[ورودي البيضاء]

بنات والله انا مرة متحطمة

كنت من اول متماسكة قد ما اقدر بس خلاص والله احس اني مقدر

اليوم كتبلي الاستشاري على موعد التراساوند من عند قسم الاشعة يعني الكبير مو العادي

ورحت .. والدكتور وجهه مقلووووب

طبحلي قلبي .. وساكت ولما أسأله كيف الموية .. زادت ولا لا .. كيف الجنين .. مايرد مرة

وكل شوية يسألني سؤال يطيح قلبي اكثر

مرة يسألني انتي وزوجك قرايب .. و يسأل اذا الاستشاري كلمني على الاجهاض وانهاء الحمل .. و اذا فيه امراض وراثية .. و كدا

اخر شي لما طلعت مسكت فيه ماخليته يدخل وقلتله يعطيني في الوجه خلاص يقلي ايش الموضوع

قلي انه واضح وأكيد فيه تشوه بالكلية .. والموضوع مو سهل .. حتى بعد الولادة محد يضمن يقدر يتعالج او لا .. وبس قلي ممنوع اقلك شي .. بيرسل التقرير للاستشاري وهو بكرة بيكلمني وبشوف رأيه


بس المهم يابنات تأكد هالشي خلاص

الموية مرة ماحتزيد وفيه تشوه ..

انا كنت خايفة من البداية من هالشي

ياربي لو الدكتور حط قدامي خيار الاجهاض وانهاء الحمل ايش اعمل

ابوي يشجع هالشي ويقلي محد بيتعذب الا الطفل لو عاش كيف بيعيش

وقلبي متقطع ما ابغى انحط قدام هالخيار

اصلا حرام ما دام مافيه خطر علي حرام انهي الحمل حتى لو فيه تشوه

مخي انشل خلاص ياربي رحمتك

هذا اول فرحتي ياناس بعد انتظار سنة اول حفيد لأبوي

الحمدلله على كل حال الحمدلله

اللي تعرف احد كذا و الطفل عاش تطمني