ياقلبي من الرابع الين تدخلى الخامس لازم تكونى مداومه على الحديد والكالسيوم وزي ماقالت الاخت المسميات للشركه تختلف انا استخدم حبوب الفروز والسيكال حقت الكالسيوم ولما تخلصي الرابع تراجعى وتشوفي اذ فيه تغيير للادويه او زياده او شي حسب حالتك بس طالما الدكتوره مافحصت ولاعملت سونار ولاسوت تحليل فعلى اي اساس زودت الجرعه ؟ خليكي على المضمون زي مو كل الحوامل اللي في نفس شهرك ولاتخبصي ويابنات ترى مو ضروري يكون كلام الدكتوره دايما صح نحنا الحمد لله عندنا ثقافه وناس مجربين قبلنا فلازم نتاكد ونسال عن كل شي قبل نسويه انا كنت توى في الشهر التاني والدكتوره النايمه كتبتلي كالسيوم اللي اسمو كالترات الصيدلي اعطانى النوع اللي فيه فيتامين د والمعروف والمفروض انو مايستخدم الفيتامين د في ال3 الاشهر الاولي من الحمل نهائياااااااا لانو يشوه لاقدر الله ولما رديت عليها وقلتلها قالتلي المفروض الصيدلي يسال ومايعطيكي النوع ابو فيتامين يعطيكي الساده ؟؟؟ّ!!!! سبحان الله على قله الاهتمام والمسؤؤليه لانها حتى ماكتبت في الروشته حضرتها والحمد لله كنت محتفظه فيها ووريتها لما سوت نفسها مو عارفه <<<<ومن متى الكالسيوم ينصرف من الشهر التاني والله اللي مايفهم شي ومايقرا ويسال يضيع معاهم عشان كدا احسن شي شهر بشهر تسالي امك واخواتك وتتاكدي من كل شي زياده للحرص مو شرط تشكيك في الدكاتره او شي بس الحرص واجب والله يهون علينا ويحميناواطفالنا من كل شر