جبن بيتزا لبنه وزعتر هوت دوق مقادير العجينة .. 2 كوب دقيق 3 م ك حليب باودر 1 م ك خميرة 1 م ك سكر رشة ملح الماء حسب ما تحسين العجينه صارت كأنها عجينة فطاير او الين شوي من ناحيتي اخليها الين من الفطاير العاديه تتخمر من نص ساعه الا ساعه الا ربع وبعدين تقسمينها كور وتبدين تفردينها طبعاً انا يابنات ضاعفت المقدار والشي الثاني انو ماخليتها كبيره مره احسن عشان اللي يبي ينوع ويذوق كل شي ماتكون القطع كبيرة .. تفردينها وتخلينها رقيقه وبعدين تحطينها ع الصاجه بس تشوفينها تحمرت شوي ( صارت ذهبيه ) تقلبينها ع الوجه الثاني وتحطين الحشوة اللي تبين عليها وتقفلينها بالنص بحيث تكون نص دائره وتقلبينها شوي ع النار لما تاخذ اللون اللي تبين وتحسين الحشوه داخلها تجانست او ذابت لو جبن الحشوات حشوة البيتزا صوص البيتزا افرده عليها بشكل خفيف بعدين احط قطع زيتون وجبن موتزريلا ومشروم مقطع صغير او اي شي تحبونه مع البيتزا بشكل عام ممكن تحطون ريحان ( بيزل ) بس يسخن شوي بيطلع يجنن معها حشوة اللبنه ابد مجرد انو ادهنها بلبنه وارش عليه زعتر مخلوط بشوية سماق حشوة الهوت دوق احط بصل ع النار مقطع صغير واشوحه شوي بعدين احط عليه فلفل بارد برضو صغير وبعدين احط عليهم الهوت دوق ( ارشح بقوووه الوطنيه بنكهة مدخنه ) اشوحهم شوي اتبلهم بالبهارات خفيف مره واحط ملح وشوية كزبره مطحونه ابعدهم عن النار احط عليها معلقة جبن سايل واحشي فيها الفطاير .. حشوة الجبن الأجبان اللي خلطتها عبارة عن جبن عكاوي ( بالكيلو تاخذونه ) جبن حلوم جبن قشقوان او موتزريلا لو ما عندكم القشقوان يكون ضعف كمية العكاوي والحلوم صحتين والف عافيه
اللهم اني استودعك اهلي وبيتي وزوجي وبناتي بسم الله آمنت بالله توكلت على الله ولاحول ولاقوه الابالله ربى هب لى من لدنك ذرية طيبة انك سميع الدعاء ربي لاتذرني فرداا وانت خير الوارثين ♥ اللهم اشفي اختي شفاءاً لايغادر سقماً