[نتاليا]

المشاركة الأصلية كتبت بواسطة أم أيهومي

هلا وغلا حبيبتي نورتيني يالغاليه,,

شوفي حبيبتي,,بما انه انت بالخارج يعني مو بدوله عربيه وانما بدوله اوربيه
احيانا متتوفر كل المكونات ومتلكيهة جاهزه في مكان واحد,,

اني الخلطه الي اسويهة واخذ منها للدولمه

نصف ملعقة شاي فلفل اسود
نصف ملعقة شاي فلفل ابيض
نصف ملعقة شاي كمون
ملعقة شاي هيل مطحون
ملعقة شاي زنجبيل
ملعقة شاي دارسين او قرفه

ملعقة شاي نومي بصره مطحون

ملعقة شاي بابريكا

ملعقة شاي ثوم مطحون مسحوق

ملعقة شاي قرنفل مسحوق

هاي اخلطها بعلبه واستعمل منها للدولمه حسب رغبتي
يعني بكيفي اريد ازيد الكميه او لا

وطبعا تكدرين تتفننين وتضيفيلها اضافات من عندك مثل كرفس مجفف ويابس ومطحون وتخلين وياها فد ملعقه شاي
او بقدونس مجفف او شبت
وطبعا بالاضافه الى انه تخلين هاي الخضراوات الورقيه الي اتضيف للدولمه نكهة طبيعيه

اني الدولمه دائما اهرسلها ثوم بمكينة هرس الثوم
واخليلها شبنت وكرفس ومعدنوس تطلع كولش طيبه
وان شاء الله فدتك بكلامي

واني حاضره لاي سؤال وادللي عليه

شكرا حبيبتي الوردة ام ايهومي على المساعدة اني ممنونه منج , و مكونات الابهارات مالتج مبينة كلش طيبة و اكيد راح اشتري المكونات و استعملها للدولمة ,,

بالمناسبة ممكن اعرف شنو البربيكا ؟؟
و بالنسبة للدولمة اني هم احب اخلي بيها ثوم مهروس راس ثوم كامل اخلي بالدولمة فعلا تصير طيبة و راح اضيف المعدنوس و الشبنت مثل متسويها راح اسويها لان مبين تطلع طيبة اكثر بهاي الخضرة ,

شكرا يا طيبة ربي ميحرمنه منج

تحياتي