|
قصه ولادتي بمحمد
السلام عليكم اخواتي شخباركم ؟؟
انا والحمد لله ولدت تاريخ 10-6-2013 صابني سكري الحمل وقالولي لازم نولدك قبل الموعد hwaml10 وانا موعدي المفروض 20-6-2013 تنومت في المستشفى وعطوني تحميله ومافادت بعد 4 ساعات عطوني تحميله ثانيه ولا فادتني hwaml15 واليوم الثاني عطوني التحميله الثالثه جاني طلق خفيف وبعدها راح ولافادت وانا كنت خاااايفه وسالت الدكتورة لو ماولدت بالطلق الصناعي شنو الحل؟hwaml49 قالت لي بعطيك تحااميل الى ماتولدين واذا رفضتي بنسويلك عمليه قيصيريه وزاد خوفي ودعيت ربي ان يسهل علي hwaml55مليت كل شوي وحده تكشف علي من تحت وبعد 4 ساعات عطوني التحميله الرابعه ومر الوقت ولا حسيت بشي جاتني امي وعطتني ماء ورد وقرت فيه ايات تسهيل الولاده واجربتني اني اشربه حاولت اشربه وشربت شوي وحسيت بغثيان وتقيئت شوي شوي احس بالام خفيف ويزيد ويزيد الى ماحسيت اني ماقدر اوقف ولا اقعد ان قعدت حسيت بالم وضغط كبير وان وقفت حسيت بثقل قالت لي امي تمشي عشان الله يسهل عليج قمت امشي ودموعي تصب من الالم .. وانا امشي اقرى اقرى الادعيه وسورة مريم وبعد فتره رحت الحمام اكرمككم الله ولقيت افرازات في ملابسي الداخليه وماهتميت ماكنت ادري انها السداده ناديت الدكتورة وافحصتني لقت الرحم مفتوح 5 سانتي حمدددددت ربي طول اليومين الي فاتوا مافتح ولا سانتي .. وبعدها نزولوني غرفه الولاده وامي الله يخليها ويحفظها لي دخلت معاي غرفه الولادة وجلست معاي حسيت برااااااحه والله خففت عني الام الولادة بشكل كبير كانت معاي تساندني وتقرى علي قران.. المهم كل شوي كان الالم يزيد ومامللني الا التخطيط كانوا يجبروني انام على جنب واسكر رجولي وانا ماقدر احسن بضغط كبير واذا سكرت رجولي يزيد دخلوني غرفه الولادة الساعه 8 بليل وتميت اطلق وبعدها حسيت بشي دافي ينزل مني وكانت كميه بسيطه مو مثل ماء الحنفيه مثل مايقول الببعض .. حسيت بغثيان وقمت ارجع .. المهم انا مع الحمل جاني بواسير الله يكرمكم والله ان البواسير المتني وحسيت فيها وقت الولادة اكثر من اي شي ثاني حسيت اني قاعده اولد من ورى من شده الالم مع اني كنت اتعالج بكريم للبواسير بس مافادني كان يخف ويرجع بعد فتره حسيت بضغط كبير تحت ماقدر اسكر رجوولي وكل مافتحها الممرضه تهاوشني ماقدرت اتحمل وقمت اصرخ بقووووه ضغط كبير والبواسير تالمني كثيييير جاتني تجيكلي شافت الراس كلها دقايق وسمعت صرخه ولددي حبيبي وقعدت اصرخ وابكي واقول الحمد الله الحمدالله كنت مو مصدقه نفسي اني ولدت وارتحت خلاص وانا اولد كنت اسمع وحده تصرخ في الغرفه الثانيه وولدت قبلي وقلت يارب سهل علي انا بعد ان شاء الله انا بعد اولد والحمد الله بعدها بفتره بسيطه ولدت كان ولدي صغييير 2كيلو ونص وين السكر بالموضوع .. ولدوني وقالوا الجنين بيكبر وبيصير ضخم ومابتقدرين تولدينه وولدي صغير الى الحين ماقدر احميه بالحمام من كثر ماهو صغير.. الحمد الله على كل حال والله بنات من اول ماحملت وانا اخاف من الولادة وافكر فيها كني بانعدم وبانشنق في هاليوم لكن الله سبحانه يسهل .. كلها ساعات وراح تنسون كل الام وكل شي .. وبنات انا بعد الولادة غلطت غلطه من الفرحه الالم وحسيت روحي مافيني شي اول مادخلت الغرفه حسيت ان نزل مني دم كثير وقمت من السرير ورحت الحمام عشان اغير الفوطه الصحيه وانا بطلع من الحمام حسيت بدوخه قويه في راسي وصرخت انادي امي قلتلها يمـــــــه وماقمت الا اسمع امي شايلتني وتقولي بسم الله عليك بسم الله عليك ونادت الممرضه وانا اشوف ضباب واشياء تدور واغمى علي مره ثانيه وهم شايليني ,, بعدها الممرضه عاتبتني كثير وقالت لي انتي فقدتي دم كثير لازم تقومين تدريجيا مو بسرعه وبقوه وسامحوني على الاطاله .. |
رد: قصه ولادتي بمحمد
حدالله ع سىمتك والله يهونها علي وع كل المسلمات يااارب
|
رد: قصه ولادتي بمحمد
الحمدلله علي سلامتك
والف الف مبرووووووووووووووووك علي البيبي |
رد: قصه ولادتي بمحمد
مبروووووك ماجاكي والحمدلله على سلامتك وتسلم الايادي عالقصه
|
رد: قصه ولادتي بمحمد
الحمدلله على سلامتك ومبروك النونو يتربى بعزك
طيب خيتوو الطلق الصناعي وش رايك فيه بما انك جربتيه ؟ الألم صحيح ورى بعض |
رد: قصه ولادتي بمحمد
ألححمدلله ع سسلآمتك ..
