[يارحيم]

والله يا مشاعل اللي حولي لا جيلي ولا الجيل اللي قبلي ما يرضع! السنع منهم يرضع ثلاث اسابيع ولا شهر وبعضهم من الولاده صناعي وخلاص.. وفعلا العين حق وجا هالشي على بالي بس وش اسوي كل ما ارضع اروح مكان ثاني والبس مريلة الرضاعه وكل شي بس على قولتك كلهم يسألون ترضعين طبيعي؟ ما ياخذ صناعي؟ ويشوفوني اروح ارضع وارجع وكذا.. باذن الله ببدا اقرا عليه الفاتحه..

انتي زين ن بنتك تدفك وتعيي ترضع عند الناس عشان يحسون ان بنتك ماترضع زين وما يعطونك عين ههههه انا ولدي بالبيت يهبل بي ويصرخ ويمعط شعري مب سهله رضاعته وعند الناس يتسلط يرضع بسرعه ويكرع على طول ويكمل ههههههه يحسبوني انصب لما اشتكي عليهم!!

انا جبت الطحينه على اساس انها من السمسم زي الطحينية بس الفرق انها ما تسمن زي الطحينيه وعلى ما فهمت ان لهم نفس المفعول بس للحين مابديت اكلها لاني ماحب طعمها شايله هم!! طيب لو باكل حلاوة طحينيه كم لازم؟ ملعقتين كبار باليوم كفايه؟ انا شايله هم انها تنفخني.. وحليب ما اشرب ايد!! مب من حبي للحليب بس للاسف بحاول بكل الطرق عسا يرجع حليبي يكثر..

يوم قلتي سلطات وسمك شهيتيني بالعافيه عليكم.. اذا قلتي نقطه عن بنتك اخق معها اتخيلها صغيره مرة وعليها شعر حلو ومملوحة:) ماشالله الله يخليها لك انا اموت بالبنات الله يرزقني بنت ياربي البسها وامشطها واشبع من حب البنات فيها..