منتديات حوامل النسائية

منتديات حوامل النسائية (https://naqatube.com/index.php)
-   منتدى الرضاعة الطبيعية والصناعية (https://naqatube.com/forumdisplay.php?f=26)
-   -   بنتي والرضاعه الصناعيه (https://naqatube.com/showthread.php?t=52654)

روح الورد 04-11-2011 04:09 AM

بنتي والرضاعه الصناعيه
 
السلام عليكم ورحمة الله وبركاته


اخبااااركم غااالياااتي

ان شااءالله بخير
انامشكلتي الرضااعه الطبيعيه بتتعبني
لان انامن النوع اللي ماياكل الاوجبه وحده وهي العشااافقط
وطول اليوم اشرب شاي وكاافي...

وبنتي من جاها التهاب بحلقهاماتبغى الصناعي
وانامااحب ارضعها قدام النااس
وش الحل معها؟؟؟؟

هل افطمهاعن الطبيعي علشان ترجع للصناااعي
افيدوووني بخبرتكم
بنتي عمرها10شهورونص




ودي لكمـــــ

ام اسكندر 04-11-2011 04:52 AM

رد: بنتي والرضاعه الصناعيه
 
لا حول ولا قوة الا بالله
صرنا نفضل المظهر على صحة ومناعة اطفالنا اللي حتنفعهم طول اعمارهم

زوجي الى الان رغم ان عمره 33 سنة الا انه من مستشفى لمستشفى تحسس من كل شي
ما اقدر افتح مكيف
ما اعرف ايش اطبخ .. الدهون تضره .. البهارات تضره .. الملح يضره.. التونا تضره.. الموز يضره.. الدجاج يضره.. السمك يضره.. الباذنجان يضره.. الفيمتو يضره.. المانجو يضره.. الحليب يضره.. الفراولة تضره.. والقائمة طويــــــــــــلة

الغبار بالشارع يضره .. الاشجار تضره.. الهواء يضره..
تعبت
تعبت
عايش ع الادوية
وكـــــــــــــل هذا عشان ماعنده اي مناعة في جسمه
للعلم هوا رضع صناعي لموت أمه << هنا بيت القصيد

ان شاء الله مايكون في بنتك الا العافية
بس خليها ترضع طبيعي عشان ماتكوني كل شهر بالمستشفى وياها لا قدر الله

وبعدين ما انتي طفلة عشان نجي نقول لك : لا ياشاطرة كلي اكثر من وجبة باليوم!!!
اتقي الله في روحك وفي بنتك وتغذي واشربي مويا وسوايل عشان يكثر الحليب وكلي اوراق خضراء ( جرجير- خس - كراث) لها مفعول عجيب في در الحليب
وجربي اكل وجبة دسمة بتلقي انه الحليب بعدها ماشالله يملي الصدر

واما حكاية امام الناس مانتي الحرمة الوحيدة في العالم المرضعة
كل الحريم يرضعو
غطي صدرك بالطرحة والا بشال ورضعيها
او قوليلهم عن اذنكم بروح اشوف بنتي.. وروحي الغرفة الثانية رضعيها
او خذيلها في الشنطة عصير في الرضاعة او اي شي عشان تشبع فيه وماعاد تطلب صدرك عند الناس غير مرة واحدة

وسلامتك

ملاحظة : في دكتورة مصرية بالنت متخصصة في الرضاعة الطبيعية
اكتبي في قوقل ( عضو البورد الدولي للرضاعة الطبيعية ) واقرأي نصايحها

روح الورد 04-11-2011 05:10 AM

رد: بنتي والرضاعه الصناعيه
 
تسلمييييين حبيبتي
والله يعطيك العااافيه
بس انا ماابيها تعتمد على الرضاعه الطبيعيه فقط
ابيهاتشرب صناعي
لانهاتكتفي بالرضاعه وماتاكل الاقليل
واناماهمني شكلي
لااناهمي انهامايجيهالين عظام اوتأكل بالاسنان
وابي وزنهايزيد

دافئة المشاعر 04-11-2011 07:55 AM

رد: بنتي والرضاعه الصناعيه
 
صعب تتعود ع الاثنين بهسن
من البدايه كان ممكن
اتكلم عن تجربه


الله يعينك ركزي هلكم شهر على الطبيعي ع الاقل اذا رافضه الاثنين
وتبي الطبيعي
حاولي تاكلين او تشربين كميه اكبر
واقري على صدرك وادعي ربك بآدرار الحليب لها

ربي يسهل لك

أإأم ع‘ـــزُوـوزُ 04-11-2011 05:50 PM

رد: بنتي والرضاعه الصناعيه
 
ماشاء الله انا ابني على الإثنين معوودته على الصنااعي والطبيعي

والطبيعي لما يتنكد ويبي ينام ارضعه وينام على صدري

أو حتى جوعان ارضعه وينام ما اكثر ممن الصناعي ولا اكثر من الطبيعي اساوي بين الاثنين

وحليب الام افضل بكثيييييييييييييييييييييييييييييييييييييييييييير من الصناعي ...

منتهى الرقة 04-11-2011 06:09 PM

رد: بنتي والرضاعه الصناعيه
 
الله يعيينك نفس ولدي
لما يتعب من اسنانه او يجييه التهاب يرفض الرضاعة وانا فطمته
اوقات يمر يوم كامل وهو ماشرب غير رضعة وحدة ومايكملها حتى

فاحاول اعوضه بزبادي وسيريلاك والاكلات الي يدخل فيها الحليب
واوقات احط حليبه بكوب واشربه

ولما يطيب يرجع يرضع مثل اول
لا تخافين بس فترة المرض يرفضون الرضاعة


روح الورد 04-12-2011 05:39 PM

رد: بنتي والرضاعه الصناعيه
 
الله يعطيكم العااافيه,,,
مشكووووورااات

زهرة البنفسج 04-12-2011 07:49 PM

رد: بنتي والرضاعه الصناعيه
 
انا مارضعت طبيعي لان الحليب نشف عندي بس قريت ان الطفل يكتفي من الطبيعي اذا رضع ست شهور حاولي ترضعيها صناعي
لان لو انتي ماتاكلي ماراح تستفيد بنتك شي والصناعي بذي الحاله بيكون افيد لها عشان فيه فيتامينات وحديد وكالسيوم حتى لو صناعي لان اذا اكلك قليل اكيد ماراح يكون عندك فيتامينات كافيه لنموها نمو سليم
انا هذا رأيي واستشيري دكتوره اضمن لك
موفقه اختي وربي يخليها لك

روح الورد 04-12-2011 11:12 PM

رد: بنتي والرضاعه الصناعيه
 
الله يعطيك العااافيه,,,
مشكوووووره غاااليتي,,,,
وفعلاكلاامك صحيح في العيله عندهم لين عظام
وتأكل بالاسنان مع انهم راضعين طبيعي
والله يحمي عيااالناوانابحاول اعطيهاصناعي
واستشيرالدكتوووره


الساعة الآن 06:58 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .