السلام عليكم صبايا
كيف حالكم؟؟ كيف الحمل معكم
والله اخر فترة مابدخل كتير عالموقع بسبب التعب النفسي والجسدي
الحمدلله على كل حال ان شالله كله بأجره
ربي يعطي كل سائلة الحمل.. سبحان اللهبحياتي ماطلبت أحمل بتوأم كنت راضية بواحد بس كان نفسي أحمل وربنا كريم
أعطاني أكتر من اللي طليته
المهم رح أصير بإذن الله أدخل أكتب لكم أول بأول مشان تستفيدو وأمانة تدعولي
مبارح كان عندي مراجعة
الحمدلله الدكتور حكالي انه البنت وزنها ممتاز بس الولد شوي زغير بس ان شالله ربي بيكتبله عمر
لأنه متحسن كتير والحمدلله واحتمال كبير يجي على هالدنيا بأحسن صحة وحال
يعني زايد 250 غرام تقريبا بأسبوع والحمدلله
كان الدكتور محددلي العملية ب 14_6
بس مبارح حكالي رح نخليها بعد 4 أسابيع لأنه وزنهم بزيد ببسرعة ماشالله ويمكن جسمك مايتحمل
أعطاني كورس إبر إكتمال الرئة ورح أببلش فيهم من اليوم ان شالله
وبالنسبة للأدوية لسا ماشية على الفوليك أسيد والحديد بس وقفلي المميع
حكالي راقبي حركتهم منيح ازا بتحسي انه خفت بتيجي عندي مباشرة
وكمان حكالي انه ارجع عنده الخميس وان شالله رح اضل تحت المراقبة هاي الفترة
يعني رح أزورهم كتير
مو مشكلة المهم يجو بصحة وعافيةيارب
ربي يتمملكم على خير حبيباتي والله لا يحرم حدا