|
يجيب خويته عندك في البيت ولاتمسكه الهيئه؟؟
السلام عليكم ورحمة الله وبركاته بدايه الموضوع ابغى كل عضوه تتخيل اللي في هالموقف زوجها وتقول اش تختار المهم ,,,, نفرض زوجك طلع وحده معاه ولمن طلعاها كفشته الهيئه وقامت اطارده هل تتقبلين انه يجيب خويته عندك في البيت وتسترين عليه وعلى سمعته وبعدين تتفاهمين معاها ؟؟؟ او تقولين جزاه خل الهيئه تمسكه ؟؟؟ _______________________________ _____________________________________ شوفوا معاي قصه هالزوج ^^ اش صاااار الرجال الطيب طلع خويته معه في السياره وسبحان الله يوم طلعها وتنتبهله الهيئه ورااه هنا حس انه مافي مفر ماسكينه مااااسكينه وخلااص حس ان مخه مقفل وش يسوي عشان يطلع نفسه من هالورطه والبنت بعد ارتبشت وقعدت تصيح قال ابد مافي حل غير اني اوديها بيتي عشان الهيئه ماااااتشك والحرمه بعدين يتفاهم معاها المهم الحين افك نفسي و افك البنت اللي بتنقلب حياتها فوق تحت وفعلا قال علي وعلى اعدائي ويحول طريقه لجهة بيته والهيئه وراه المهم يوم وصل عند بيته ويوقف سيارته ويقول لخويته يالله بسرعه انزلي ويوم وصل لحوش بيته الا الهيئه وصلت وسفطت سيارتها وراى سيارته ويرفع راسه الااحد طالع من باب بيته تخيلو مين (( ابووووه )) قال ابوه اش فيه قال الولد وهوينتفض الهيئه وراي وخويتي معي ويوم دخل رجال الهيئه البيت قال ابوه اش فيه ؟؟؟ بنتي طالعه مع اخوها ولاانتم اعراض الناس عندكم لعبه والشايب ماشالله ذكي اكلهم بقشورهم قبل ماياكلونه والله ورجال الهيئه يو شاف الوضع كذا اعتذر وقال سامحونا والله اشتبهنا فيهم والله ويطلع رجال الهيئه من الحوش ويركب سيارته ويمشي...... والبنت والولد يدربون راسهم في الحوش المهم ويحيه ابوه قال يالله وصلها والحقني البيت بسرعهّ وفعلا يوصلها ويروح لابوه ومالكم بالطويله ابوه غسل شرااعه الين قال آامين بس ماتحسون انه حظه يكسر الصخر لا الهيئه مسكته ولا وداها عند حرمته يعني سبحان الله طلعله ابوه بوقت غريب __________________________ _________________________ هاه اش انطباعاتكم عن النهايه اتوقعتوها ولا لا ؟؟ وايش رده فعلك لما قريتي القصه ؟؟؟ هل تتقبلين انه يجيب خويته عندك في البيت وتسترين عليه وعلى سمعته وبعدين تتفاهمين معاها ؟؟؟ او تقولين جزاه خل الهيئه تمسكه ؟؟؟ |
رد: يجيب خويته عندك في البيت ولاتمسكه الهيئه؟؟
الله لايقولها
واذا سواها طبعا اخلي الهيئه تمسكهم وابلغ عنهم واعملهم فضيحه لاصار ولااستوى وحده زي هادي اذابدها ستر ماخرجت معا |
رد: يجيب خويته عندك في البيت ولاتمسكه الهيئه؟؟
والله موضوع ملفت ياسويت طبعا ماعرف موقفي ساعتها بس اللي خطر ببالي الان من ستر الله على مسلم ستر الله عليه استرها عشان ربي يستر علي بالاخرة
وابو الشباب حسابه بعد ماتروح الهيئة يلم معاي اغراضي وع اهلي |
رد: يجيب خويته عندك في البيت ولاتمسكه الهيئه؟؟
والله لوهويبي السترماااااسوى هااالفعااايل
يستاااهل اللي يصيرله,, |
