[يارحيم]

اهلييين ياحلوييين وحشتووووني.. وشكرا للي فقدوني وسألو عني.. كنت مررة مشغوله هالويك اند ومافضيت ابدا حتى اتروش هههههه

تراني صادقه تدرون لي يومين بتروش وعجزت افضا؟؟ هالولد ماخذ وقتي كلللله.. واذا بقا شوي تلاقين الف شغله ودي اسويها..

هاليومين صاير عسر شوي وصياح!! توقعت لين كبر يخف صياحه ماشالله عليكم بديتو تنظمون رضعات عيالكم.. انا مشكلتي ولدي اذا يبي يرضع يفجر راسك بالصياح!! صوته بسم الله عليه عالي وعنده اصرار غريب مرة قررت اسفهه قعد نص ساعه متواصله يصيخ ويصرخ لين انفجرت اذاني واخذته ورضعته غصبن عن اللي جابوني

قريت كل سوالفكم بس مايمديني ارد على كل شي بس بعلق على نقطة مشاعل لما اشتكت من الاسهال.. ميشو يا حلوة ترا اللي يرضعون طبيعي برازهم زي الموية ويستمر كذا لين ياخذون صناعي ومرات يستمر حتى مع الصناعي.. يعني ما يعتبر اسهال هذا هو بررازهم العادي..

وليالي حبيبتي اللي فات مات والندم مايفيد بشي يمكن ربي رادك عن شر ماتدرين.. ترا ابليس شاطر من كم يوم جتني نفس حالتك قررت اكتئب واصيح ليه سويت قيصري قلت لو اني منتظرة كان جاني طلق مع انه مو مشكلتي انه ما جاني طلق مشكلتي البيبي كان مرتفع وكملت 41 اسبوع وهو مرتفع لكن برضه قعدت اوسوس قلت ليتني منتظرة يمكن مع الطلق ينزل واولد طبيعي؟ مع اني مستخيييرة وربي مستحيل يدلك على شي غير الخير.. اخترت القيصريه وانا مقتنعه ومرتاحه ومستخيرة ومستشيرة وانا متأكده مليون بالميه لو الطبيعي افضل لحالتي كان ربي ردني عن القيصري بس وش تقولين ابلس شاطر..

بالنسبه للرضاعه اذا حليبك بدا ينشف جيبي شفاطه واشفطي ثلاث اربع مرات باليوم لين يرجع الحليب يكثر وحاولي بولدك امنعيه من الصناعي لين يجوع وياخذ صدرك غصب.. لو تبحثين بالنت تلقين مواضيع تفيدك وفديوات تعليميه وممكن تروحين اي مستشفى اهلي وتطلبين تشوفين اخصائية رضاعه واستشيريها وهي بتساعدك.. لا تسألين عن توقعاتنا وانتي ماجربتي.. جربي وحاولي واصري والله يعينك ويوفقك