|
والله اني بهم لايعلمة الا الله
مساء الخير انا الحمد لله ولدت من اربع شهور ونفست وحدي وكانت اول ولادة وعانيت معاناة لايعلم بها الا الله ومعاناتي في ازدياد انا احس بالوحدة والحزن واهملت نفسي وبيتي ونفسي مسدووودة عن الاكل والحياة ماعاد لها طعم ومااعرف دكتورة نفسية عندنا بالدمام والشي الثاني جاتني من بعد الولادة بااسبوع حكة من الخلف ومستمرة الى الان=اعذروني على الوصف لاكن محتاجة تفيدوني بخبراتكم وزادت من همي بنتي ماترضع الا بالقوة والله اني احيانا اتركها ماارضعها اسالكم بالله تفيدوني في معاناتي والله يحقق للي ترد علي ماتتمنى-الكلام ماهو مرتب لاكنة من نفسيتي التعبانة
|
رد: والله اني بهم لايعلمة الا الله
6مشاهدات ولارد واحد على الاقل دعوة تجبرون بها خاطري واسال الله ان لايبلاكم بما بلاني
|
رد: والله اني بهم لايعلمة الا الله
الله يكون بعونك ياقلبي ..
وبعدين انتي منتي حاجة دكتوره انتي بحجه لرجوع الى الله والدعاء وقراة القران .. واهم شي انك ترتبي روحك وماتهملين شكلك ابد لان هذا اكبر شي يثر على النفسيه اهتمي واكشخي وتمكيجي ولبسي وش وراك وباذن الله انك راح تلحضي الفرق.. وبعدين بنتك .. نصيحه والله اختي مثلك ولدها يموتها اذا جا ينام بس يبكي ومايرضع ومبهذا فيها حتى صارت اذا جت ترضعه او تنومه تقرا عليه المعوذات واية الكرسي .. جربي هذي الطريقه وباذن الله ماعليك لا العافيه وقلبي معك والله .. اللهم عجل ولادتي من غير شر ياااااااااااارب.. |
رد: والله اني بهم لايعلمة الا الله
والله انا مر علي اكثر من كذا لدرجه اني كرهت الحياه
بس والله افضل حل التقرب من الله بقيام الليل والدعاء وكثري من الاستغفار وحااافظي على الاذكار وشوفي اشلون تتغير حياتك |
رد: والله اني بهم لايعلمة الا الله
اسال الله العظيم ان يسهل ولادتك ياعمري ياهنوسه والله ان ردك خفف عني وجزاك الله الف خير ياقلبي يالعاتي وان شاء الله احاول اسوي اللي قلتو لي علية وانتظر ردود الحلوات الباقين
|
رد: والله اني بهم لايعلمة الا الله
الغلااااا أنتي محتااااجه ترووووحين عند أهلج فتره.....وتغيرييييين جو.....أمااا عن الحكه لازم تشوووفين دكتوره نساااائيه....أو الجلديه.....الله يفرجهااااااااا عليج ويسعدج يااااقلبي.....
|
رد: والله اني بهم لايعلمة الا الله
لا تخلي معانتك بالحزن والوحدة تسيطر على حياتك وهذا الي أنتي فيه هذا أكتئاب مابعد الولادة لازم تسيطري عليه وعيشي حيااااتك ولا بعدين بتندمين على الايام ألي أنتي ضيعتيهاااا من حيااااتك .
