|
يسمحون لي اولد قيصري؟ مابي طبيعي
السلام عليكم
بنات انا بكرية ومن كثر مااسمع عن الولادة الطبيعية واقرا جتني فوبيا وصرت بس اوسوس درجة احلم اني اولد واموت الزبدة ابي اولد قيصري سؤالي لو اروح المستشفى حكومي وقت الولادة واطلب منهم عملية يوافقون ؟ ولا لازم مستشفى خاص ؟ وحتى المستشفيات الخاصة يوافقون ولالا ؟ الله يسهل ولادتنا جميعا وخاصة اللي بترد عليhwaml10 |
رد: يسمحون لي اولد قيصري؟ مابي طبيعي
اتوقع بيوافقون
بس ليه ماتولدين طبيعي احسن لك بواجد وتاخذين إبره الظهر؟مادام انك خايفة كل اللي جربوها ماحسوا في الولادة الله يكتب لك اللي فيه الخير والولادة الطبيعية اجر ان شاءلله |
رد: يسمحون لي اولد قيصري؟ مابي طبيعي
بس يقولون ابرة الظهر ممكن تسبب شلل وانا اخاف وهم يعطوني اياها اتحرك ولا شي معليش تراني خوافه وبكرية مدري ماافهم بهالشغلات عموما يعطيك العافية مشكورة
|
رد: يسمحون لي اولد قيصري؟ مابي طبيعي
اتكلي على ربك.الولاده الطبيعه.تعبها يوم اما العمليه يالله.يطيب بطنك وويكبر بطنك.بعدها الله يسهل عليك
|
رد: يسمحون لي اولد قيصري؟ مابي طبيعي
شوفي حبيبتي
انا اليوم كنت في مستشفى حكومي منومه وكانت وحده تبغى قيصري لانها خايفه الدكتوره ما رضيت لها ابدا قالت القيصري بس للحالات الحرجه ممكن ما يوافقوا اذا طلبتي خصوصا لو كل شي عندك سليم بس الخاص اظن عادي والله اعلم بس نصيحه مني الطبيعي احسن مليووووون مرهـ وكلنا مثلك يا قلبي خفنا وارتعبنا بس الله سبحانه سهلها علينا وقمنا بالسلامه عليك بالدعاء والصلاة وقراءة القرآن وربي يتمم لك على خير حبيبتي ♥ |
رد: يسمحون لي اولد قيصري؟ مابي طبيعي
لا تكفين قولي انك تمزحين :(
يعني بيرفضون والله متوكلة على ربي بس عجزت اطرد هالاحساس بكلم بكرة مستشفى اهلي واشوف وش يقولون يعطيكم الف عافيه |
رد: يسمحون لي اولد قيصري؟ مابي طبيعي
الطبيعي احسن توكلي علي الله والله يسهل عليج الطبيعي بس بتتالمي وقت الولاده اما القيصري راح تتالمي لين بعدها باسبوع ولمن يفك البنج راح تتالمي كثير وماراح تقدري تشيلي البيبي او تحمميه وراح تتعبي كثير فا الطبيعي احسن الله يسهل عليج ولادتج تري مو كل الحوامل زي بعض ولا تسمعي من احد دايم يقولو الولاده متعبه ومادري شنو وتلاقينهم عندهم درزن عيال لا تخافي الله يسهل عليج
|
رد: يسمحون لي اولد قيصري؟ مابي طبيعي
انصحك بالولادة الطبيعية لما لها من الأجر والثواب
لا تخافي من الموت عزيزتي ولا تفكري فيه ( لكل أجل كتاب فاذا جاء أجلهم لا يستأخرون ساعة ولا يستقدمون ).. سبحان الله لكي دعوة مستجابة وربي يسهللك حملك وولادتك.. بعدين سمعت عن الكمامة اثناء الولادة بلاش من الابرة خديها ورااح ترتاحي ان شاء الله وانصحك شيلي فكرة القيصري من باااااااالك.. الله يتمملي ويتمملك وعلى كل الحوامل بخيير ياارب |
رد: يسمحون لي اولد قيصري؟ مابي طبيعي
انا مو خايفة من الموت بالعكس لو اموت وانا اولد اموت مالي ولا ذنب بس خايفة من الالم
يعطيكم العافية ع الردود يالغاليات |
رد: يسمحون لي اولد قيصري؟ مابي طبيعي
من جددك!!!
