شوفي شن صار
طبعا كل شي درته بزيادة طاجين جبن وبيتزا تشكيلتين
وسويسرول حار بالدجاج وبوريك المرورق بالمفروم
وكلمت جارتي حتي هيا حتي اتجي
وحماواتي وعمتي
بس صار ظرف اعتذروا
فقلت خسارة ياريت كلمت صديقة ماما ويلي بناتها صديقاتي وكل مانمشي يقوموا بالواجب
وانسانة طيبة يلي في قلبها علي لسانه وكريمة جدا وتحبنا زي صغارها
وأكثر من مرة يبوا يجوني
كلمت ماما قلتلها شوفيها بالك اتجي رغم انها بايخة مني عزومة في نفس اليوم
والله فـــــــــــــرحوا
وزي ماقلتلك لانهم طيبين قبلوا العزومة وجوا بهدياهم مع المغرب
لو انا في مكانهم وعزومة في نفس اليوم نتردد في المشي
جت مع بنتها المتزوجة وبنتها المخطوبة وبنتها الصغيرة ومزال عندها توأم بنات مجوش
لما قالت ماما بيجوا
طبعا تاخروا كلهم مش مع العصر بعده بفترة
فكرت ممكن يعطوا ويقعدوا الي بعد المغرب والعشاء
علي السريع ولما انقول علي السريع ماتتخيلوش كيف شكلي عرق سكرت باب المطبخ
منبيش الريحه تطلع
بعد ماجهزت الصفر كل شي جاهز وحسب الترتيب
درت رز علي النار وسلاطة مشوية وبديت نقلي في البطاطا
دخلوا عماتي وضيفتهم
ولما جت صاحبت ماما كان العشاء جاهز
مش كل الأكلات طلعت حلوة زي مانبي مش عارفة ممكن من السرعة
بس الحمد لله مشت الأمور كويسة وانسترت معاهم
وعزومة وارتحت منها