على سالفة التساقط برضه سويت بحث كثير وقالو عادي يطيح شعر الطفل بس الاغلبيه قالو مابين ثلاث الى ست شهور حسيت انه بدري على ولدي يطيح من الحين؟ وبعدين كثير قالو تطيح الجوانب زي ولدك او الاجزاء اللي ينام عليها.. انا طاح من قدام!! وبالضبط نص راسه طاح ونصه عادي شكله نكته.. من قدام شبه مصلع الحين!! ومن ورا شعر عادي.. مو طبيعي المنظر
مافيني انتظر ست شهور لين ينبت شعره!! لانه ما طاح بالتدريج بسم الله خلال يومين طاح.. ان شالله ينبت بسرعه ناويه بكرا انزل السوق اشتريله قبعات لان شكل شعره خايس الحين ههههههههه الحمدلله اني الاسبوع اللي فات صورته صور كثيرة قبل يطيح شعره
نسيت اعلق على موضوع الرضاعه والنحف.. انا صراحه ما احس بجوع مبالغ فيه ولا عطش بس انا احرص على شرب الموية والاكل المفيد واخذ فيتامينات حق المرضعات كل يوم عشان اضمن ان الرضاعه ما تأثر على جسمي.. ما سويت ريجيم بس صراحه ما اخذ راحتي بالاكل اخاف انتفخ.. صحيح اكل اربع وجبات باليوم عشان الرضاعه بس احرص على الخبز البر واحرص على العصيرات الفريش واكل تمر وسلطة وفواكه وهكذا طبعا لابد من التخريب والحلويات بالذات مع قهوة المغرب :) هذي عادات سعودية اصليه قهوة وحلويات فترة المغرب او العصر.. ورغم هذا ماحس اني انحف يعني اول ماولدت وجيت البيت كنت كل كم يوم انزل نص كيلو وكنت مبسوطه!! بعدين وصلت وزن معين ووقفت وهاليومين لاحظت اني زايده نص كيلو ياربي سترك.. انا زيك كنت فاهمه اني بنحففف وانا ارضع وفرحانه وانصدمت بانه ماينحف مرة ويبيله نظام غذائي وانا مالي خلق حدي اكل مفيد والرجيم بعدين