راح أقول لكم قصتي مع الحمل الكيميائي
أنا في نهاية شهر رجب السنة الماضية صار عندي إجهاض وفي شهر شعبان انتظرت الدورة وما جاتني قلت يمكن تجيني في شهر رمضان ووصلنا للنصف وما شرفت وقلت شكلي حامل وحللت منزلي وطلع خط واحد بس وفي نهاية شهر رمضان نزلت الدورة
والشهر الي بعده جات في موعدها الطبيعي
وفي شهر ذو الحجة تأخرت وسويت تحليل حمل وطلع لي خطين الثاني كان خفيف بس واضح بعدين نزلت
والشهر محرم تكرر نفس الشي سويت تحليل حمل وطلع لي خطين والثاني خفيف وواضح بعدها نزلت
لما بحثت في الأنترنت عرفت أن هذا الشي إسمه الحمل الكيميائي
يعني أن البويضة تلقحت بس ما قدرت تلتصق بجدار الرحم
والسبب إما لأن البويضة ضعيفة أو الحيوان المنوي ضعيف أو بطانة الرحم ضعيفة
وما أدري إذا في أسباب ثانية
وهو يصير بنسب عالية بس غالبية البنات ما يدرون ويفكرون تأخرت الدورة ونزلت عادي
وفي الطب ما يعتبر إجهاض وما يحتاج لعمل تنظيف
المطمن في الموضوع أنه يعتبر دليل على سلامة الأنابيب