[sally22]

المشاركة الأصلية كتبت بواسطة سماء المحبه

عزيزتي سالي..جزاكي الله خير عالرد اذا لازم نفطر مشكله

انتي نجحت المرات السابقه ولا لأ.؟؟وش ممكن تنصحيني قبل ما اعملها

انا سوتها مرتين والحمد الله نجحت
اللى الداكترة كانوا بيققولولى قبل معملها انى اكل كويس جدا وابعد عن الاطعمه الدسمة والعيش الابيض واكل بياض البيض كتير عشان اكثر الزلال
وكنت باخد حقن التنشيط فى حقن الصبح وحقن باليل وشوية فيتمينات ومع الادوية كنت بالروح اعمل متابعة تبويض بانتظام
وكل مرة باعمل تحاليل عشان يعروفا الجرعة اللى المفروض اخدها من الادوية عشان ماخد حاجة اكثر من اللى عيزها جسمى ويحصلى افراط تبويض
خلى بالك من افراط التبويض عشان دة مؤلم جدا بعد سحب البويضات هايدكى دوا عشان مايحصلك افراط فى التبويض اسمة norprolac
بس اهم شىء قبل العملية الدكتور عملى منظار عشان يشوف الرحم كويس ويشوف فية اى عيب او التصقاط او لحمية زيادة ويعرف المكان المناسب اللى هايحط فية البويضةويعرف هل فى مشكلة فى عنق الرحم وودية عملتها قبل اخذ المنشطاط وبداية العلاج.
وبعد متابعة التبويض مع الطبيب بعرف الوقت المناسب اللى هايتم فية السحب
وبيسحب البويضات وبياخذ عينة من الزوج وينقل ثلاث بويضات ملقحة اليكى فى اليوم الخامس او الثالث حسب حالة البويضة وطبعا النقل فى اليوم الخامس يدل على جودة البويضة وبتبقى الفرصة كبيرة للحمل. وأسألى الطبيب هل ينفع تجمدى بويضات ولا لاة البويضة اللى ممكن تجمد ليها موصفات معينة .
وطبعا هاتقوليلى اية فايدة التجميد هاقولك انة بيوفر عالكى اخد المنشطات وعمل عملية شفط البيوضات بعد كدة لما تعويزى تحملى مرة اخرى يا دوب سعتها بتخدى مسبتات وبنقل لكى البويضات بس احينا فى بويضات بتتلف بعد فكها من التجميد ودة بيعتمد على جودة البويضة وشطارة الدكتور ,
وبعد عملية النقل بترتاحى خالص وممنوع ابداء عمل اى مجوهود اهم شىء شرب السوائل والابتعاد عن الاكل الدسم السوائل اهم شىء والماء مهم جدا وبعد 15 يوم من النقل بتعملى تحليل دم اخبار حمل وان شاء الله تبقى حامل يارب بعد كدة بتابعى مع الدكتور عشان يشوف كم اجنة ثبتوا ولو ثبتوا الثلاثة الدكتور بيعملك فى الشهر الثالث من الحمل عملية شفك جنين وربط على الباقى عشان الحمل فى ثلاثة صعب وبيودى الى ولادة مبكرة وموت الاجنة ودة اللى حاصلى فى اول مرة
اهم شىء انك تعرفى من الدكتور هل رحمك يستحمل اثنين ام لا ولو اة يا ريت تعملى ربط لان انا فى العملية الثانية ماعملت ربط وةكنت حامل فى اثنين ولدت ولادة مبكرة بردو وماتو ,مع ان الطكتور كان شايف انى مو محتاجة ربط.
واهم شىء انك تكونى مرتاحة نفسية وغير قلقانة لان دة بأثر فى نجاح العملية
وصلى وادعى ربك وارقى نفسك برقة الشرعية قبل العملية بنية نجاح العملية وبعد العملية بنية تثبيت الحمل ان شاء الله وخلى ثقتك بالله كبيرة واستغفرى ربنا كتير على الاقل 100 مرة فى اليوم كثرة الاستغفار جيدة.

http://www.alkhalefaa.com/vb/t6404.html

واهم شىء انك ماتنكسفى من الطبيب وتستفسرى منة على كل شىء وبعد العملية ان شاء الله وثبوت الحمل اى اعراض تحسى بيها غريبة تكلمية او تروحيلة ولو الدكتور بتاعك مالقيتية ازهبى الى اكبر مستشفى واطمنى على جنينك بس دة مايمنعش انك بردوا تكلمى تكتورك وتطلعية على كل شىء

وربنا يتتملك على خير يارب ويرزقنا جميعا بالحمل الكامل السليم المعافى