رد: يجيب خويته عندك في البيت ولاتمسكه الهيئه؟؟
والله لو سواهاااا والهيئه مادرت عنه انا بأبلغ عنه وعنها يستاهل هو وياها خلهم يتمرمطون وينفضحون بعد وياخذون جزاهم
هههههههههههه الله يكفينا بس |
رد: يجيب خويته عندك في البيت ولاتمسكه الهيئه؟؟
اولا اخت سويت اشكرك ع الموضوع وثانياً بما انه اشتغل عندي مسرحي المنزلي( مخيلتي)
وانه لاسمح الله صارلي هالموقف اول شي بقوله ارحب واضيفها بعد << لاتستغربون كرمي مايسمحلي تطلع من غير ضيافهhwaml7 لاولو حبت تستخدم غرفة نومي حلالها hwaml68 وانا بستأذنهم واطلع يعني جاني ظرف طارىء وادق على اهلي واهله والهيئهhwaml20hwaml4hwaml56hwaml90 اجيبهم واقولهم اطردوني من بيتي عشان ياخذون راحتهم وساعتها ابي اشوف ابو كيف بيرقعها <<<hwaml66 يالبييييييييييييه على قلبي االكبير بس هع هع سويتلكم قصه هههههه |
رد: يجيب خويته عندك في البيت ولاتمسكه الهيئه؟؟
ياااهو اول مايجيبها ويقولي هل كلام( الله لايقوله )بس راح يوقف قلبي قبل ما يكمل كلامه ويصيبني جنون اتوقع كذا راح يصير لي
|
رد: يجيب خويته عندك في البيت ولاتمسكه الهيئه؟؟
بسم الله على زوجي
لا هذا ولا ذاك ربي لايحطنا بموقف زي كذا ومااااااااااااااااااااااااأقدر أتخيل زوجي بموقف كذا |
رد: يجيب خويته عندك في البيت ولاتمسكه الهيئه؟؟
يعني البنت حضرة جنابها حتكون اهم مني
عادي عشان ياحرام لا تتبهدل اقوم انا اتبهدل وتنزل قيمتي ويجيبها بيتي يااااااااااااااااااااااااااااااااااااااااااااااااا اااااااااااااااااااسلاااااااام طبعا هو وياها ينقلعو بستين داهيه مافكرو بالستر قبل فعايلهم اقوم انا افكر كيف استرهم لا ولله اول من يبلغ عنهم انا |
رد: يجيب خويته عندك في البيت ولاتمسكه الهيئه؟؟
صراحه ماادري ايش موقفي الله لايحطنا في مواقف زي دي
|
رد: يجيب خويته عندك في البيت ولاتمسكه الهيئه؟؟
اتوقع تجيني صدمه اضل ساكته لييييييييين يروحون الهيءه مانبي فضايح
وبس يطلعون حتى اغراضي مابيهم اخد اطفالي وعلى بيت اهلي حتى لو مشي في نص الليل اكلم احد من هلي واذا ماحصل والله ماقعد له دقيقه وحده وبعدين نحل السالفه بالانفصال طبعا بس يطلع من الشقه يخليها لي نفقه وحق اولاده بس مستحييييييل تحصل الله لايقولها |
رد: يجيب خويته عندك في البيت ولاتمسكه الهيئه؟؟
والله مادامه مافكر فيني ليه أفكر فيه ...؟؟
إلا ببلغ عليه وعلى اللي خلفوه بعد |
رد: يجيب خويته عندك في البيت ولاتمسكه الهيئه؟؟
موضوع بصراحة ما فكرت فيه ابدا
بس الله لايقولها لو حصل يمكن شوفوا قلت يمكن استر عليه علشان اولادي ولا احد يمسهم بكلمة اذا كبروا حتى تنتهي وتروح الله لا يحفظها اكون جهزت اغراضي واغراض اولادي وعلى المطار عند اهلي ( اعوذ بالله صرت افكر قلت لو يسويها الله يخليه لي ولاولادي ويسترنا في الدنيا والاخره ) |
رد: يجيب خويته عندك في البيت ولاتمسكه الهيئه؟؟
لا والله اقول جزاه الهيئه .. وبطقاق يطقه ..ز اهم شي توصلني ورقة طلاقي لأن مايشرفني اجلس عنده لو دقيقه وحده ..
