عجبني هالموضوع مفيد بالافكاراللي فيه وحبيت انقله لعيونكم ان شاء الله تستفيدون هالموسم ظهر الفستان الأسود بقوة لكن بأشكال وقصات متعددة وهالقطعه تعتبر ضروريه ومهم تكون موجودة عند كل وحدة في كل المواسم , لكن مشكلة هالقطعه انها مملة وجامدة لكن في هالموسم شفنا أضافات كثير رائعة كسرت روتين الفستان الأسود ورجعته للواجهة من جديد لكن مع أضافات فاشونية بسيطة ممكن نلقاها بكل بساطة في دواليبنا بدون مانفر في السوق ..!! وهذا اللي راح اتكلم فيه في هالموضوع وهي الأضافات اللي ممكن فيها نكسر جمود هالقطعه وننوع من طلاتنا من خلالها بطرق جدآ بسيطة وراح تفاجأكم بسم الله يلا نبدا : العقود الملونه الكبيرة والسلاسل الطويلة أضافة جدآ ممتازة وراح تغير ستايل الفستان الأسود ميه وثمانين درجه السكارف أو الشال أضافة لطيفة وبسيطة بسهولة تلاقينها بدولابك وراح تضيف شوية حركه للفستان وتغير من شكله تعودنا نسمع ان الفستان الأسود ملك الأناقة وانطبع في مخيلتنا الكعب العالي مع اي فستان أسود هالقاعدة صارت قديمة لازم ننساها هالموسم الشي الوحيد اللي يحكمك هو نوع المناسبه فقط اذا كانت المناسبه كبيرة نقدر نلبس الكعب العالي غير كذا جربي أنواع غيرها فلات أو حتى الشوز سبورت ممكن ينلبس معاه .. ليش لا .. جربي ..!! الأحذيه والحقائب الملونة برضو أضافة راح تنعش الفستان الأسود وتعطي الطله حيويه أكثر .. جربيها مع ألوان الصيف الصارخه . الجاكيتات تعتبر أضافه حلوة للفستان الأسود ومو مكلفة راح تلاقينها متواجده بكثرة في دولابك .جربي جميع انواعها ( جينز , بوي فريند جاكيت , البلايز القطنيه.. الحرير ) الأحزمة أضافة أنيقة للفستان الأسود بمختلف أنواعه ضيق كان أو واسع لمظهر أحتفالي و FUNKY أكثر جربي تلبقين للفستان الأسود أكسسوارات أو أحذيه غريبة اذا عندك أشياء غير مألوفه أو ألوان فاقعه معقدتك ماتلقين شي تلبقينه عليها راح يكون الفستان الأسود القطعه المناسبه تلبسينها معها