[غلا الشوق]

بسم اللهـ الرحمن الرحيم

كيف الحال جميعا



ان شاء اللهـ بخير



تقريري اليوم حيكون عن برنامج خواطر 5



الي انا من المعجبين والمتابعين لهـ



حبيت اتكلم عن هادا البرنامج



لانهـ فكرتهـ كانت مرهـ حلوهـ وجديدهـ ولفتتني



من 4 سنين وانا اتابع الدرامات وملاحظهـ كيف حياتهم ونظامهم واحترامهم لكل شي



كان يعجبني الشعب الياباني وثقافتهـ



:: فكرهـ البرنامج ::



خواطر من اليابان كيف ننقل الثقافهـ اليابانيهـ ونحولها باسلوب اسلامي



تكون ليها فايدهـ ومنفعهـ للكل



لانهـ صراحهـ اليابان شعب ذكي وعندهم افكار جبارهـ



فما في ضرر لو ناخد منهم ونطبق عندنا



.................................................. ......



:: المقدم ::



طبعا الاستاذ احمد الشقيري غني عن التعريف



من قبل كم سنهـ عرفناهـ في برنامج يللا شباب



ولمن كل واحد اتفرق وراح لطريقهـ طلعلنا بفكرهـ خواطر



طبعا الفكرهـ مرهـ حلوهـ وتنم عن عقل واعي



افتتح مقهى اندلسيهـ



مقهى غير بفكرتهـ وديكورهـ وكل شي



المقهى فاتح مكتبهـ للقراءهـ ومشغل اناشيد



وحركات تانيهـ كتير



...............................................



:: خواطر في اليابان ::






كانت فيهـ حلقات حلوهـ ومميزهـ ومن هادي الحلقات حلقهـ





:: كيدزينيا ::



عالم ومدينهـ كاملهـ للاطفال



يشتغلوا ويعملوا فيها بالوظايف والمهن تبع الكبار



حبيت الطريقهـ الي بيعاملوهم فيها كانهم بالغين



مسؤولين عن شغل وياخدوا راتب ويصرفوا منهـ



عندهم بنكـ يحطوا فيهـ فلوسهم



احس مكان زي كدهـ يعلم الطفل كيف انهـ يحس بالمسؤوليهـ



وكيف انهـ الفلوس ما تجي بالساهل



فالواحد المفروض ما يضيعها بالساهل



افكار حلوهـ وبسيطهـ تجي من مكان الاطفال يحسبوهـ لللعب



لكنهـ بينمي فيهم حاجات اكبر بكتير



:: فكر بغيركـ ::



حلقهـ حبيتها مرهـ كتير



يعني تشوفوا كيف من جد المجتمع ما يفكر في نفسهـ بس



لكن يفكر في غيرهـ



في كل مكان مو بس في مكان معين



تحترمي فيهم الشعور الي بيكنهـ كل واحد للتاني



اي شي فيهـ ازعاج للاخرين يعتبر قلهـ ذوق والمفروض انهـ ما يسير



من جد شعب رائع




:: المدارس عموما في اليابان ::



صراحهـ احيي الشعب الياباني على زرع الافكار في شعبهم



من هم صغار



وزي ما يقولوا العلم في الصغر كالنقش على الحجر



وهما من هم صغار بيعلموهم ويزرعوا فيهم الاخلاق



زي الاكل بيعلموهم كيف ياكلوا وفوايد الاكل ويستنوا بعض ومحد يزيد عن احد



ومحد يسيب في طبقهـ شي



الجزم محد يدخل المدرسهـ بنفس جزمتهـ الي جا فيها



والسبب انهـ لا يوسخها من الشارع فعندهم جزم يغيروها ويلبسوها ويدخلوا بيها المدرسهـ



والنظافهـ



انهـ كل واحد بعد نهايهـ الدوام يمسكـ ادوات النظافهـ ويبدأ ينظف فصلهـ حتى الاستاذ معاهم



وعندهم فرش اسنان وادوات تعقيم خاصهـ بيها



احترام المدرسين شي اساسي



والكتير الكتير من الاخلاق



صراحهـ حبيت البرنامج لانهـ لو تشوف الاخلاق اليابانيهـ



تحس نفس الي امرنا بيهـ الاسلام



وهادا الي مخليهم من الشعوب المتقدمهـ



اتمنى انهـ الناس تاخد بكلامهـ



ومو بس تعديهـ اي برنامج والسلام




واحللللللللللللللى شي اغنية النهايهـ بصوت حمود الخضر طالعهـ روعهـ



والكلمات جونان



الحكمهـ ضالهـ المئؤمن ..وبنو الاسلام بها اولى



حيث تجدها فعليكـ بها .. عنهاابدا لا تتخلى



في القلب خواطر عن امم .. في واقعها قيم مثلى



في القلب خواطر عن مثل .. في حضارتنا كانت اصلا



من واجبنا ان نعرفها.. عن قرب وبها نتحلى



قيم اوصى المختار بها .. ولنا فيهـ المثل الاعلى



فتخيل لو نمتثل لها .. كم تصبح دنيانا احلى



في القلب خواطر



ودحين في صور مره روعه