اسلقي اللحم والدجاج من الليل وحطيه بالثلاجة وعادي لما تجين أسهل شي الكبسة بس كبي الرز عليه
أو مثلا من الليل تبلي السمك (على النار حطي طماطم شرحات على شوية زيت زيتون واتركيه على نار هادئة لين يذوب وضيفي بعدين عليه بصل مقطع وثوم مهروس وشرحات ليمون ومعجون طماط وبهارات واتركييه حتى يتسبك بعدين حطي عليه السمك) السمك ما يتحمل النار يادوب شوي لاتخلين اللحم يتفتت وحطيه بعدين بصينية فرن ودخليه الثلاجة, ثاني يوم لما تطلعين من الكلية دخلي الصينية الفرن بس , نصف ساعة تطلع تهبل ( طبعا تحطينها لين تنشف مويتها) تطلع زي حقة المطاعم
أو مثلا نفس الطريقة بس بخضار ودجاج جهزي الصينية بالليل, ولما ترجعين دخليها الفرن
مرق الخضار بأنواعه ممكن تسويه قبل بيوم وتحميه ثاني يوم ولا يبين عليه انه من أمس
شوفي أي أكلة تبينها تعتمد على الدجاج أو اللحم وهذا اللي ياخذ وقت طويل انت جهزيه قبل بيوم وخلي الكماليات لما ترجعين
بكل الأحوال أعتمد على الفرن لما أحمي أي كلة ما أضيف لها ولاقطرة ماء أغلفها بقصدير وادخلها الفرن والله تطله كنها توها مطبوخة
والله يوفقك ويعينك ياقلبي ياليته سهلها عليك وفي ايام الدوام تجيبون من المطعم أو أهله يساعدونك