الله ييسرلك يآآرب ..
بس إذا ناوية تجيبي لبنتك ضرة هههههه اتوقع تحتاجي جهاز التعقيم عشان حيكون لاتنين ما شاء الله .. يخففففففف عليكي هم و شغل تنضيفها .. و كله حسب وضعك واللي يناسبك .. يعني لو عندك شغالة تساعدك في شغل البيت و الغسيل و الكوي ان شاء الله يكون الوضع أسهل
أما على الزيت .. حتى انا دخلت الخامس و بطني ما شاء الله طلعت بس ياااربي لك الحمد .. ما شاء الله تبارك الله ما اتشققت .. كله بفضل الله ثم الزيت .. يقولو لااازم ترطبي جلدك بالزيوت كم قبل ما يتمدد عشان لما يبدأ يتمدد براااحته ما يتشقق .. الآثار ما تشوفيها دحين .. تشوفيها لما البطن تطططلع و بعد الولادة لو ما استخدمتي الزيوت من بدري .. اختي و صحابتي الاتنين مخلفين مرتين ما شاء الله .. و يقولو مااااااافيهم أثر التمدد ولا التشقق ولا جاتهم الحكة لأنهم استخدمو زيت اللوز المر يومييييييا أقل شي مرة أو مرتين في اليوم .. فــ انصحك لااااااا تستني إلين بطنك تكبر خصوصا الشهور الاخيرة .. ابدأي من اليوم ادهنيها زيوت و رطبيييييييها عشان تتمدد و هي رويانة مو ناشفة و ما تترك أثر للتمدد ..