ليش حبيبتي انت في أي شهر؟
شوفي بعلمك أنا صارت معي لما كنت في الشهر الثامن وعلى التاسع حسيت مو بس وركي إلا رجلي كلها انفكت من وركي وكنت احسبها ولادة ههههه ولا اقدر امشي أهلي كانو يسندوني لين أوصل الحمام الله يكرمك , المهم بعد فترة طابت ورجعت طبيعي يمكن من الثقل الاربطة ماتتحمل الوزن
والحين انا في الشهر الثالث وهالمرة مو وركي, هالمرة ظهري احسه منفك من ورا وما اقدر اقوم واقعد مع انه مافي وزن بس سبحان الله هذا حمل وكلشي فيه جائز ممكن من الهرمونات ممكن من ازدياد حجم الرحم تنشد الاربطة معاه وممكن لان الحوض يبدأ يتوسع والعظام معه تتوسع خاصة اذا كنتي بكرية ويمكن من حركة مفاجئة وممكن انت متعبة نفسك بشغل أو مشي و ممكن اي شي
لاتخافين موضوعك يبيله راحة وبس وان شالله تقومين لنا بالسلامة