[أشـواق]

السلام عليكم
حبيباتي انا حاليا في فترة النفاس ولدت قبل 10 ايام تقريبا و لادة طبيعيه و لله الحمد .. بعد خروجي من المستشفى حسيت بتورم في رجولي و اهلي قالوا لي طبيعي و كنت ارفعها طول ما انا جالسه ... المشكله من كم يوم حسيت بضيق بالنفس وخاصه لما اصعد الدرج و صرت اصحى من النوم مخنوقه بعض الاحيان .. كنت فاهمه انها ربو مع اني عمري ما عانيت من مشاكل بالتنفس من قبل ..
المهم رحت المستشفى عملوا لي تخطيط للقلب و اشعه وتحاليل .. للاسف صدمني الدكتور لما قال المشكله ((( تضخم في القلب ))) والله انهرت و اسودت الدنيا بعيني .. عمري ما عانيت من اي مشكله في القلب الحمدلله و طول فترة حملي كانت الامور جيده ..
والله ذبحني الوسواس و الدكتور كان يبي ينومني بالمستشفى بس رفضت لاني نفسياا اكره جو المستشفيات وعندي ولدي يرضع ماقدر اخليه ... امي تقول الضيقه و تورم الرجل شي طبيعي في النفاس و اني محتاجه راحه و فعلا انا اليوم كنت مريحه وما حسيت باي مجهود الحمدلله..

بليز الي مرت بتجربه مشابهه او عندها علم بالموضوع لا تبخل .. الله يكتب السلامه للجميع