انا مووت خايفه من القيصريه .. تخيلي حتى لو بريتي كل عطسه وكل ضحكه تحسين بالجرح اعرف وحده شهرين علما لمست رجولها :((( ترا مرره اليممه لاتستهينين. ومليووون اسلوب لتخفيف الالم ابرة الظهر ماتسبب شلل لان مواي احد يضربها ولو تحركتي فيه ابرة بالعضل فيه اكسجين كلها كم ساعه .. اهم شي الثقه بالله هو اللي خلقك ويعرف شتتحملين شنو ماتتحملين وكله بيد الله الله يقومك بالسلامة وان شاء الله مايوافقون هههه |
رد: يسمحون لي اولد قيصري؟ مابي طبيعي
عليكي بابرة الظهر وما يصير فيكي الا العافيه
انا كرهت نفسي بولادتي الاولى وكنت مثلك افكر بالقيصري ووالاسم العلمي لهالحاله ( القيصري الاختياري ) اعرف واحده روسيه تولد قيصري بكيفها وماشاء الله عليها تقول مافيها الا العافيه بس ترى الحريم ما تتشابه اجسامهم وقدرتهم على التحمل ... عشان كذه الاحتراز افضل فخليكي عالطبيعي اكيد افضل سوي الابره وتوكلي على الله ما فيها خطوره ابدا انا قرات عنها لا تخافي وتوكلي على الله الله يهون عليناا وعليكي ويرزقنا واياكي طفل صحيح معافى ^ ^ |
رد: يسمحون لي اولد قيصري؟ مابي طبيعي
اختي انصحك بالولادة الطبيعية لانها الم ساعة و ينتهي اما القيصري فالمه طويل و متجدد و مع كل حمل بعده تزداد مخاوف الفتق لمكان العملية فتوكلي على الله و تذكري ان الله لن يبتليك بشيئ اكبر من طاقتك و احتسبي عسى ان يجعل الله ذلك الالم كفارة للخطايا و افيدك ان كل حامل يعتريها ذلك الاحساس بالخوف فهو جد طبيعي
|
رد: يسمحون لي اولد قيصري؟ مابي طبيعي
الله ييسر لك ويسهلها عليك
مااتوقع يوافقون اذا الوضع طبيعي يرفضون العمليه العمليات للحالات المتعسره والله الطلق وقت الولاده وبعد ماتولدين وتشوفين البيبي وربي تنسيييييين اما العمليه مايطيب الجرح بدري انا الحين لي شهرين والده طبيعي والله العظيم من زمان قد طاب الجرح ولاحاسه بأي شي اللهم له الحمد والشكررررر |
رد: يسمحون لي اولد قيصري؟ مابي طبيعي
ياحبيبتي لاتفكرين بالقيصري ولو شوي والقيصري زي ماقالوا البنات للحالات الحرجه بس وانتي احمدي ربك على النعمه غيرك يتمنوا يولدون طبيعي
بس انتي ادعي ربك كل ساعه ووقت انه يسهل عليك ويقومك بالسلامه والولاده الطبيعيه صحيح الالم مايحتمل بس كلها ساعات وينتهي كل شي وربي خلاااص بعد ماينزل البيبي يروووح كل شي وماتحسين باي شي وبعدها بساعه يعطونك البيبي وحتى بنفس اليوم تقدرين تقومين وتتحركين اما القيصري فتجلسين اسبوع في المستشفى ماتقدرين تتحركين شفت كم وحده والده قيصري بنفس الغرفه معي مايقدرون يتحركون حتى عيالهم مو عندهم وسمعت انها تجلس شهور على مايلتئم الجرح انتي خلي ايمانك بالله كبير ان شاءالله لك اجر عظيم ولاتنسين انك راح تشوفين البيبي وربي بعد ماتشوفينه تنسين كل التعب والاهات وكل شي خلاااص من فرحتك الله يسهلك حبيبتي وخلي عنك كلام الحريم الي يخوفونك والله انها تتسهل من عند رب العالمين ولك اجر ان شاءالله توكلي على الله وكثري من الاستغفار والدعاء وان شاءالله تولدين وتبشرينا بتساهيل ولادتك |
رد: يسمحون لي اولد قيصري؟ مابي طبيعي
توكلي على ربك الله يسهلها لكي يااااااااارب
