اااه عورتيلي قلبي هههههه
حبيبتي .. قبل ما اقولك ايش تسوي بالظبط .. ابغى اذكرك بشوية حاجات
أولا .. النظافة من الإيمآآآآآآآن .. احنا مسلمين ياقلبي و المسلم المفروض ما يعيش في غير النظافة !!
تانيا .. تحبي نفسك ؟؟ تحبي زوجك ؟؟ تبغي تعيشي سعيدة في بيتك ؟؟ تبغي تحبي بيتك ؟؟ تبغي ترتاااحي في بيتك اللي هو المفروض يكون أريح مكان لكي و لزوجك في دي الدنيا ؟؟
أكيد حتقوليلي ايييوا .. سار حبيبتي لااااازم تهتمي فيه و في نضافته و ترتيييييييبه أول بأول حتى لا يتراكم عليكي الشغل
حبيبتي أكيد ما تحبي انه زوجك أو أهله أو أي أحد في دي الدنيا يقول عنك مو نضيفة ولا مرتبة في بيتك .. صح ؟؟
شوفي .. تبغيه يفضل نضيف دايما ؟؟ مستحييييييل .. تبغيه يفضل مرتب داااايما ؟؟ مستحييييييل
ترا الخرجة من البيت و الشردة من شغله مو الحل !! بالعكس كده تزودي صعوبة الوضع على نفسك
الحل ..
1.غسلي المواعين كلللللللها و خليها تنشف
2.نضفي سطح العمل بإنك تدعكيه بالموية و صابون فيري و اسفنجة حتى تخرج كل البقع .. بعدين نشفيه بمنشفة نضيفة ناشفة .. بعدين بخي بخاخ ديتول المعقم أو أي بخاخ قزاز أو خشب حسب نوع سطح العمل في مطبخك .. و مسحيه تاني .. حتبدأي تشمي ريحة النضافة في مطبخك
3.شمري و كبي شوية موية و صابون ع الأرض و اددددعكي الأرض كويس و مشي الموية في البلاعة الله يعزك .. بعدين كبي موية تاني عشان تشطفي الصابون من الأرض و مشيها في البلاعة الين تنشفي المطبخ
4.بخي بخاخ أرضيات ريحته حلوة و امسحي الأرض تاني حتى تشمي ريحة التضافة .. زي ديتول مثلا معقم و منضف و ريحته حلوة
5.غسلي الحمامات كلللها و ادعكيها بالصابووون (( العملاق الأخضر أو ديتول )) و اشطفيها تاني بالموية إلين يروح الصابون .. و تسير ريحة الحمامات نضافة
6.اتجهي لغرفة نومك .. امسحي الغبار بدواء الخشب و خرقة نضيفة .. بعدين كنسيها .. بعد الكنيس امسحي أرضيتها بدواء أرضيات (( لو كانت بلاط طبعا مش موكيت )) .. غيري شرشف السرير و اللحاف و المخدات بشراشف نضيفة و ودي الأولى تتسغل في مغسلة
7.جا دور الصالة أو المعيشة .. في البداية نفضي الكنب كويييس من الغبار و الاتريبة .. بعدين نفس غرفة النوم مسحي الخشب و القزاز .. بعدين كنسي البلاط .. بعدين امسحيه بدواء تمسيح الأرض و انتبهي لا تتزحلقي .. و اتركيها تنشف ارضيتها
8.و هكذا بالنسبة للغرف .. امسكي غرفة غرفة
بعدين بخي البيت كله بخاخ ديتول المعقم .. و روحي المطبخ ولعي فحمة و بخري البيت كله بمستكة أو بخور عودة أو اللي تحبيه .. أو ولعي فواحات
طبعا نظمي شغلك
1.الترتيب
2.التنفيض
3.تمسيح الخشب بدواء الخشب و خرقة نضيفة
4.تمسيح القزاز بدواء القزاز
5.كنيس الأرضيات
6.تمسيح الأرضيات
7.تعقيم البيت ببخاخ الديتول
8.تعطير البيت و تبخيره
9.شغلي سورة البقرة كل تلاتة ايام في بيتك حتى لا تقرب الشياطين
10.اتروشي .. و شغلي لمبات هادية و شموع و سوي حلى بسيط و قهوة و استمتعي بنضافة البيت و ترتيبه انتي و زوجك برواقة اعصاااب و استرخاء
صدقيني احساس راااااااااااااااااائع لما بيتك يكون نضيف و مرتب و ريحة حلوة .. و حتحبي بيييتك و زوجك حيحب البيت و يحبك أكتررررر .. اكسبي بيتك و زوجك لا يطير من يدك بسبب الكسل و عدم النضافة .. سامحيني بس هو ما اتزوج عشان يعيش عيشة عزابية !! و اكسبيه عشان لا يروح يدور غيرك و يتزوج عليكي لا سمح الله !!
نجي في الآخر للحافظ على نضافة البيت و ترتيبه
1.بعد كل طبخة نضفي القدور و غسليها و جهزي السفرة قبل لا يجي زوجك من الدوام .. لا تفردي السفرة إلا و المطبخ رجعتيه فلة
يسير ما يبقالك غير صحون الأكل و الملاعق تغسليها بعد الأكل
لا تكوميهااااااااااا غسلي أول بأول و يوم بيومه !!
2.نضفي المطبخ و البوتاجاز بعد ما تغسلي المواعين .. و هويه و بخريه أو عطريه ببخاخات تعطير البيوت او الديتول
3.هوي الصالة و غرفة النوم يوميا و عطريها
4.لاااااااا تنامي إلا و انتي تاركة الصالة و المطبخ و غرفة النوم و الحمام مرتبيييييييين عشان تصحي نفسك مفتوحة لإنك تكنسي و تمسحي بسرعة
5.يعني عشان تحافظي على اللي سويتيه .. يوم و يوم لأه كنسي و مسحي و لو انتي مررررررررة كسلانة خليها مرة في الأسبوع تكنسي و تمسحي و تغسلي الحمامات و المطبخ .. و يوميا رتبي ..
6.خصصي يوم او يومين في الأسبوع لغسيل الملابس و الكوي و التنضيف
يعني نظمي وقتككككككككك و لا تراكمي الشغل
ان شاء الله اكون شوية ساعدتك و لا تزعلي مني بس لازم تسوي كده عشان تحبي بيتك و تجلسي فيه و زوجك ما ينفر منك
الله يعينك