انا قريت كثير عن الممنوعات في الحمل وما مر علي تحذير شديد من الغازيات.. الغازيات بشكل عام مضرة لكن مافيه ضرر خاص على الحامل.. وبعدين الببسي يختلف بشكل كبير عن السفن اب.. الببسي يضر العظام وفيه صبغات وكافيين لكن السفن اب مافيه صبغات ولا كافيين وما اظن له ضرر على العظام انا قريب لي استشاري كبير ويجيب سفن اب لعياله دايم يقول افضل من العصيرات الجاهزة اللي كلها صبغات.. يشربون يا عصير طازج ولا سفن اب..
وعموما مرة بالاسبوع مرة قليل حتى لو مضر ما رح يضرك علبة بالاسبوع.. واساسا السفن يهضم ويريح انا صراحه ما كنت اشربه بس من حملت صرت اشربه احيانا يريح معدتي ويهدي اللوعه.. اذا انتي تحبينه ويريحك حبيبتي اشربي علبه علبتين بالاسبوع ما اشوف فيها مشكله.. واذا تبين سوي زيي انا شاريه العلب الصغار عشان ما اكثر لان الغازات تنفخ بطني.. اشتري علب صغار واذا اشتهيتي اشربي اصلا انا دكتوري لما اشتكا له زوجي من اكلي قاله الحامل في اول ثلاث شهور ما تغصب نفسها على شي تاكل اللي تشتهيه وبس لان الوحم والغثيان يعذبها وما تقدر تغصبها على شي.. يقول لما يخف الوحم وترتاح تبدا تركز اكثر على الغذاء.. واهم شي تاكلين فيتامينات كامله وحبوب كالسيوم والحافظ ربي..