مراحب يا حلوات
أخباركم وأخبار النونوات ؟
ادري ماعاد ارد إلا مره ولا مرتين بالإسبوع
بس مرره مشغوله ... خلاص بديت ارتب اغراضي عشان نزلتي
واشوف الأغراض اللي باخذها معي واللي بتبقى هنا
وقاعده اشيل الملابس الشتويه واحط صيفي
وكل شوي فاتحه باخذ شغله نسيتها جوا الكراتين
ومحتاره بالهدايا حق اهلي
وباقي اغراض النونو لسه ما خلصتها
وانا لحد الحين ماشريت لي ولا قطعه
وشنطة المستشفى لحد الحين ما شتريتها ولا شريت ولا غرض من الأغراض اللي راح احطهم فيها
غير شغل البيت طبخ وغسيل
بديت امشي يوميا ربع ساعه
عندنا جيم بالبنايه وصرت انزل امشي ع السير المتحرك
منها اسولف مع البنات تحت ومنها اتحرك شوي
موعدي كان يوم الخميس
ماسوت لي سونار .. عطتني موعد في المستشفى اللي راح اولد فيه
عشاني راح اعيد الثلاثي الأبعاد
فجعتني لما رحت قالت بسوي لك تحليل الجلوكوز
وانا اسمع انه لازم تكونين صايمه قبلها
قالت لا خذي اشربيه وبس من هنا لساعه لا تاكلين شي ولا تشربين شي
مواعيدي صارت كل اسبوعين عندها .. وان شاء الله موعدي الجاي راح تقول لي النتيجه
النونو .. بسم الله عليه/ـآ صارت حركته قوية بزياده
لدرجة اوقات بنص الليل يتحرك غلط او يضرب ضربه تصحيني من نومي
ما اقدر ارجع انام منها .. او يرتفع لفوق لدرجة ما اقدر اتنفس وانا منسدحه
احط مخدتي ورا ظهري وانام وانا قاعده
في شي ثاني بعد مقرفني .. رجع لي غثيان
كبدي تقلب مع كل وجبه اكلها .. هذا غير الحرقان اللي يذبح
أم جمانا وخوخه ... ماتشوفون شر
انتبهو لأنفسكم ماعاد باقي شي
حديدن سهل على مايقولون
اقضبو ارضكم وريحو كل الوقت
ربي يتمم لكم ولنا كلنا بخير يارب