يسلموووو عالموضوع ... |
رد: يجيب خويته عندك في البيت ولاتمسكه الهيئه؟؟
لاوالله لاخلي الهيئة تمسكه عشان مايعيدها
|
رد: يجيب خويته عندك في البيت ولاتمسكه الهيئه؟؟
ههههههههههههههههه اسفة بس موضوع مابدو ضحك بس ام رورو فرطتني بكلامها انها بضيفون وبتطلع تخبر انهم طلعوها برا البيت كرمال ياخدو راحتون
مفبركة ام الرور انا بالنسبة الي راي من راي البنات ازا الهيئة ماعرفت انا الي بعرفهم خلي ياخد جزائو هو وهي صحيح الي ختشو ماتووووووووووو |
رد: يجيب خويته عندك في البيت ولاتمسكه الهيئه؟؟
لا تدرون وش اسوي اقوله ادخل بذي الغرفة واقفل عليهم على بالي احميهم وبعدين ادخل عليهم الهيئة علشان سمعته تتلوث ومايفكر يسويها ولا حتى يتزوج ثانيه يعني مصلحة من ناحيثين قمة النذااااااااااااااله بس لاينسى ان كيدهن عظييييييييييييييييييييييم
|
رد: يجيب خويته عندك في البيت ولاتمسكه الهيئه؟؟
الله لايحطنها بالموقف .. بس أنآ أكيييد بخلي الهيئه يمسكونهم مآبآقي الاء يدخلها بيتي بعد . وبضف عفشي وأروح بيت أهلي . |
رد: يجيب خويته عندك في البيت ولاتمسكه الهيئه؟؟
ههههههههههههههههههه ردودكم عسل وربي
انا ما ادري وقتها وش بسوي بس الله لايقولها بس اذا بسترها بسترها عشان زوجي لانو ابو ولدي وحبيبي خخخخ بس ما راح افكر اني اروح لاهلي ولا اطلب الطلاق لاني احبه وبعدها نتفاهم وبعطيه قرصة وذان عشان ما عاد يكررها بطريقتي الخاصه ولا هي تستاهل |
رد: يجيب خويته عندك في البيت ولاتمسكه الهيئه؟؟
خلي الهيئة تشحطو وتادبو وهي خليها ليش تخرج مع زوجي هههههههههههههههههه الله لا يسويها تحياتي
|
رد: يجيب خويته عندك في البيت ولاتمسكه الهيئه؟؟
بعد الردود الي قرأتها رح قول كلمة للرجال سلم حالك لحبل الأعدام مو للهيئة ولا تسلم حالك لزوجتك كمان بدي فرجي زوجي ردودكم على شان ما يفكر يسويها يالله ضحكت من قلبي كل البنات تحمسوا هههههههههههههههههههههههههههههههههاي هوهوهوهو هيهيهيهيه ههههههههههه أه يا قلبي
|
رد: يجيب خويته عندك في البيت ولاتمسكه الهيئه؟؟
يعطيكم الف عافيه يابنات على حماسكم وردوكم
فعلا هو موضوع يرفع الضغط ومولم بنفس الوقت الله لايحطنا بمواقف مثل كذا في ردود اعجبتني وماشالله باين البنات اللي كتبوها حكيمات وفي ردود احسها من قوه القهر وودها بالانتقام وفي ردود مره ضحكتني الله يسعدكم والحل الافضل الستر عليهم لاقدر الله مو عشانهم لا عشان نفسك وعيالك تكون الفضيحه بينكم ولا بين الناس وكل واحد يتكلم عنكم وتصيرون شغلهم الشاغل لاسمح الله وبعدين علميه ان الله حق وسبحان الله كيف ربي ستر على الرجال لادرت حرمته ولا الهيئه والله لايوريكم ماتكرهون |
رد: يجيب خويته عندك في البيت ولاتمسكه الهيئه؟؟
قصة مرة حلوة ....عجبني ردك يا ام رورو قوووووووووووية هههههههههه انا لو صار معي هالموقف بستر عليه ساعتها بس بعدين بخليه يلف ويدور حول نفسه ويحرم يعيدها ,, الله لا يقدر.
