يا قلبي والله حسيت بقشعرريره لانه في اطباء مشاعر الناس لعبه بين ايدهم ما بدققوا لحتى ما يغلطوا غلط يخسر المريض كل اماله واحلامه وصحته انا صرلي شي شبيه حملت بابني الاول بعد علاج وتعب وانتظار وحقن وادويه بعد ولادتي لابني الاول بسنه قررت الحمل مره اخرى المهم وقفت الرضاع وكانت عندي اول يوم دوره انتظرت دورتي فقد تاخرت خمسة ايام لانه من العاده بتتاخر عندي عملت اكثر من تحليل منزلي بشكل يومي كان يعطيني سالب لما رحت للدكتوره كانت متاخره عشرة ايام عملتلي تحليل بول وفحص نساءي حكتلي مش حامل وما قبلت تعملي تحليل دم او صوره عالرغم عندي دم بني بشكل يومي وحكتلي 3 ايام وبتيجي الدوره انتظرت لحد ما صرلها الدوره متاخره 21 يوم اتصلت برفيقتي وقلتلها الموضوع كذا كذا حكتلي راح اعطيكي رقم دكتوره عقم واتصلتي وخدي موعد المهم لما رحت عند الدكتوره كان صرلها الدوره متاخره شهر والنزيف شغال عملتلي تحليل دم هرمونات طلع عندي هرمون مرتفع رجعت عملتلي صوره طلع الرحم منفوخ كتير حكتلي اكيد حمل بس البيبي ما مبين رجعت لعندها بعد اسبوع ما بين البيبي حكتلي اكيد خارج الرحم بس للتاكد بدي اعملك تحليل دم رقمي ثاني يوم الصبح اتصلت الدكتوره بزوجي وحكتله بسرعه عالمستشفى كان عمر الحمل 9 اسابيع لو انتظرت بعد يا عالم الله شو صار معي بس الحمدلله ربنا هو الستار وقلت الحمدلله ولعله خير والله يعوضني بالاحسن والحمدلله بعد ثلاث اشهر حملت وجبت ولد متل القمر ربنا يعوضك انشالله بالاحسن لعله خير الك وقلبي معك