روحيييي عند أهلك كم يوم ولا ظروفك ماتسمح وبنتك لا تعصبي عليهاااا شوي شوي عليهاااا علششششان هاذي أول ولادة فأنت ماعندك خلفية عن الأطفال الرضع كيف تربيتهم وكيف هم مزعجين أنا أول بيبي لي كانت ماتنام وكله تبكي بصوت عالي وماتنام الا مع اذان الفجر طول الليل سهرحتى أني كنت أبكي من حشرتهاااا ومارضعتهاااا جاني أكتئاب بالاربعين كانت ماتاخذ الصدر مرات تاخذه ومرات تقعد تبكي وتصارخ من دون سبب وبعدين كملت كم شهر وبدت تنام زين وماتبكي وااااايد بسسس ندمت لأني ماعطيتها حليب صدري لانه كان يوجعني وهي مارضت ترضع وأنا ماحولت معها. أهتمي بنفسك وتغذي زين وهتمي بصلاتك وقرآي القرآن وكثري من الاستغفارو حاولي تتسلي بأي شييييييي مفييييد. وعن الحكة روحي عند الدكتورة بتوصفلك العلاج الازم لا تهملين روحك وتلاحقي نفسك قبل مايقضي عليك الحزن والهم والوحدة وعيشششششي حياااااااتك وفرحي بنتك وحاولي تروحين البحر أوأماكن أنتي تحبيها علششششان تتغير حالتك النفسسسسية الى الحسسسسسن. الله يحفظك ويبعد عنك الهم والغم ويجعل حيااااااااتك كلها فرح وسرور. |
رد: والله اني بهم لايعلمة الا الله
شكرا ياقمة البراءة وبنت الريف والله اني دعيت لكم من قلبي
|
رد: والله اني بهم لايعلمة الا الله
الله يفرج همك يارب ويكون بعونك
|
رد: والله اني بهم لايعلمة الا الله
أولاً مبروك ماجبتي وتترباء بعزكم إن شاء الله ..
ولا تضايقين روحج يالغاليه وقضي على الشعور بالهم والحزن بيدج أرقي نفسج أشغلي تفكيرج بنتج وبنفسج وبيتج وبريلج .. راح تحسين أن شعور بالهم و الحزن و الكدر راح بإذن الله .. وعلى الحكه ضروري تروحين لدكتوره لأني قريت قبل فتره أن أي حكه في الشرج معناته بداية بواسير .. وربي يبعد عنج كل كدر ,, |
رد: والله اني بهم لايعلمة الا الله
الله يفرج همك حبيبتي
حاولي تغيرين جو وتحملي البنت شوي وربي يساعدك |
رد: والله اني بهم لايعلمة الا الله
يعطيكم العافيةيا يارب ترزقني بطفل و سماسم و اميرة بدنيتي
|
رد: والله اني بهم لايعلمة الا الله
مبروووك عالبنوتة يالغاليه
وتتربى بعزك وعز أبوها وهونيها وتهووون غناتي عندك هالبنوتة ومهمومة أجل انا وش اقول احمدي ربك يالغلا نعمه كبيرة بين ايدينك بنوتتك الله يحفظها والله يسعدك ويبدل همومك افراح يارب لازم تغيرين جو شوي حبيبتي لكسر الروتين والضيقة اللي تشعرين فيها وخلي أملك بالله كبير لي الكدر والضيقة حياتي تفائلوا بالخير تجدووووه وعلى الحكة اللي تشعرين فيه روحي لدكتورة للإطمئنان على صحتك يالغلا صحتك بالدنيا حبيبتي وماتشوفين شر لك ودي واحترامي |
رد: والله اني بهم لايعلمة الا الله
انا مع كلام طيف
ربي يحفظج يالغاليه ترى هاذي امانه ديري بالج عليها وانتي لازم تسوين لج روتين ا جدول تسوينه بالبيت ادري متضايقه ماتلحقين على الغدى لا تغسلين ولا تنظيف ولا ولا ولا ؟؟؟ حطي في بالج اليوم خطوه خطوه رتبي كل شي برااحه ولا يشغلج شي يالغاليه وربي يكون بعونج |
رد: والله اني بهم لايعلمة الا الله
اسال الله ان يحقق لكم ماتتمنون ياطيف وشموسة والله اني كلما افتح الصفحة والاقي رد تتحسن نفسيتي وادعي للي ترد واحس ان فية من يواسيني ويخفف علي
