|
اخت زوجي تبغاه يتزوج
امس زارنا اخو ازوجي وكنا نسولف انا وزوجته وقالت لي بصراحه اخت زوجي قالت له انا ابغى اخويه يتزوج لازم يتزوج ونشوف عياله ورد عليها اخوه وقالها احنا اجتمعنا وكلمناه يتزوج وقلناله من حقك تتزوج انت كلمها وخليها ترضى ومافيها شي وقالهم زوجي اصلا زوجتي سليمه ومافيها شي العيب مني انا مع انه سليم ومافيه شي وانا مرتاح ولا تتدخلو بحياتي بس اخته مااقتنعت وقالت لهم انا بكلمه بنفسي واقنعه بصراحه انا انصدمت لانه قريبه مني كتييييييييييير معقوله تطعني بظهر طيب انا ايش ذنبي والله ماتحملت اسكت وقلت لزوجي على الكلام قالي انت ماهمك بكلامهم اذا شفتي اختي خدها ورمان او فمها مكسور اعرفي انها كلمتني وورديت عليها بطريقتي بنات ماتتصورو قد ايش نفسيتي تعبت مع اني نسيت الهم وبديت اتفائل ومبسوطه واكتشف انهم يحفرو من تحتي هي مطلقه وزوجها تزوج عليها ثنتين وتبغى تطلع عقدها علي ايش اسوي اكلمها والا اطنش بس الله موجود وانشاءالله احمل واسكتهم كلهم باذن واحد احد يعني بالله لو عندي اولاد هما ايش بيستفيدو والله اخويه جلس 3 سنين ماخلف ولا واحد مننا فكر يزوجه والحمد لله زوجته دحين حامل بشهرين امانه عليكم مالي بعد الله الا انتم بايش تنصحوني hwaml78hwaml78hwaml78hwaml78
|
رد: اخت زوجي تبغاه يتزوج
هلا ياقلبي ..
طنشيها ماعليك منها ومثل ماقلتي هي تطلع عقدها وامراضها فيك .. والحمدلله عندك زوج راضي ويحبك .. عيشي حياتك واتركي الهم مافيه شي يستاهل ... وياااارب ياااكريم يارحيم مايجي رمضان الا واحناا حوااامل بإذن الله بالاطفال المعافين .. اااميييييييييييييييييييين .. |
رد: اخت زوجي تبغاه يتزوج
انا من النوع الي اوقف الناس عند حدودهم
عشان ما يطفلو بحياتي الخاصه واخت زوجك نفس النوعيه الي لازم تتوقف عند حدها وانتي خليكي واثقه في نفسك والله كريم وطالما زوجك معاكي خلاص ماله داعي تقهري نفسك باي شي طنشيهم ولا تعيريهم اي اهتمام حتى لو فتحت الموضوع قدامك مره ثانيه اعمل نفسك مو مهتمه ابدا والله يرزقك يارب |
رد: اخت زوجي تبغاه يتزوج
يا ربي ايش هالخرابيط من جد اقهرت عليكي انت اكيد مالك متزوجه كثير...استغرب والله اصلا ما احد رح يشيل عنك العيل ولا يرضعو ولا يسهر علي لو مرض وله يحمله عنك في بطنه 9 شهور هم بس يتكلمون و يثرثرون لانو ما عندهم سالفه و لين تحملين انشالله برضو ما رح يعجبهم رح يصيروا يقولو يييييي جابت بنت لازم ولد و لو جبتي ولد يقولون ييي نبي اخ لولد اخويه,شي يقهر يااااااااااااااااااااااااااااااااااااااا رب تفك عنا همومنا و تصبرنا و ترزقنا زوجة اخويه معها مرض من و هي 5 سنين و ما ندخل فيها نخاف نجرح شعورها سبحان الله,بس زوجك مشالله عليه و لا يهمك منهم هو يباكي و حملك قريب انشالله ان الله مع الصابرين
|
رد: اخت زوجي تبغاه يتزوج
اذا جات اخت زوجك وكلمت زوجك قولي والله للعقد النفسيه مستشفيات وطنشي وروحي .............
