مسالخير صبايا
اشتقتلكم واشتقت لاخباركم ولتجمعنا الحلو
انا غبت كم يوم عنكن كنت شوي تعبانة ومرهقة
وبدي استشيركم ب شئ اذا عندكن معلومة فيدوني لاني كثير متوترة على وضعي
انا اجتني الدورة ب موعدها وهيدا ثاني شهر بتجيني خفيفة
وانا شكيت بالامر قلت لازم اعمل فحوصات واعرف شو سبب هالدورة الخفيفة والقليلة
رحت عملت فحوصات الحمدلله كلها سليمة والمبايض تمام وكله نورمال
لكن .. قللي الدكتور انه الرحم عندي مايل .. وقلي شئ طبيعي وعادي ولكل ست تختلف عن ست المهم طمني
اخدت التقرير وصورة السونار لدكتورة وقالتلي كل شئ سليم عندك
لكن الرحم مائل شوي وهالشئ ممكن يسبب لي تاخر بالحمل ،صراحة وقتها بكيت من قلبي وانقهرت كثير
قلت لها بس انا عندي بنت وولد وسبق وجبت اولاد
قالت لي يمكن رحمك هيك من البداية وقالتلي انا ما قلت لك بيمنع الحمل
لكن ممكن ياخر حدوثه ..
وذكرت لي اعراض الرحم المائل وانا ما صارت معي .. وقالت يمكن الدورة قليلة لهالسبب ،
مثال الم ضهر قوي ، الم عند وبعد الجماع ، الم قوي وقت الدورة
كلها ما شعرت بها الحمدلله .. لذلك عندي امل انه ما يكون الرحم مائل
رح اعمل سونار تاني عند دكتور اخر وشوف اذا النتيجة واحدة
انا ببلد غربة والطب فيه ما منيح بس شو اعمل لازم اطمن
المهم صبايا طمنوني شو يعني الرحم مائل؟ شو اسبابه وعلاجه؟ وممكن يرجع لمكانه واحمل:( ولا صعب !
ممكن بعض اوضاع الجماع تسبب ميلان الرحم؟ او الرياضة؟ او ممكن بعد الولادة؟
توتر وخوف وقلق كلهم فيني ومحتارة ما عارفة فكر