زينب ياحلوة كيفك وكيف نور؟؟ بديتي تتعودين على الاسم؟؟ ماشالله تبارك الله صار شهرين ونص قريب بيكمل ثلاث شهور وتبدين ترتاحين انا ودي اغمض وافتح والقا شهر مر ههههه الحين حنا في عز ازمة الغازات والبطن والصياح بالليل الله يكون بالعون..
وكيفه الحين بدا يتجاوب معك ويطالع فيك ولا للحين مفهي؟
بالنسبه للرضاعه بما انك بديتي بالصناعي من البدايه بيكون صعب شوي الانتقال للطبيعي 100 بالميه.. بس اذا عندك الاراده بتقدرين ان شالله.. حاولي تاخذي مدرات للحليب انا الحلبة نفعتني شريتها على شكل كبسولات من جي ان سي واكل اربع باليوم ثنتين الصبح وثنتين بالليل.. اشربي موية كثييير والله بدون مبالغه اليوم اللي ما اشرب فيه موية كثير يقعد ولدي يصيح كل مارضع لان الحليب قليل!! الموية اساسيه في تكوين حليب الام صرت احط بالطاولة اللي جنبي اربع قوارير موية لازم اخلصها بالنهار وبالليل اجيب ثنتين اشربهم!! ولاحظت الفرق بالحليب..
طبعا ولدك بالبدايه بيصيح كل شوي لانه مو شبعان.. بالبدايه رضعي كل شوي عشان يحفز انتاج الحليب وبعد كذا ضروري تنظمين رضعاته عشان ما يصيرلك اللي صارلي.. صار يبي يرضع كل ساعه وصارت حياتي جحيم واذا مارضعته يفجر راسي بالصراخ والصياح بغا يجيني شي!! الين ما نظمت رضعاته بالقوة وللحين مرات اتعب ويقعد يصيح ونرجع للموال القديم بالذات اذا كان ذاك اليوم مافيني حليب يسوا وما شيع..
بالنسبه للشفاط شكلك اشتريتي مديلا لانك تقولين زوجلك جابلك الحلمة معها.. شريتي اليدوية ولا الكهربائية؟ انا عندي شفاط ميديلا واشفط تقريبا يوميا بس انا ماحس حليبي كثير وولدي يرضع كل شوي يعني يادوب اشفط لي رضعه باليوم مع اني اقعد ساعه كامله على الشفاط! بس اهم شي اهم شي شوفي طريقة تنظيفها انا كنت انظفها بطريقة غلط وبعد اسبوعين من الاستخدام ماصارت تشفط زين وماصار يطلع حليب وانقهرررت وبغيت ارميها بس زوجي كلم الشركة واشتكا وسألوه عن طريقة التنظيف.. لما علموني طريقة التنظيف الصحيحه رجعت اشتغلت زين!! طلع فيه قطعه تجمع فيها دسم الحليب واثرت على فعاليتها لاني ما افككها زين وانظفها.. انتي اقري الكتالوج عدل عشان ما يصيرلك زيي..