|
رد: يجيب خويته عندك في البيت ولاتمسكه الهيئه؟؟
أممم صرآحه ابسستر عليه وأسسكت ولآ أبي طلآق بعد علششان عيآلي بس مآرآح أعآمله مثل أول يعني بتجآهله وأخليه يندم .. بس آلله لآ يقوله ولآ يصير هالكلآم لآ لي ولآ لكم ..
|
رد: يجيب خويته عندك في البيت ولاتمسكه الهيئه؟؟
نورتو الموضوع
|
رد: يجيب خويته عندك في البيت ولاتمسكه الهيئه؟؟
والله شي ينرفز صلحت جلستي علشان ارد ههههههههههه
في حلين بس مدري وقتها ايش حسوي الله لا يقولها بسم الله علينا وعليكم كلكم 1-احبسهم فغرفه وانادي اهلو واهلي واهل الحقيره الشر.... والهيئه طبعا بعدها انا حروح بيت اهلي خلاص بس حرام عندي 3 بنات الناس محا يرحموهم واي غلطه حيعايروهم فيها اعوز بالله ربي لا تحطني فهادا الموقف ابدن ياااااااااارب انا وكل مسلمه ياااااارب 2- ادخلها غرفه واضررررررررررررررررررررررب اضررررررررررررررب اضرررررررررب الين يخلص الصرب اوديها لاهلها على نقاله واقلهم اعرفو كيف تربو بنتكم زي الناس والمحروس حينهااااااااااااان وينزل وارفزو برجولي وامسح بكرامتو الارض قدااااامها واااو لو قدرت اصورهم علشان اهدده يخليلي البيت ويصرف عليا وعلى بناتي ويطلقني ولو رفض الله الله على الي حيجيه والله حسيت نفسي من جد اضرب ياربي لا تكتبها على مسلم يارب |
رد: يجيب خويته عندك في البيت ولاتمسكه الهيئه؟؟
اي هين يدخلها عندي والله لاخليهم يمسكونة وانا اضحك بعد مابقى الا هي بعد
|
رد: يجيب خويته عندك في البيت ولاتمسكه الهيئه؟؟
لا تمسكهم الهيئه وانا اللي ببلغ بعد هع hwaml02
|
رد: يجيب خويته عندك في البيت ولاتمسكه الهيئه؟؟
rooraa : ياحليلك مره تحمستي هاذا وهو كلام واحسن حل اشفي غليلك واضربيهم الاثنين ياهلا نورتي الموضوع والله لايوريك ماتكرهين لمعة الماسه : ههههههههه اهم شي انك تضحكين ,, الله لايوريك ماتكرهين ,, نورتي بوشي : ياحليلك اجل بتبلغين بنفسك ^^ نورتي الموضوع ياهلا |
رد: يجيب خويته عندك في البيت ولاتمسكه الهيئه؟؟
بصراحة موضوع رووووووعة لاسمح الله لو انحطيت بدا الموقف راح يدخلو الهيئة ومايلاقوهم لأن مداني اكلللللللللللتهم ولابقيت فيهم وصلة وعاد ابو الله يستر علي اكيد بيتر على ولدو
|
رد: يجيب خويته عندك في البيت ولاتمسكه الهيئه؟؟
الصراحه الرجال موقفه واو وحضه ماشاء الله ،،بس يخجل من أبوه على طول ،،
أما بنسبه لي ،، بعيد الشر إن شاء الله ،،،،لاصارت بستقبلها ،،وبخليها بغرفه عندي الين يجون أهلها المحترمين يشرفون بيتي ،،،واخلي زوجي يتزوجها هاذيك الليله،، ليش ،،علشان اي رجال مايرضى يرتبط بنت أو حرمه مثلها سبق وطلعت معه .. واهلها بيحتقرونها ..وبطيح من عيونهم .. وهي بتنقهر انها تتزوج بهاذي الطريقه المذله ومادام يفرفر بها في الشوارع اكيد بيروح شقه معها ،، وبيحتقر نفسه معها ،، وبعدها ،،طيري ياحمامه لأهلك حره طليقه ،،واتركه في حسرته ،، سويت مون الله يعطيك العافيه على الموضوع ،، |
رد: يجيب خويته عندك في البيت ولاتمسكه الهيئه؟؟
لا..لا ان شااء الله اموووت ولا انصدم في حبيبي زوووجي ...الله يكفينا الشر
لكن لو صار والله ماراح اسكت يعني ما في حل الا يجيبها عندي ...لكن تمام خفف علي المشوار وجابها الين عندي علشان انتف شعرها تنتيف ...((قووووييييه))ههههههه |
رد: يجيب خويته عندك في البيت ولاتمسكه الهيئه؟؟
عيون الجوريه عجبني فيلمك ههههههههه وشكلي بسوي زيييك <<<قويه وشريره
|
رد: يجيب خويته عندك في البيت ولاتمسكه الهيئه؟؟
الله لا يقولها ..