|
رد: والله اني بهم لايعلمة الا الله
الله يرفع عنك الحزن خيتو ويبدلك بأفراح يارب
ويجعل حياتك مليئة بالمسرات تفائلي تفائلي تفائلي لك كل حبي واحترامي.. |
رد: والله اني بهم لايعلمة الا الله
مشكووووووووورة حبيبتي طيف
|
رد: والله اني بهم لايعلمة الا الله
حبيبتى عليكى بالصلاة وكثرة التضرع بالدعاء لله تعالى
وممكن يكون بكاء بنتك مش جوع ممكن يكون عندها مغص او امساك لا قدر الله والاطفال حديثى الولادة عرضه لذلك اذهبى لطبيبه الاطفال وعن الحكة كما نصحوكى الاخوات الدكتورة النسائية هتفيدك كتير ربى يهنيكى ببنتك ويكرمك فيها ويجعلها قرة عين لكى ويحفظها |
رد: والله اني بهم لايعلمة الا الله
مشكورة حبيبتي سمسمة عمرو ان شاء الله باسوي اللي نصحتيني فية
|
رد: والله اني بهم لايعلمة الا الله
الله يفرج همك يالغلا
|
رد: والله اني بهم لايعلمة الا الله
جزاك الله الف خير ياروز3
|
رد: والله اني بهم لايعلمة الا الله
انا صحيح مالي خبره بهالاشياء لان هذا اول حمل لي
لكن البنات ماقصروا وانا معهم انتي اذا تقدرين تروحين لااهلك روحي ريحي عندهم لو كم يوم بس او حتى لو احد من اهلك يقدر يجيك يساعدك شوي مع بنتك وبيتك واذا ماتقدرين مثل ماقالو البنات نظمي جدولك وبتقدرين ان شاء الله والبنوته اكيد مانتي اول وحده تمرين بهالمعاناه واحمدي ربك ياقلبي في غيرك يتمنى البنت ومالقاها وبالعكس افرحي وانبسطي ترى الهم ياقلبي الشخص هو اللي يجيبه لنفسه وهو اللي يبعده انتي عيشي حياتك وافرحي وغيري جو وانبسطي مع بنوتك وعيشي يومك يالغلا لانك بعدين بتندمين على الايام اللي مضت وماانبسطتي فيها جعل ربي يسعدك ويهنيك ويوفقك ويخلي لك بنوتك يارب ومايحرمك من اغلى شئ بحياتك وجعل الكدر والضيقه ماتقرب لك يوم يارب |
رد: والله اني بهم لايعلمة الا الله
اسال الله العظيم يانبض قلبي حمني ان يتمم لك حملك ويسهل ولادتك ولايجعلك تمرين بلي مريت بة ونصيحة لاتنفسين لوحدك مهما كانت الظروف وموفقة يالغالية
|
رد: والله اني بهم لايعلمة الا الله
كلنا مرينا ومشت الامور
|
رد: والله اني بهم لايعلمة الا الله
ياقلبي انتي .
بالله عليك اي شئ محتاجه اساعدك فيه راسليني وابعطيك رقمي انا بالدمام ومستعده اكون جنبك .. اكثري الاستغفــــــــــــــــار |
رد: والله اني بهم لايعلمة الا الله
ربي يكون بعونك ياقلبي البنات ماقصروا طمنينا عليييييييييييييييييييييييك تكفين
|
رد: والله اني بهم لايعلمة الا الله
هذا اللي قدرتي تكتبية ياجود الاماسي ؟؟؟؟؟؟وماتقصرين ياعمري ياأم احلى بنت بالدنيا ويشرفني اتواصل معاك بس للأسف ضروفي ماتسمح والله واسأل الله ان يحفظ لك بنتك وابي منك تدليني على دكتورة نفسية بالدمام وفي اي مستشفى حكومي اوخاص لاني بصراحة احس اني محتاجة علاج بعدالتقرب الى الله000000ومشكورة حبيبتي منو عبادي--- ان شاء الله اني احسن من اول--- بس تحسن بسيط ولاتنسيني من دعاك والله اني دعيت لك ولام احلى بنت
|
رد: والله اني بهم لايعلمة الا الله
ياعمري الامور سهله باذن الله بس انتي محتاجه ترتبين اولوياتك