ماهب صاحيه تبغا كف قهرتني ..... قوليلها ليش تبغين كل ناس زيك ناقصين إحمدي ربي على اللي انتي فيه وامسكي لسانك يامنافقه الله معاك حبيبتي ودام زوجك واقف بصفك احمدي الله بس انتبهي بيجي يوم وينسحب لكلام اهله انتبهي وقوليله اذا بتتزوج علي ماراح اسامحك........وبطلق حبيبتي عندي دكتور في جده مره ممتاز والله كل اللي يروحون عنده بعد الله يحملن بتوأم أو أكثر أو واحد تبغين رقمه؟؟؟؟؟ |
رد: اخت زوجي تبغاه يتزوج
كم صار لك متزوجه ..؟ < فضول :(
عزيزتي طنشي واعتبري نفسك ماسمعتي شيء .. واذا قابلتها تظآهر بالبرود قد ماتقدرين وحاولي تكوني قريبه من زوجك ولاتخلينهم ينفردوا به .. ولا تتقابلين ويااهم كثير .. مهما كان هذه اخت زوجك يعني صعب انك تزعلينها يتآثر زوجك حتى لو لم يتكلم .. وصلي باواخر الليل .. وادعي هالدعاء والله ثم والله لاني موظفه انام بدري وكنت اصلي الساعه 1 ليلاً وادعي هالدعاء في اقل من اسبوع ربي صرف عني الي كنت خائفه منه .. اللهم من ارادني واراد المسلمين بسوء او سحر او تفرقه بيني وبين زوجي اللهم اشغله بنفسه ورد كيده بنحره واجعل تدميره في تدبيره واشدد عليه وطأتك وقدر له اسوء المصائر ياالله .. وادعية الهم والحزن .. والاستغفار واكثري من الدعاء .. واسفه للاطاله .. |
رد: اخت زوجي تبغاه يتزوج
تسلملولي يارب والله انفجرت من البكاء لما قريت ردودكم انا لي 6 سنين متزوجه الحمد لله اني بعيده عن اهل زوجي ومانزورهم الا بالاعياد بس هم بمدينه ثانيه اللهم لك الحمد كما ينبغي لجلال وجهك وعظيم سلطانك هي تكلمني بالجوال وانا طبعي ماابين لاحد اني زعلانه منه وماازعل من احد حتى لو غلط علي اسامحه المشكله اني قبل يومين قلت لزوجي جيب اختك عندنا عشان تسوي عمره وتغير جو حرام نفسيتها تعبانه بس انصدمت اليوم من كلامها وقلت لزوجي ماعاد ابغاها تجي عندي جلس يضحك علي وقال لي انا محد يقدر ياثر علي بس تعرفو كتر الدق يفك اللحام
|
رد: اخت زوجي تبغاه يتزوج
عروس البحر ارسليلي رقم الدكتور يارب يجعل سبب حملي عنده صديق زوجي بالعمل زوجته ماحملت من 5 سنين وراحو عند الدكتور عبدالرحمن خليفه هو سوداني وعيادته بالعماريه مدري تعرفيه او سمعتي عنه
|
رد: اخت زوجي تبغاه يتزوج
حسبي الله ونعم الوكيل فيهم،،
نصيحه مني لاتسكتين اعطيهم بوجهم علشان مايتمادون عليك ويفرون راس زوجك،، واحمدي الله ان زوجك واقف معك هذي رحمة من الله بحد ذاتها،، ياااااااااااااارب ياحي ياقيوم يرزقك ويفرح قلبك بالذرية الصالحه يارب ينصرك عليهم،،الحمل ماهو بيدك لو بيدك كان حملتي بس كله حكمه وتدبير من رب العالمين ارضي وانا اختك بقضاء الله واكثري الدعااااااء،، حسبي الله ونعم الوكيل والله ان قلبي اوجععني عليك تذكرت موقف مر عليه انا شخصياً،، بس انا زوجي للاسف ماوقف معاي بس الحمد لله ربي اخذ لي حقي منهم كلهم ياااااااااارب لك الحمد لااحصي ثناء عليك انت كما اثنيت على نفسك،،لاتسكتييييييييين من تجربة ترى بتتعبين فرغي اللي بصدرك اول بأول،، والله راح ادعي لك ماراح انساك بإذن الله احنا مالنا لاحول ولا قوة الا بالله،، |
رد: اخت زوجي تبغاه يتزوج
أحلاهم انا توني فتحت موضوع كامل في نفس القسم
|
رد: اخت زوجي تبغاه يتزوج
عليكي بهالدعاء والله يصرف كيدها عند ياااااارب تحملي بتوئم بنت وولد عشان تسكتيهم لايقولو ماحملت ولا يقولو بنت ولا يقولو ولد انتي من مكه زيي روحي الحرم وادعي
اللهم من ارادني واراد المسلمين بسوء او سحر او تفرقه بيني وبين زوجي اللهم اشغله بنفسه ورد كيده بنحره واجعل تدميره في تدبيره واشدد عليه وطأتك وقدر له اسوء المصائر ياالله .. |
رد: اخت زوجي تبغاه يتزوج
الله ينصرك عليهم يارب ,,,, حسبي الله عليها وعلى امثالها
|
رد: اخت زوجي تبغاه يتزوج
االبنات ماقصروا بس لاتسببي لنفسك مشاكل كبيره
|
رد: اخت زوجي تبغاه يتزوج
ياقلبي انتي
الله يجعل كيدهم في نحورهم اللهم اميييييييييييييييييين ان شاء الله حممممممل ياااااااااااارب يرزققك ويوفقك ويسخر لك زوجك ويقر عينك وعين زوجك بضناك ياااااااااااارب الله يسخره لك يااااااااااااارب ويعمي عيونه عن جميع النساء سوااااك يارب الله يفرجها عليك ياقلبي وبدعيلك ياقلبي الله يرزقك يارب احترق قلبي من سالفتك الله يضع كيدهم في نحورهم |
رد: اخت زوجي تبغاه يتزوج
تسلمولي كلكم ياااااااارب ويجبر بخاطركم انت بس اللي حاسين فيني
انا كلمت اختي قلت افضفض لها وهي الله يهديها قالت لامي من الحره وامي دقت علي ومعصبه هي وابويه منهم وقالت بدق عليها واغسل شراعها بس انا ماصدقت ينسو الموضوع عشان ماابغى مشاكل الحمدلله امي هديت وقلت لها انسي الموضوع فيه رب كريم هو اللي ياخذ لي حقي منهم اشكر كل وحده ردت علي وجبرت بخاطري لاني مااقدر اكتب كتير والله من البكاء جاني صداع بيفجر راسي بشرب بندول وبروح ارتاح شوي |
رد: اخت زوجي تبغاه يتزوج
أنا مثلك ياااأحلاهم لي ست سنوات متزوجه وصار لي عدة اجهاااضات ودريت ان ام زوجي الله يهديها قالتلها جرب وحده ثانيه واذا ماحملت جرب غيرها وكذا كأن بناات الناس لعبة بين ايدينها وتبي تطلقني لان بنتها تطلقت طيب انا وش ذنبي مع ان المشكله عند زوجي بس ماهمني فيها اذا زوجي راضي ومب مقتنع بكلامها بكيفها والله شي اي وحده عندها عقد تطلعها علينا احنا المساكين ومايدرون ان هذا رزق من الله حسبي الله ونعم الوكيل وبس
|
رد: اخت زوجي تبغاه يتزوج
طنشيها المهم زوجك
والله افرحي وخليكي متفائله يارب ياكريم يرزقك الذريه الصالحه هذا الشهر يارحمن يارحيم |
رد: اخت زوجي تبغاه يتزوج
يووووووووووووووه لو اخت زوجي سووووت كذاا الله لايقووووله
وررررررربي لاامسسح فيييها الببببببلاط وترااا سكوووووووووتك ماراح يفييييييييدك لو زوجك شافك ساااكته بييقول شكل الوضع عاادي عندهااااا وبييسسمع كلام اختتتتتتتتته |
رد: اخت زوجي تبغاه يتزوج
هلا ياقلبي ..
طنشيها ماعليك منها ومثل ماقلتي هي تطلع عقدها وامراضها فيك .. والحمدلله عندك زوج راضي ويحبك .. عيشي حياتك واتركي الهم مافيه شي يستاهل ... وياااارب ياااكريم يارحيم مايجي رمضان الا واحناا حوااامل بإذن الله بالاطفال المعافين .. اااميييييييييييييييييييين .. طنشيها ولا عليك في احد لو فكرتي في كلامها تتعب نفسيتك |
رد: اخت زوجي تبغاه يتزوج
ما بعد الصبر الا الفرج
وربي راح يرزقج يارب |
رد: اخت زوجي تبغاه يتزوج
ماعليك فيها اخصريها المتخلفه هذي يبنت انا بنصحك نصيحه مجربه مني
انا لي 4 سنين متزوجه رحت افضل المستشفيات في جده رحت سليمان فقيه رحت الطبي الدولي رحت مركز علاج كلهم ايسوني اني احمل حتى كمان قالو اني ماراح احمل من زوجي قالو بويضتي ترفض حيواناته المنويه هذا غير المشاكل الثانيه اللي طلعوها لنا وقررت اطنش المستشفيات لانها خسرتنا الوفات مؤلفه ونسيت الموضوع وشلته من راسي وسويت ريجيم ابي انحف وصرت اروح الممشى كل يوم امشي ساعه كامله والله العظيم شهرين وانا الحمد لله حامل مافي اي شي سويته غير المشي وسبحان الله كان علاجي في المشي وانا كنت اتبهذل في المستشفيات هذا غير التعب النفسي ترى المشي فوائده عظيمه جدا لانه ينشط الدوره الدمويه في الجسم وزبطي غذائك ابعدي عن البيبسي لانه سم وكل الاشياء الضاره خلي حياتي حياه صحيه وحتشوفي مو بس انتي حتى زوجك خليه كمان هوه يعمل ريجيم ورياضه لاني انا وزوجي عملنا رجيم وغيرنا غذائنا اسأل الله انه يرزقك بالذريه ويرزق كل وحده تتمناها |
رد: اخت زوجي تبغاه يتزوج
والله اللي مستغربه انه ام زوجي ماقالت لي شي ولا بيوم جرحتني وحتى انها ماترضي على ولو زعلني زوجي تتصل عليه وتديه على راسه بس اخته كان زوجها قاطعها عننا زوجها معقد ولا ارتاحت منه جات ترمي بلاويها علي الله يهديها ويسامحها بنات اذا دعيت وقلت اللهم رد كيدها في نحرها كدا اكون دعيت عليها صح لاني مااحب ادعي على احد وماابغى يجيها شي من دعائي
fadyah تسلميلي على الرد بصراحه انا عيبي المشي صح انا نحيفه بس ماامشي كتيير بس نايمه على السرير طيب زوجي يكون بالدوام المساء كيف امشي برا |
رد: اخت زوجي تبغاه يتزوج
طنشيهم وريحي راسك ..
