|
معتقدات شامية
معتقدات شاميه
* اذا انكسرت كاسة بيقولوا: انكسر الشر (تقولوا الشر مخلوق من الزجاج) * اذا مر حدا فوق الطفل ما بقا يطول ( انو اذا طفل صغير متسطّح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية) * قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص ) * مراششة الميه فراق (ما بصير حدا يرش رفيقو بالمي لان بعدين بيتفرقوا اي شو عم يرشه بالزيت كاز ) * للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين (واللي بيعمل غير هيك بيتحول لسعدان !!) * اذا اجت الكندرة فوق الكندرة يعني رايحين مشوار (واذا اجت تحتها يعني راجعين من المشوار ؟؟!!) * اذا زحف الولد او زقزقت العصافير معناها جاينا ضيوف (وبهيك حالة لازم توقفوا ورى الباب لانهم بكونوا طالعين عالدرج) *اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض) * اذا رفت عيني اليمين بيكون جاينا خبر طريف *اذا رفت عيني الشمال بيكون جاينا خبر مو منيح (اما اذا رفوا سوى فأنت اكيد احول) * اذا حكني حاجبي معناها بدنا نستقبل حدا جاي من السفر *إذا حكني كفي اليمين معناها بدي أقبض مصاري *و إذا حكني كفي اليسار معناها بدي أدفع مصاري (اما اذا حكك شي تاني بقى فأنت اكيد جربان روح تحمم) * و ما بصير الحمام بالليل (طبعا شي بديهي لأن اكيد المي بتكون مقطوعة) *و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن) بس عرفتوا مين هدول؟؟؟؟؟؟؟؟؟؟؟؟؟؟............ ولا انا !!!! *وإذا عمل العصفور تحتو على الأواعي يعني جاييكون رزقة (وما لازم تغسل ملابسك شي سنة مشان الرزقة) *و دلق القهوة رزقة وكمان نفس الحكي خليها مدلوقة لا تمسحها *و شرب المي بعد القهوة قلة زوء (حتى لو اتشردقت موت ولا تشرب مي ) * كمان يلي حامل بصبي بتحلا واذا حامل ببنت بتتباشع * وإذا الطفل قعد بالصينية وهي عالأرض بيرتعبوا لأنه هاد الولد رح يضيع (ويمكن يتشرد هاد اذا ما طلع حرامي كمان ) * و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص *والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي) *وبعد ما نخلص صلاة نطوي السجادة مشان الشيطان ما يصلي عليها (خلّيه يصلّي بركدن يتوب ويصير يوسوسلنا بالخير!!) بتمنى بعجبكن اول مواضيع وتكون مهضومةhwaml02 |
رد: معتقدات شامية
ههههههههههههههههههههههههههههههههههههههههه والله شي بيضحك عاللآخر
بس في كتير أشيا ما كنت أعرفا قبل بس اللي أحلا التعليقات كتير مهضومة تسلميلي يا قلبي موضوع حلو كتير |
رد: معتقدات شامية
حلوين ...............مشكورة
|
رد: معتقدات شامية
مافي معتقدات حساوية؟
|
رد: معتقدات شامية
ههههههههههههههههه
معقوله فى ناس كده ولا التعليقاااااااااااات خطيرة |
رد: معتقدات شامية
ههههههههههههههههههههه
نحن عندنا تبع الكاسة معروووووووووووووف انكسر الشر والاذن كمان يسلموووووووووووووووووو حبيبتي |
رد: معتقدات شامية
هههههههههههههههههههههههههههههههه يسلمو هاليدين كتير حلوين
|
رد: معتقدات شامية
هههههههههههههههههههههههه انا شاميه وكل اللي احكيتهن عنا كتيييييييييييييير
بدي زيدك من الشعر بيت احنا لمن تنكب عنا الئهوه بنحكي خير خير انشالله هههههههههههههههههه |
رد: معتقدات شامية
تسلمي اختي ع الموضوع الحلوو
|
رد: معتقدات شامية
ههههههه حلوه أنا عجبتني اذا جت الكندره على الكندره
|
رد: معتقدات شامية
حبيتبي نور شكرا للك يلا طلعي وعلمني اسا - شكرا جلرة القمر -و تكرم عينيك يا سماء الاحساء بس يصير في معتقدات حساوية بجبللك ياهن ولو -مصرية مغتربة والله في وفي كتير كمان اد ما بدك-روز ويسرا كللكن زوق تكرم عيونكن الحلوين-نغمة الحزن طلعتي شامية وعنا بلبنان كمان في كتير من هول الاشيا بتنقال وبتتصدق هههههههه-شكرا سلام اسمك على اسم بنتي - سموة الجرح شي بيضحك مهاك والله بس شفت الموضوع قلت بضحكن معي شكرا صبايا ههههه
|
رد: معتقدات شامية
أخ ذكرتيني بسوريا و الله هبل ههههههههههههه لا كمان إذا قصيتي شعرك بالليل مو منيح ليش ما حدن يعرف هههههههه يمكن يلي طالع هل شائعات ما بيعرف
|
رد: معتقدات شامية
خخخخخخ عجبني كثيررررر ومهضوم يا عسل
بليبيا يقولوا لو الكندرة جات ع الكندرة راح تسافري ^^ |
رد: معتقدات شامية
يسلموو كتيير فعلا شي رووعه
|
رد: معتقدات شامية
هههههههههههههههه.. الله يعطيك العافيه ياقلبي
|
رد: معتقدات شامية
ههههههههههههه هنن غلط بس حلووين
شكرا الك ,, |
رد: معتقدات شامية
هههههه
حلو كتير |
رد: معتقدات شامية
❤❤ يسسلمك ربيَ ع رٌقي طرحك لآ عدمنــــآإ جديدك ودَي لسٌموك يعطيكـ آآلف عآآفيه شكرآآ لكـ وتقبل مروري لروحك الجوري.. ~|| ؛؛ ❤❤ |
| الساعة الآن 05:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .