بسم الله أبدأ برنامجي
البرنامج تقريبي وكل نهار ممكن نغير ولكن أنا غدي نكتب على حسب من كيكون زوجي معاي ماشي مسافر ولكن هو كيتعشى معاي فقط من غير الويكند لي كيكون فيها في كل الوجبات
الإثنين :
الفطور : حليب مع خبز مسخن وزبدة أو زويتة بلدية وزيتون + كاتو ضروري عند راجلي + كيك
الغذاء : دجاج بجلبانة مع شلادة دلخص وبطاطا مقلية وزيتون مشرمل مع فواكه (الغدا بوحدي)
العشاء : بايلة (باهيه) + فواكه ودانون( مع 8 دليل دائما)
الثلثاء
الفطور : مسمن مع زبدة وعسل بلدية وكاتو وحليب
الغداء : طاجين دلحوت مطيب في الفران كنعمل غير طاجين صغير قياسي +شلادة دلخيار أو دلباربة + زيتون مشرمل + سمك مقلي
العشاء : شوربة الخضار + كيش بالخضار وفواكه
الأربعاء
الغداء : طورطية + صوص طوماط + فلفل مشوي شلاد مع مطيشة + فيلي سمك مقلي وزيتون ههههه مع فواكه
الغشاء : كراتان مرفوق بسلطة فواكه
الخميس
الفطور : خبز مع جبن ولا زبدة وعسل + بريوش أو كرواصة + حليب والكاتو
الغذاء : عدس مع سمك مقلي أو بطاطس مقلية وشلادة لي حاضرة مع فواكه
العشاء : أرز بالدجاج + موس بالشكلاط ولي بغا الفواكه كيكلهم
الجمعة
الفطور : مسمن أو خبز بالجبن ولا زبدة + كاتو + حليب + كيك
الغداء : لحم بخر مع خضار مبخرة وبقولة وشلادة دلبربة مع فواكه
العشاء : حريرة مع بريوات دجاج أو قنانط دلكفتة أو بسطيلة دلحوت مع عصير في عوض الحريرة ومع جاورها هههه
السبت وهذا هو المهم
الفطور : حرشة مع زبدة وعسيلة وحليب وقهوة وكاتو وإذا أمكن بغرير
الغذاء : سمك مشكل مقلي مرفوق بصوص طوماط أو تكتوتة وفريت وشلادة منوعة وعصير ومرات الغدا برا
كسكروط : براد أتاي مع كاتو وبغرير أو بان بالشكلاط وفواكه جافة
العشاء : سباكيتي بالكفتة أو طون حيت راجلي كيجري كل صباح أحد
الأحد
الفطور : مسمن أو خبز + بريوش + كاتو مع حليب وقهوة
الغذاء : كسكس بالخضار أو تفاية مع لبن أو دجاج محمر مع فريت +تكتوكة أو بقولة أو خيزو محمض مع شفلور وبذنجان وشلادة الأرز أو دجاج معمر ومبخر مع خضار مبخرة وتويشيات مع فواكه
الكسكروط :أتاي مع فواكه جافة وكاتو
العشا :قليل فاش كنتعشو يوم الأحد خصوصا إذا تغدينا معطلين وأحيانا كنعشو برا
المهم كل نهار ورزقه وهذا برنامجي التقريبي