[محبة الجنان]

المشاركة الأصلية كتبت بواسطة غنج حواء

السلام عليكم اول مره اكتب هنا
انا بكريه وحامل بالشهر السابع ودي اعرف وش احسن دكتورة بالوفاء وش اطلب منه خياطة
وش تجهيزات وين اروح محلات معينه والله مو عارفه شي ابداااا
وخايفه من الولادة كل ليله احلم به.

هلابك غنج حواء
الله يسهل عليك ولادتك وعلي وعلى جميع الحوامل بالمنتدى
الولادة ماتخوف أهم شيء دايم تدعين إن الله يسهل عليك وعلى كل المسلمات
ولازم تدربين على رياضة التنفس
هي موجودة بالمنتدى بإذن الله تسهل لك الولادة
والرياضة الخفيفة مهمة وأهمها المشي
بالنسبة للوفاء ماجربته لكن كثير يمدحونه وإن شاء الله الأخوات يفيدونك
بالنسبة لتجهيزات المولود
إذا كنت ببريدة عندك
محلات كثيرة تجهزين منها
في العثيم مول والنخيل بعد
وفيه الحسون سنتر قسم كامل للمواليد
حلوة ورخيصة
أهم شيء ماتكثرين علشان البيبي يكبر بسرعة
ولاتشترين له ملابس غالية وكشخه كثير
خليها بعد الإربعين أحسن
لأن المولود يكون ملفوف بالمهاد أغلب الوقت
الله يسهل عليك ويهون عليك ولادتك
لاتنسيني من دعواتك