زنوب من ناحية الشفاطة انا اشتريت الكهربائية.. صحيح ما تتعب اليد ومريحه لكن ما تشفط حليب كثير!! مرات احس صدري مليان واقعد ساعه كاملة اشفط وما تطلع اكثر من خمسين مللي اللي هي اقل من رضعه بالنسبه لولدي..اليوم خلطت اللي شفطته مع اللش شفطته امس عشان يكمل رضعه! مشكله اقعد يومين عشان اشفط رضعه وحده..
اول ما ولدت ماشالله كانت تشفط كثير.. مدري الشفاطه خربت ولا انا ولدي كبر وصار يرضع اكثر وماعاد يبقا حليب كثير للشفط..
بالنسبه للرضاعه.. الله يذكرها بالخير بيورتي شجعتني اخذ قراري وما اهتم لرأي زوجي هههههههههههههه وفعلا حطيته امام الامر الواقع!! كلمته وكان الولد يصيح جنبي (لزوم الاكشن) وقلتله جب لي حليب وانت راجع ولا بنتحر ههههههه والولد يصرخ جنبي فهو سكت وجاب الحليب :) ولما جا البيت قالي مو لسا صغير على الصناعي؟ مو احسن نستنا لين يكمل ثلاث شهور على الاقل؟ قلتله تستهبل؟ الولد ما يشبع وانا صدري يعورني خلاص ماعاد اتحمل كل ساعه رضاعه وراسي صدع من صراخه ماعاد اقدر اتحمل وماعطيت مجال للنقاش ابد قلت انا امه وانا اللي ارضعه وهذا قراري المفروض تشجعني عليه لانك لو مكاني من اول اسبوع ما تحملت.. سكت وماعاد انفتح الموضوع :)
صرت اعطيه رضعتين بالليل صناعي..قبل لا انام ارضعه طبيعي اخر رضعه وانام.. بعدها بساعتين يبكي اعطيه صناعي وينام تقريبا ساعتين ونص او ثلاث ساعات وبعدين يرجع يصحيني واعطيه وحده صناعية ثانيه ويكمل لين الصبح.. صرااااحه فرررق عن اول.. صحيح كنت اتوقع بينام ساعات اطول يعني اربع خمس.. بس معليه مو زي اول كل ساعه او ساعه ونص بالكثير يبكي!! اكون انا لسا ما نمت من بعد الرضعه اللي قبل لاني ما انام بسرعه قعدت كم يوم شبه مواصله بغيت انهبل.. بس لازم فتره الصباح بدري من ستة كذا يبدا المغص والبكا كل شوي!!
صراحه للحين ما انام زين من رضاعته ومغصه! بس انا اقول فتره وتعدي سويت بحث كثير والاغلبيه تقول على عمر الشهرين يبدا يخف المغص ويتحسن نوم الطفل.. اللي صبرني شهر يصبرني ثاني ان شالله..
يوه احس اني كتبت كثير!! معليه تراني بربارة واحب اسولف ههههههه