهقين ماندري اي مستشفى نروح وانا مالي ملف غير عندهم يعني مافتحت ملف عند غيرهم كانو بيطلعون لي اسعاف يوديني وين ما ابي بس انا من الزعل قلت مابي منكم شي وطلبت ملف متابعتي عشان المستشفى الثاني يطلعون عليه ورفضو حسبي الله عليهم ...وبعدين ناس قالولي احمدي ربك لان ماعندهم اطباء خدج كويسين وان الخدج يموتون عندهم ...
فامشكله لو تتعرضين لاي مفاجأت بالولادة لسمح الله انصحك بالتخصصي او مستشفى حكومي اذا تقدرين العسكري والمللك فهد للحرس الوطني فيه اقسام خاصه والاطباء مخضرمين لهم باع طول بالطب ..والتيسير من ربي الله يسهلك

يؤيؤيؤ يمه اختى تكفين والله بروحي ميته خوف وخاصه ان في ناس من قريبنا والدات عندهم قسم بالله حذروني ويقولون انهم عندهم دكتورة سودانيه شغلتها اتخلع الحوض والكتف وهي اتولد"يعني بالنجدي يمصعن " الاطفال والله محتارة وخايفه اروح لاي مستشفي يولدني دكتور قسم بالله اني ضغطي دايمن مرتفع من زود التفكير وخايفه اقول لزوجي بغير يخانقني ياربي تختار لي اللي فيه خير


انا تابعت حملي الاول في الحمادي وولدت عندهم عنايتهم جدا ممتازة كنت اتابع عند الدكتورة حنان

وجتني ولادة مبكرة لاكن الحمد للة عطتني الدكتورة مخفف لطلق وابر منشطة لرئة الجنين عشان اذا حصلت ولادة

في الثامن تكون رئته كاملة والحمد لله وقف الطلق معي لين مادخلت التاسع و ولدت

وانا الان حامل وفي الشهر الثامن واتابع عند الدكتورة اكرام لان الدكتورة حنان عندها زحمه وامدحولي هذي

والله يتمم لك ولنا على خير

على فكرة انا ماشفت ولاسمعت ان عندهم دكتورة سودانية.....