والله صادقة يا نور الهدى ..
و أسعدتيني انك كتبتي اسمي صح .. لينة بالتاء المربوطة :) رغم اني ما أزعل من اللي يكتبني لينا في المنتدى لأنه بالانجليزي مافي شي اسمه تاء مربوطة و ما يحل محلها الهاء أو التاء العادية ..
المهمممم .. كلامك درر انتي كمان ما شاء الله .. و بالنسبة ليا أول مرة قرأت معاني الأسماء اللي قلتيها في كذا موقع و لقيت فعلا انها منسوبة للغة العربية !!
الصراحة أنا من يوم ما عرفت اني حامل و أنا أدور في الأسماء .. بنات و أولاد .. أبغ أسماء جميلة و ماهي تقليدية لأولادي .. لكن في نفس الوقت ما أتنازل عن انها تكون عربية و معانيها جميلة و لطيفة و فعلا معانيها في اللغة موجودة يعني مو منسوبة .. و كل ما عجبني اسم دورت عليه في المواقع العادية و الاسلامية و مواقع اللغة العربية ..
حلو انه الواحد يعتز بلغته .. عمري ما شفت أحد يدور على أسامي عجيبة و بكل سعادة الوحدة لما تسأليها ايش معنى اسم بنت أو ولدك .. تقولك مثلا قمر باللغة الهندية !! أو عسل باللغة العبرية .. وللا حلوة باللغة الماعرف ايش هيا !!
ليييش !! من قلة الأسامي !! دوووووووري و انتي تلاقي بإذن الله