شوفي عزيزتي بولادتي الاولي ولدي كان كبير ووزنه ماشالله زين وكان راسه تحت وكل شي تماام لكن كان مرتفع.. قلت للدكتورة كيف اخليه ينزل قالت ما تقدرين هو ينزل من نفسه.. عشان ينزل البيبي فيه علامات تسبق نزوله مثلا يبدا يقصر عنق الرحم ويلين جداره شوي.. انا قالت لي وانا في اخر التاسع ان عنق الرحم قاسي وطويل ومسكر يعني مارح ينزل الحين قلتلها طيب امشي يمكن ينزل؟ قالت المشي مفيد لك لكن ترا مارح ينزل البيبي ولا يفتح الرحم.. ما صدقتها ومشيت مشيت بشكل خيالي وارقا وانزل الدرح كنت امشي ساعه احيانا متواصل وعديت التاسع ودخلت العاشر ورحت لها وقالت نفس الكلام.. الرحم مسكر وعنق الرحم مو لين كفايه عشان ينفتح..
قالت احتمال يقصر وينفتح خلال الفتره الجايه بس ممكن ما ينزل البيبي وخطر اني انتظر اكثر من نص العاشر لان المشيمة تموت وينقص الغذاء على البيبي.. قالت ممكن تجربين الطلق الصناعي اذا ودك بس ترا احتمال كبير ما ينزل بسبب الطلق وممكن تختاري عملية من البدايه بدال ما تدخلين طلق وبهذله بعدين تتحولين عملية.. وبعد مرور اسبوع من العاشر اخترت اسوي عمليه والحمدلله ولادتي كانت مريحه مافيها عذاب وطلق صناعي ومشاكل :)