كيف حالكن بنات
ان شاءالله اموركن تمام
ماتسالنيش عالرحلة مانبيش نذكر خخخخخخخخ بنبدا صفحة جديدة اااااه وبس
طبعا قاعدين بفندق ميلانيوم قدام نهر التاين....ماطلعتش بكل الا اليوم لصالة الاكل فطرنا عالسريع عشان العيال راقدين... وبعدها ابوفراس طلع عندهم مشية للفندق....
قال نحاول نجيب عربة اطفال لو حصلتها عشان نطلعوا....لان كرهنا حاجة اسماها شيل وشمر خلاص حيلنا انهد......
يابنات النهار عندهم مايتمش...المغرب يذن عشرة الا ربع تخيلن والعشاء ياذن احداش وربع هك..... والفجر 3بليل
يستر الله ف رمضان...
عموما مازلت ما انسجمتش م الاخير ليبيا هي ليبيا
رايفت وليا يومين بس ههههههههه
خصيصا بعد شفنا البار تحت بعد وصلنا سكرانات طالعات استغفر الله ...الحمدلله ع نعمة الاسلام
رقدنا بلا عشا... وامس زوجي وصاحبه تعبوا بيش حصلوا مطعم حلال .....ااااااه وبس