السلام عليكم
شلونكم حبيباتي عساكم بخير ووشلون بيبيات المستقبل؟
بنات أنا صار لي عشر أيام منومه بالمستشفى بسبب تسرب موية الجنين للخارج، صارت معي في يوم 26 سبتمبر بيوم الجمعة الصباح قمت وملابسي مبللة وانفجعت وعرفت إنها موية الجنين وأنا كنت في الإسبوع 28 وكم يوم، رحت المستشفى نوموني ع طول والمويه مازالت للان تتسرب ولكن على خفيف جدددا وقالوا لي بنخليك تحت الملاحظة ويعطوني مضادات للعدوى ومضاد عشان يسرع نمو رئتي الجنين لو لاسمح الله طلع الان يعيش بإذن الله، آلام مافيه أبدا وافرازات مافيه حمدالله بس بعض الاحيان تجيني افرازات بنية تقول الدكتورة طبيعي سويت الترا ساوند صارت الموية ناقصه كانت 8 صارت 4 ويوميا تخطيط لنبض الجنين مرتين الحمدالله جنيني احس فيه وفي حركته وبالاشعه طلع طبيعي ولكن يخافون انه يضغط ع الحبل السري بسبب نقص المويه ويختنق. بالتخطيط يابنات نبض الجنين يضعف وينقطع ثواني ويرجع مع ذلك تقول الدكتوره طبيعي!! معي حكة مهبليه شديده قبل شهرين واحس هي السبب اللي فتح الغشاء ونزل المويه لان كل الاسباب العلميه ماتنطبق علي مع ذلك تقول الدكتورة مالها دخل الحكة!! ببداية حملي نزفت دم وتقول الدكتوره برضو ماله دخل!! طيب وش السبب ماندري للان تخيلوا !! المشكلة يقال انه افضل مستشفى بالمملكة بنات انا مو متطمنة وخايفه لان الدكتور امس قال اغلب الحريم اللي تنزل معهم مويه بالسابع ماتوقف وبعد نزول المويه باسبوعين تصير الولاده !!
دعواتكم تكفون