وعليك من زوجك .. ومع الراحه النفسيه بتحملين ... لا تشلين هم |
رد: اخت زوجي تبغاه يتزوج
حبيبتى شيء طبيعي ان اخت زوجك او حتى اهلة يطلبون منه انه يتزوج
وخاصة انج لك 6 سنواات بدون حمال لكن توكلي على الله واهم شي زوجج ما يقتنع بكلامهم ولاتنسين الدعاءوالصلاة والله يرزقج الذرية الصالحة قريب |
رد: اخت زوجي تبغاه يتزوج
قسم بالله يبي لها تكفيخ hwaml4..
اااااااااااااه بس ليتني حواليكم كان جيت وعلمتها ان الله حقhwaml49 اسال الله ان يرزقك بالحمل عاجلا غير اجل .. ياااالله رد كيدها في نحرها hwaml17 اكثري من الاستغفار وقيام الليل وباذن الله الله مايردك ... hwaml93 |
رد: اخت زوجي تبغاه يتزوج
متعليكى بكلامهااااااااااااااااااا ولا تسمعين ليها المهم علاقتك بزوجكك ومادام هو راضى خلاص عيشى حياتك ولا تخلى كلامها ياثر عليكى ولا تضيعى وقتكك ف سماعها اختى وانشالله ربنا بيرزقكك باذن الله وفوضى امرك لله ولكى تحياتى*
|
رد: اخت زوجي تبغاه يتزوج
ههههههههه حربيه ضحكتيني الله يقطع ابليسك
اختي لا تشيلي ببالك اخسريهم وربي ناس تافه اهم شي كوني قريبه من زوجك ولا تشيلي هم احد |
رد: اخت زوجي تبغاه يتزوج
السلام عليكم ورحمة الله وبركاته يااختي ترة التأخير في الحمل وخاصه في ألسنه الأولى من الزواج هذي أمر طبيعي بس أنه بعطيج نصيحه استغفري وأيد وخلي لسانج يصير كله فيه استغفار وذكر الله فيه وقومي قيام الليل في الثلث الاخير من الليل لأنه في هل وقت يكون الدعاء مستجاب بإذن الله وبقولح سي بعد حاولي تسوين رجيم بس موقاسي هذي. إذا كنتي دبدوبه نقصي من وزنج سوي وإذا رحتي المستشفى للعلاج سوي فحص على البويضات والرحم ونسبة هرمون الحليب فل جسم لأنه إذا كان مرتفع يعدلونه وكل شيء بيد رب العالمين وإن شاء الله ترزقين بالحمل عن قريب
|
رد: اخت زوجي تبغاه يتزوج
حبيبتي طنشيها ولاتفكري فيها
وبنسبه لدكتور عبدالرحمن خليفه مره شاطر كثير من البنات الي اعرفهم حملو على يده بعد الله وسبحان الله الحمل الثاني حملوه طبيعي من غير علاج الله يرزقك ويرزقنا جميعن |
رد: اخت زوجي تبغاه يتزوج
الله يرزقك حبيبتي احلاهم واهم شئ انك انت وزوجك متفاهمين والله يدوم المحبه بينكم
والله ما يسوي شئ الا فيه صلاحوكل تأخيره فيها خيره انا بعد صار لي تقريبا سنتين وماحملت ولا مرة والنتايج كلها سليمه يا رب هالشهر انا وانتي نحمل :) ولا تضايقين روحك اختي أحنا كلنا معاك انا وغيري اللي بعدنا ننتظر الحمل الله كريم |
| الساعة الآن 11:17 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .