[maesooo]

المشاركة الأصلية كتبت بواسطة يارحيم

بيورث مشكورة على النصيحة القيمة احس انك صحيتيني من نوم!! مارح اسكت له خير!! بفكر بموضوع الصناعي واستخير واقرر بدون ما اشاوره واذا قال وشلون عطيتيه وانا ما اوافق بعطيه الولد اقول اجل انت رضعه وغيرله ونم معه!! انا هذي طاقتي ومن وجهة نظري اشوف انه قرار يخصني لحالي..

عموما لو قررت اعطيه صناعي بخليه بالليل بس عشان ينام ساعات اطول وانا اقدر ارتاح شوي وبالنهار ان شاء الله طبيعي..

وبعد كم مرة يجيني وانا توني صاحيه ومعصبه لاني اكون ما نمت لي ساعتين وهلكانه ومصدعه بعدين يمزح وهو يلعب الولد ويقول "ترا امك ملت منك" "امك ما تبيك"!! كنت بالاول اطنش على اساس مايحس هالحركات تأثر فيني ويزيدها لكن طفح الكيل وهزأـه على هالجمل وانهرت عليه اليوم.. قعدت ابكي وقلت بعد كل العذاب والمعاناة تجي شبعان نوم تلعب معه وتقول هالجمل السخيفه والحمدلله حسيته بالمرة تحسف وحس انه كان بايخ..

بس فعلا احيانا لازم تحطين حد ولا يتمادون!!

انا من البدايه عطيت حمودي صناعي مره في اليوم بالليل عشان يشبع وينام
بعدين صرت اسوي له مرتين باليوم مره في الليل ومره في النهار
عشان لو رحت بعدين الدوام يقدر يرضع
ولانه احيانا احس مايمدي يتجع حليب في صدري يكفي
خاصة انه بدا اكلي يقل شوي