صباح الخير خواتاتي كيف صباحتو كاملين ؟
البارح فاش مشيت نقابل لعشا كان باديني شيء وجع في المعدة ديالي وبقا غير كيزيد ،طفيت على الماكلة ومشيت نتيكا ووالو ،جاراجلي لقاني كنموت خلعتو مسكين
لي جاني جاني فوق في راس ديال المعدة والمشكلة مكلتشي شيء حاجة باش نخاف وبداني مع 6 ونص وأنا مغدية مع 1 ونص يعني ماشي سبب الماكلة
بقيت كنصبر في راسي نزلت لعشا وقلت ناكل شويه وهو غير كيزيد ماخلاني ناكل لا نجلس لا نمشي معرفت شنو نعمل
جلس راجلي كيمسدلي وكيقرا علي شويه دلقرآن ووالو من شاف القضية حامضة مشينا لسبيطر ومشيت وأنا كنخكف مقسومة مكنقدرش نسرح ظهري ولا نتنفس وكلما جرى بطونوبيل كنحس بالحريق كيزيد
المهم وصلنا للمستعجلات دخلوني وجلسو علي بالأسئلة وأنا متأكدة ماشي تسمم حيت التسمسم كيسبب القيء والإسهال
قاسو ضغطي ورجة حرارتي لقاو ضغط نازل شويه
شافتني لاساج فام وشافت دقات قلب البيبي ولقاتو هو هداك وفي الأول كان قلبي وقف حيت ماسمعت والو
خالتني ناعسة وجا طبيب وعطاني واحد المهدئ وطلبو ي نعمل تحليل ديال البول والحمد لله خرجت مزيانة حيت خافو من شيء إلتهاب
بقيت هكداك وجابو لي مراها 3 ديال الكينات وواحدة كتذوب في الما شربتهم وعطاوني مهلة ديال نص ساعة إذا مامشاش لوجع غدي يشيدوني
المهم بدا لوجع كيخف وجاني شيء نعاس عيني كيتشدو بحدهم
وخلوني نرجع لداري وخرجولي دوا نشربو في حالة ماتعاد علي الحال وتحاليل ديال الدم
معرفتشي شمن ساعة رجعنا أنا كنت مدوخة وطحت نعست فحل ميتة وياربي مايعطي دك الحريق لحد ودابة الإثنين عندي مجموعة ديال التحاليل ومن ضمنهم لي خرجلي بروفيسور آخر مرة يعني نوجد يدي وزيد عليها كاين حتى الكليكوز
بلحق الطبيب طمني قالي هذا غير من الحمل والبيبي كيضغط على معدتك وأنا شكيت في حاجة وحدة كانت في الحرقة وخديت واح كروت صغيرة ومراها شربت الما من تم وأنا في الحريق
سمحولي طولت عليكم
ولكن ليوم صبحت مزيانة ولله الحمد والله يجعلها في الميزان ونفرحو ببيبيهات ديالنا يارب