طبعا كلام أختي سويت مون عين العقل ماشاء الله عليها
لكن أنا عندي إضافات إذا سمحتي لي..
كلامك صحيح يامشآعر وهو نادرآ ماتحصلين أحد مايحب
لكن قد فكرتي مره
وش هو الحب ..؟!
ومن هو المفروض اللي نحبه ..؟!
وش المفروض تكون نهاية هالحب..؟!
طبعا أنا متأكدة أن جوابك رآ يكون لا.,،
شوفي يامشاعر أي إنسان يحبك رآح يضحي عشان لايخسرك
بأي شكل من الأشكال
ومهما حصل ومهما صار مستحيل رآح يتخلى عنك
وبيحاول بشتى الطرق إنه يجمع بينك وبينه
لكن اللي يقول أنه يحبك ويموت فيك وأنتي عمره وحياته وهواه اللي يتنفسه
ومن هالحكي
وفي النهاية يجي يقول أن حتزوج أو أنا ماأقدر أتزوجك
هنا أبصمي بالعشرة أنه جالس يكذب عليك
لأن اللي يحب بصدق مستحيل يشوف محبوبه بعيد عنه
أو مع أحد غيره
فأنتي بما أنه قالها لك أنه بيتزوج
أنتي المفروض خلاص تبدين تفكرين بعقلك
أنا عارفة أنك صادقة في مشاعرك
لكن الغلط مو منك الغلط من الشخص اللي أعطتيه هالمشاعر
عشان كذا أبيك تصحين شوي وتفكرين بعقلك
وتركنين قلبك في مكان بعيد ومظلم
خليه يرتاح فترة
خليه يرجع لطبيعته
وخلي كل تصرفاتك وأحكامك وتفكيرك بعقلك اللي أنتي عطلتيه
قولي في نفسك هل يستحق أني أزعل عليه
وهو باعني
هل يستحق أني أبكي عليه
وهو مادرى عني
هل يستحق أني أشغل تفكيري فيه
وهو كان يكذب علي
وهل يستحق أني ماأنام الليل عشانه
وهو رايح يتزوج وينام براحته
وهل وهل وهل
وصدقيني لو فكرتي بعقلك
رآح تجيك اللحظة اللي تقررين فيها
تمسحينه من ذاكرتك تماما
وتكملين حياتك ولا كأنه كان فيها
وأنا راح أقول لك كلمة خليها دايم في بالك
"لاتخلين أي أنسان يقرر كيف أنتي تعيشين يومك" >> طبعآ هذي حكمتي المفضلة
:)
والله المعين غلااتي
..