[نبعة الحب]

صحيح وفي امور ثانية محد يكدر يفكر بيها يمكن الغدة الدرقية تمنع الحمل انا اعرف وحدة من قرايبي والثاني زوجة حماي
القصة الاولى وحدة بنت من قرايبي تزوجت والها 3 سنين مافي حمل ما خلت شي ما سويت تحاليل هيا وزوجها بدون فايدة يقولون الاثنين سليمين بعدين اجت زيارة عدنا واخذتها للدكتور عمل الها فحصوات قال الها شغلتين تنمع الحمل اول شي طلع عندج بالتحليل االغدة الدرقية والثاني وزن عندج زايد وفعلا تعالجت وهسة عدها ولد
والثاني زوجة حماي تزوجت وحملت على طول بقت تحمل مرة ثانية مافي حمل لحين 3 سنين حتى زوجها عمل تحاليل قالو مافي شي بعدين طلعت عدها الغدة الدرقية تعالجت وهسة صارت عدها بنت يعني في اسباب كثيرة هرمون الحليب الغدة يمكن واحتمال من زوجك لازم زوجك يحلل حتى توصلون للسبب حتى مو كل شهر تنتظرون وتتعذبون ومحد يعرف السبب وربنا يرزقك الحمل ان شاء الله