انا عن نفسي بستر عليه لانه ما يهون عليه ولاني متنيله و احبه بس حسابه بعدين .. بس وربي ضكتيني لاني قعدت اتخيل المشهد كله مع المطارده .. سلمت يمناك يا سويت .. من جد راااااااائعه ودايما موضيعك تحفه ومشوقه ... |
رد: يجيب خويته عندك في البيت ولاتمسكه الهيئه؟؟
اتوقع زوجي هو الي بلغ الهيئه عن صاحب القصه الزوج وخويته
hwaml02 |
رد: يجيب خويته عندك في البيت ولاتمسكه الهيئه؟؟
لا والله انا جالسه بالبيت استناه وهو مستانس مع خويته لا وبعد يجيبها لي
اول شي بقوله لو جبت خويي بتستر علي ولا لا .. < قويه البنت وبعدين بخليه وبقوله قول ل امك اخطبي لي خويتي وانا الف واحد يتمناني < والله توني ادري اني هيك قويه هههههههه |
رد: يجيب خويته عندك في البيت ولاتمسكه الهيئه؟؟
الصرااااحه انا راح استر عليه اول مره وزي ماربنا فضحه المره الاولى ربي راح يكشفه المره الثانيه ادا عادها اروح بيت اهلي ترى خراب البيوت مو سهل والله وانشاء الله ماانحط في هل موقف
|
رد: يجيب خويته عندك في البيت ولاتمسكه الهيئه؟؟
مابعرف موقف صعب انا من رايي روز ..
|
رد: يجيب خويته عندك في البيت ولاتمسكه الهيئه؟؟
للاسف انا مريت بهالموقف زوجي طلع خويته السياره و قامو يلفو الصبااااح و شوي والا الهيئه وراهم على فكره زوجي كان ملتحي و معروف بانه ملتزم يعني مستحيل احد يشك فيه لاكن ربي اراد ان يفضحه طبعااا زوجي ارتبك قام طلع المسدس ويوم سآلو من البنت اللي معك قال زوجتي آآآآآه يالقهر وحده من الشارع تجي مكاااني المهم كذبو و نزلو البنت و نزلوه و طلعوهم جمس الهيئه الي قهرني البنت ربي سترهااا و زوجي انفضح و انسجن و انجلد و البنت في بيت ابوهااا و لا يكلمهااا من السجن حسااااافه على عمري الي ضااااع مع واحد قتلني و طعني بضهري طبعااا اكبر مقلب اخذته بحياتي ان كان جايب لهااا هديه و يوم مسكو جاب الهديه لي على اساس جايبهااا لي و حلف انهاا لي و ان كلم صاحبه يسوي هديه على ذوقه بس وانا الغبيه الهبله يوم جابهااا ضميته من الفرحه آآآآآآآآآه ياقهري لاكن اول ماعرفت كسرت الهديه و قطعت الورد وابكي بحرقه و زوجي يبتسم
ياااااارب نسيني الماضي و ريحني والحين صار زوجي الفاسد في عيون الكل صارو يتجنبوه الناااس بعد فضيحته |
رد: يجيب خويته عندك في البيت ولاتمسكه الهيئه؟؟
جزاه خل الهيئه تمسكه
|
| الساعة الآن 05:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .