لا طبعا اذا نزلت الموية تروحي للمستشفى .. حرام وحدة بكرية او ماهي فاهمة كويس تخاف من كلامك وتأذي نفسها
يابنات الموية لما تنزل لازم تنويم لأنه فيه كتيييير اسباب و اشياء بيحطوها بالاعتبار غير الطلق والولادة مثل الجفاف ومثل الاختناق ومثل تسرب البكتريا للطفل اذا مادخلتي بولادة فورية
لازم تدخلي مستشفى عالاقل تعرفي وضعك و بعدها بكيفك لكن ضروري .. الوحدة تصبر ببيتها لو وضعها مستقر مش لو عندها نزيف او انفجرت الموية . .. لا طبعا لا
بس المشكلة مش هنا
المشكلة انه اغلب الحريم والبنات مايستشيرو دكاترة ثانيين ..
والمشكلة كمان ان اغلب البنات والحريم مايدرو ان من حقهم حتى لو حكومي يرفضو اي شي ماهم مرناحين له ..
يعني الفلبينية واضح جدا من كلامك استعجلت و أذتك ويمكن والله أعلم كانت سبب عمليتك
لكن بصراحة أنا ألومك انتي .. اذا انتي شايفة انه عندك طلق وحالك مستقر والبيبي كويس ومافي سبب يجبرك تاخذي طلق صناعي
ليش خليتيها تعطيكي ؟؟
خصوصا ان شفتي دكتورة عارضت .. يعني مفروض ترفضي بكل بساطة ..
اذا كانت تبغى تخلص او ايش ماكانت نيتها لما تشوفك عارفة حقوثك بتسكت وتتراجع
وان كانت لسبب ما هي ادرى به كطبيبة او ممرضة أصرت فأقصى شي بتسويه تقلك وش البب .. وان رفضتي تعطيك ورقة انك رفضتي ع مسئوليتك
الكثير يخاف من هالورقة ويحسبها قرار انتحاري كأنه يعني يوم تتورطي بقرارك بيوقفو يتفرجو ومش حيساعدوكي
بينما الورقة هذي عشان ان صار اي شي مااحد يرفع قضية اهمال عالمستشفى او الطبيب .. فقط لا اكثر ولا اقل ..
يعني كان مفروض ترفضي الصناعي .. و تطلبي طبيب ثاني لأنه فيه لجنة بكل مستشفى اسمها علاقات المرضى لو زوجك يروح يطلب طبيب ثاني على طول بيغروه لك
يابنات والله حرام ينلعب فيكم عالفاضي فيه ناس ماتخاف الله ولازم تكونوا واعيات لحقوقكم حتى لو خايفين وبكريات او في حالة ولادة ومنتي ناقصة بس حرام لنفسك حق عالاقل استشيري طبيب ثاني حتى لو زوجك يروح بتقريرك يسأل لو باتصال .. يعني هذا أقل القليل ..
والله مرة حزنت عشان اكلتي عملية عالفاضي قلبي تقطع عليكي وربي
بس ان شاءالله البنات يقرو ردي ويفهمو حقوقهم وانه ترى مو عشانك في ولادة وموت حي مسموح لهم يخربطو فوق راسك ومالك كلمة ترى هالكلاك موجود في النظام نفسه لكل المستشفيات
المهم ياقلبي نتعلم من الغلط والأهم من كل هذا انه الحمدلله ربي أهداك أحلا بنوتة تعوضك ...
وربي يصلحها لك وتسعدك وتشوفيها احلا عروسة