ولف مبروووووووووووك وعقبآلنا يـآآآآرب |
رد: قصه ولادتي بمحمد
الله يبارك فيكم وعقبال كل حامل
بالنسبه للطلق الصناعي انا ماجربت الطبيعي عشان اعرف الفرق .. اخر تحميله الرابعه شوي شوي بدى يزيد وبقى مستمر عندي في غرفه الولادة .. والي ساعدني وخفف عني الغاز الي يحطونه في غرفه الولادة ونستنشقه عند الالم نسيت شسمه ! من يجي الطلق احط الكمامه ويخف علي واتركها واذا رجع استخدمها مره ثانيه .. |
رد: قصه ولادتي بمحمد
حمدلله على سلامك ومبروك البيبي
والله وانا بقرأ دمعت عيوني ،، الله ييسر ولادتي و ولاده كل أخت |
رد: قصه ولادتي بمحمد
ماشاءالله ألف ألف مبروك والحمد لله على سلامتك أختي
والله يحفظ لك حمودي وتفرحين به عريس يارب |
رد: قصه ولادتي بمحمد
حمدالله علي سلامتك ومبروك ماجالك يتربي بعزك
|
رد: قصه ولادتي بمحمد
ما شاء الله .. مبرووك ماجااك ...
يتربى بعزكم ياارب |
رد: قصه ولادتي بمحمد
مبروووك عليك النونو والف الحمدالله على سلامتكم ..
|
رد: قصه ولادتي بمحمد
الحمدلله على السلامه
اشربي حلبه الله يشفيك |
رد: قصه ولادتي بمحمد
تاريخ ولادتك كتبتيه غلط
احنا اليوم ٣~٦ كيف ولدتي ب١٠~٦ ؟؟ |
رد: قصه ولادتي بمحمد
الحمدلله على السلامه
|
رد: قصه ولادتي بمحمد
الحمدلله على سﻻمتكك
ويتربى بعزكك ان شاء الله |
رد: قصه ولادتي بمحمد
يتربى بعزكم الصغيروون والف مبرووك
|
رد: قصه ولادتي بمحمد
الحمد الله على سلامتك..بغيت أسألك انا أعاني من البواسير والحين خايفه موووت وش بيصير علي وقت الولاده،،ياليت تفيديني وش الحل معاها،،
|
رد: قصه ولادتي بمحمد
الله يسلمكم وعقبال كل حامل ان شاء الله الله يسهل على الجميع ..
اسفه اختي مانتبهت مع اني راجعت الموضوع اكثر من مره .. تاريخ ولادتي بحبيبي 10-5-2013 اختي جلنار انصحك وبشده تراجعين دكتورة انا تساهلت مع البواسير في الحمل لانها ماكانت تؤلمني بس كانت المنطقه منتفخه فتهاونت ورحت الصيدليه واخذت كريم بواسير خاص للحوامل ومافادني .. الحين انا بعد الولاده صرفولي تحاميل لمده 3 ايام واستخدمتهم والحمد الله اختفوا بس انصحك تراجعين دكتورة افضل قبل الولادة |
رد: قصه ولادتي بمحمد
ماشاء الله
الحمدلله على سلامتك ياغاليه |
رد: قصه ولادتي بمحمد
ربي يحفظ لك محمد وأبوه وأمك يارب ويكون سعادة عليكم والولد الصالح يارب الله ييسر لنا بس بسألك متى تاريخ ولادتك بالضبط لأنه 10-6 لسا ماجاء بس مش مشكلة انتي بعد ولادة ههههههه ....الحمد لله على سلامتك
|
رد: قصه ولادتي بمحمد
وردة بسألك انتي لما ولدتي ابنك قبل موعد ولادتك بكثير كذا مااحتجتم تحطوه في حضانه ؟؟؟
|
رد: قصه ولادتي بمحمد
الحمد لله ع سلامتك
و ألف مبروك يا عسل و يتربى بعزكم و عقبالنا ياااااااارب |
رد: قصه ولادتي بمحمد
ماشاء الله تبارك الله
الف الحمدالله ع سلامتك |
رد: قصه ولادتي بمحمد
مبرووووووووووووووووووك
|
رد: قصه ولادتي بمحمد
الحمدلله علي سلامتك
|
رد: قصه ولادتي بمحمد
مبارك حبيبتي وحمدلله على سلامتك وربنا يحفظلك ابنك
وادعيلي والله شكلها الولاده شي صعب كتير انا بكريه لسه وبخاف من هالمواضيع بس بخب اتثقف |
رد: قصه ولادتي بمحمد
ولادتك نفس ولاتي في بكري الاول
حسيت نفسي مافيني شي ونزلت ع طول ودوخه ع العموم حمدالله ع السلامه ياقلبي |
رد: قصه ولادتي بمحمد
السلام عليكم الحمدلله على سلامتك ياقلبي وربي يقومني وكل حامل بالسلامه يارب ويرزق كل محرومه بالذريه الصالحه
|
| الساعة الآن 04:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .