[مشاعل الدوسري]

المشاركة الأصلية كتبت بواسطة ام حماد

اول شي احب اهنيك اختي على تفانيك وروحك العاليه واضح من قصتك ان عقلك كبير وانك انسانه متزنه وسعة صدرك بتقبل ولده ماشاءالله عليك يدل على منبعك الطيب الله يثيبك ويرزقك الولد الصالح البار يارب العالمين
اعتقد ان مجرد طرحك لقضيتك هي فضفضه لا اكثر لانك من الواضح انك تملكين عقل واعي ماشاءالله تستطيعين به انك تتخطين اصعب الظروف وعندك حلم وصبر طاغي بتوصلين به لسعادتك بإذن الله واتمنى لك التوفيق يارب

أم حماد مشكوره حبيبتي على ردك

كلامك صحيح في محله
لكن أنا مليت أو بمعنى أخر أبحث عن حقوقي بوقت متأخر

يعني من وانا صغيره اعرف
قيمة الوقت و قيمة الشغل و الماده وووووووو و راحة امك و ابوك و الضروري و اللي مو ضروري

لكن ماكنت أعرف قيمة السعاده الشخصيه سعادة قلبي

كنت لما اشوف غيري مبسوط أقول اليوم ونااسه
الكل مبسوط

احسب سعادتي بسعادة الغير لكن بعدها انصدمت
لما شفت ماكو حد مهتم لسعادتي و لفرحتي
و اهلي كانو على ثقه اني مااحتاج شي
لاني كنت مسؤله عن نفسي و عنهم نوعا ما


نسيت نفسي بدرجه كبيره تحملت المسئوليه
منذ الصغر

طبعا هذا الشي أشكر ربي عليه الحمدالله

لاني لو ماكنت كذا كان ممكن انحرفت هههههههههههه

والله من جد الكل كان يقولي انتي ناسيه نفسك و انا اقولهم ليه
الحمدالله عايشه بلدنيا و امي مرتاحه و ابوي مرتاح مني هذا اهم شي

يعني حياتي و انا في بيت ابوي ماتفرق كثير عن حياتي و انا في بيت زوجي


انا لما وافقت اتزوج
قلت هذا الرجال محتاج لوحده تطلعه من اللي هو فيه و عنده ولد محتاج الى أم
و بزواجي أمي بتفرح و اهلي بيفرحون فيني
و انا بيصير عندي كيأن أكبر مسئوليه معترف فيها
بشكل أكبر
و اذا أسعدت هذا الرجال و ولده

أكيد هو ماراح يقصر معاي بيفرحني و بيحطني بعيونه

هو مو مقصر الحمدالله مايضربني و لا يصارخ علي و لا يقصر بمصروفي
ووووو وووو اشياء كثيره غيري يتمناها

لكن العاطفه و الرومنسيه مهما للبنت

أنا لما كتبت موضوعي بلنت كنت تعبانه و متضايقه
و ابي اشتكي حق حد من غير مايحكي فيني و ينقل الخبر بين الناس و كانه مو مصدق


لاني لما تزوجته أغلب أقاربه ينطرون الشاره علينا
كل ما يسألوني أقول لهم الحمدالله بخير

لدرجة أن عمته قالت لي أنتي كل الحمدالله و بخير ماعندك شي ثااني
عطيتها ذيك الخزززززززززززززززززه
و قلت لها اذاا تشكينا قلتو تشكت و اسرار بيتها بره و اذا سكتنا قلتو مالهم حس ياترى شعندهم

فا مااقول غير الحمدالله
و حياتي معاه انشالله تكوون طوول العمر من غير شوشرره
أنا اهلي ماتدخلوو بحياتي ولا يسالوني لاني اصلن معروف مااحب اتشكى
و أحكم بسرررررررررررعه
على الشخص يعني تقدرين تقولين صبوره نوعا ما



لكني ممكن مع الحمل فقدت أعصابي شوويااات
هههههههههههههههه

و بنفس الوقت لسه مقتنعه ان من حقي اتدلع
و اتغنج يعني لسه يبيلي وووقت ههههههههههههههه


ومشكوره حبيبتي