انا ماالومك وجود شخص بحياتك جديد صعب جدا عليك تتقبليننه مع التغيرات الي جابها معه انتي كل الي عليك انك تاخذين نفس عميق وتفكرين وين تلقين السعاده لما تجلسين تنتفين بشعرك من الهم ولالما تقومين قومة الغزال وتغيرين كل شي حولك ع الي تبينه صدقيني المرآه لما تجيها الاراده بانها تسترجع حياتها الي قبل حتى لو الناس الي حولها مايساعدون حتى لو البيبان مقفله بوجهها حتى لو كلام الناس وحكيهم اتعبها حتى لو الظروف الجديده الي واجهتها كانت اقوى منها واكثر منها وجات فجأه وبتراكم تقدر المرآه بذكائها الي ميزها ربي عن باقي المخلوقات بانها انسانه ذكيه اذكى من الرجل تقدر وبكل ذكاء انها تسترجع كل الي تبيه من حياتها لا وتجدد فيها وتحذف الي ماتبيه من حياتها بحركه من اصبع طبعا مااقصد حركه من اصبع بسهوله لا مافي شي يجي بالساهل اقصد فيها انها تقدر تغيره بمثل ماتبي بالوقت الي هي تبي ولو تبيه يجي بسرعه بيجي بس الامر محتاج اراده + طولت بال + ذكاء اخلطيهم مع بعضهم واشربيهم وصدقيني كل شي حولك تبينه يتغير بيتغير وكل شي تبينه يظل بيظل وتوكلي ع الله في كل خطوه واشرقي بحياتك مثل الشمس لانك تستاهلين اكثر وانا ساكنه بالخبر وباسألك عن الدكتوره ولايهمك وان شاءالله برد |
رد: والله اني بهم لايعلمة الا الله
لايضيق صرك ولا شى انتى بس حمسى نفسك من الان رتيى بيتك وحالك وحاولى تلهين نفسك بشى وشغل سورة البقرة تراها تطمن القلوب واذا تعرفين احد عندك روحى لة او خلية يجيك هل اهلك عندك
ترا الطفلة مالها ذنب انتى بس حاولى تغيرين نمط حياتك اطلعى ع البحر انتى وزوجك او,,,,ترا هاذى حالة تجى الوحدة بعد الولادة وتزداد مع كثر وسوسة الشيطان علها يخليها تكسل وتخرب اخلاقها بس تعوذى من الشيطان وابدى تحركى وروح المستوصف وعالحى الحكة الى فيك |
رد: والله اني بهم لايعلمة الا الله
الله يزيل همك ويخفف معاناتك يارب
عليك بذكر الله والله يطمئن قلبك |
رد: والله اني بهم لايعلمة الا الله
واللة اني مثل حالتك الحين بس علينا الاذكار وقيام الليل والقران وان شاء اللة اللة معانا
|
رد: والله اني بهم لايعلمة الا الله
انا رح اقولك حاجه وحده القرب من الله عز وجل والله والله والله ماراح تحتاجي تروحي لدكتور نفساني وراح تتنظم حياتك وامورك تتسهل
وقيام الليل والتضرع الى الله والله عن تجربه |
رد: والله اني بهم لايعلمة الا الله
اذا فيك هم ارفعي يدك وقولي يالله والله لن يخذلك ابدا
تقبلي مروري |
رد: والله اني بهم لايعلمة الا الله
الله يفرج همك ياااارب
وسعي صدرك ترى الدنيا ماتسوى ... وعليكي بالدعاء وصلاة الليل ولاستغفار ... |
رد: والله اني بهم لايعلمة الا الله
مشكورة ياوسن ياعمري ماتقصرين وانا انتظرك=====واهلي للأسف ياقلبي ياشموع الورد في مدينةبعيدة ====ومشكورات حبايبي الحب لك وحدك ودلوعة حبيبي وهنادي====وانتي يانور البدر ياحياتي اقري جميع ردود البنات وان شاء الله تستفيدي منهاوالله ان كلامهم بعد الله يبرد على القلب و خفف عني كثيييير واسأل الله ان يفرج همي وهمك ويجمعني بجمييييييييييييع من رد علي في الفردوس الاعلى من الجنة
|
| الساعة الآن 03:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .