[العاااالي مستواها]

السلام عليكم ورحمة الله وبركاته
كيف الحلوات والطبخات السنعات عساكم بخير يارب ..
سويت مقلوبه ومن اخترااعي حطيتها بصينيه اللي من النص له عامود وطلعت بالشكل هذا وانبسط الغالي خلوودي وسماها مقلوبه الدونت الله يرزقني بره واخوه يارب ويزرق كل محرومه الذريه الصالحه ويرزق الحلوات البنوتات بالازواج الصالحين عاجل غير اجل قولوا امين..




زووم اكثر..





>>الطريقه<<

بصل وثوم مدقوق نحركهم بالزيت اذا صار ذهبي نحط دجاج مقطع صغار ونغطيه ونخليه شوي ونضيف الملح والبهار ونغطيه ونفتح عليه ونحط الطماط المطحون ومعجون الطماط ولاننسى الفلفل البارد والحار ونزود الماي عشان تستوي الدجاج على ماتستوي الدجاج نقلي البطاطس والباذنجان حبتين او حبه للكل ..
واذا استوت الدجاج ..
لاتنسون المنكه الطبيعي والسر بالطعم اللذيذ والرائحه كزبره ونعناع مفروم تضيفونه بنفس الوقت مع الباذنجان والبطاطس بالصينيه وتحطون الرز المنقوع او المسلوق نص سلقه وتجيبون الصينيه اللي بعامود من النص وتحطون الدجاج مع المرق وترصون البطاطس والباذنجان على الصينيه وغطوها بقصدير وعلى نار هاديه دقائق ومخلصه وبالعافيه على قلوبكم ..
اتمنى الطبخه نالت على استحسانكم ..