وشيلي من بالك العمليه لانه مره متعبه لما تصحي من البنج ماتقدري تقومي انا عملت عمليه قيصري وتعبت كتير مو زي طبيعي وخليها على ربك الله يسهلها لكي اوك قلبوو ولاتخافي خليك قوية |
رد: يسمحون لي اولد قيصري؟ مابي طبيعي
نصييييييحه مني اولدي طبيعي ..انا ع كثر الالم الي شفته واول ماولدت اقول لو ايش مااحمل مره ثانيه
مجرد مامر اسبوعين وانا احن للحمل من جديد الولادع الطبيعيه سبحان الله تحسين انك ولدتي وتقولين كيف هذا الطفل طلع مني خصوصا لما يحطونع ع صدرك احساس ثاني جدا ممتع العمليه طول وقت نفاسك وبعد النفاس تعب وماراح تتهنين بالطفل اما الطبيعي 3 ايام ان كثروا وترجعين مثل قبل نصيحه مني خلك طبيعي وتحملي كلها ساعات معدوده ويروح كل شي كلنا بكريات وقلنا مثل ماقلتي لكن وقتها بتعرفين وش يعني ولاده طبيعيه والله يهون عليك ويسهلك |
رد: يسمحون لي اولد قيصري؟ مابي طبيعي
نهال يالغالية انا بكريه مثلك وخايفة بس اذا فكر الواحد ان الطبيعي الحمدالله يسهل ربي العالمين ولا بنج تخدرين كلك بعدين اللي يقول لك تخوف هذا تكذب ليش طيب تحامل وتتحمل الالم انا قالو لي وجع بيجي وخايفة اكذب عليك ان قلت لك ماخافت بس ادعي ربي ومتوكله عليه وتوكلي على ربك ويبجي الفرج من ربك مب من الناس وتذكريت دائما اللي خلق الجنين ببطنك يقدر يطلعه لذلك توكلي على ربك وحاولي تبعدين الخوف عنك واذا جاك الشيطان امسكي المصحف وتسنني ودعي ربك والله يهون علي وعليك والجميع يارب*
|
رد: يسمحون لي اولد قيصري؟ مابي طبيعي
|
رد: يسمحون لي اولد قيصري؟ مابي طبيعي
ترا القيصريه مراااا اصعببب
|
رد: يسمحون لي اولد قيصري؟ مابي طبيعي
نهال يا عزيزتي
توكلي على الله واذا قدرتي تولدي طبيعي لا تخافي انا والدة عملية قيصرية ليا تقريبا 20 يوم ولحد الآن الجرح مفتوح وما التأم والالم الله لا يوريك لما اقوم او امشي تعب ساعة ولا تعب كل ساعة وشيلي هالوساوس من راسك |
رد: يسمحون لي اولد قيصري؟ مابي طبيعي
يابنات والله نهال تتكلم عني
انا زيها احلام وسواوس ولسه امس حلمانه بولاده وقمت مرعوبه ابغ قيصري بس خايففه من العمليه نفسها وابغ طبيعي بس خايفه من الم الطلق وقلت خلاص باخد ابره بس الابره يقولون انهم يفكون المخدر حقها وقت نزل الراس وخايفه جدا من ضررها بعدين الصداع والظهر وبالرغم اني ساله دكتورتين وحده اخصائيه ووحده بروفسوره وتقول مالها اعرااااااااااااااااااااااض |
رد: يسمحون لي اولد قيصري؟ مابي طبيعي
البناات مااااااااقصروا بالأجابه
الطبيعي احسن من القيصري ألف مره .. تعب يوم ولا تعب اسابيع او شهور .. ولا تخاااااااااافين من الآلم .. الله يهوونها عليك |
رد: يسمحون لي اولد قيصري؟ مابي طبيعي
طيب اسالج سؤال انتي سالتي اي والدين طبيعي وسمعتي ان الولادة الطبيعية مؤلمة وتخوف
طيب ما فكرتي تسالين الي ولدو قيصري؟ طبعا لا اني راح اجاوبك احمدي ربج اذا ربج رزقج بولادة طبيعية انا ولدت مرتين قيصرية والثالثة بطريق وادعي ربي لو يرجع الزمن بية اولد طبيعي حبيبتي مهما كانت الولادة الطبيعية مؤلمة مجرد ينزل الجنين راح ينتهي الالم اما القيصرية سلبياتها مافي فرحة بطفلك الالم يجي بعد الولادة ما راح تحسين بطعم الولادة وفرحتك بجنينك انا عن نفسي مالي خلق احضن طفلي الا بعد مرور شهر الالم يزيد يزيد بعد 20 يوم يلا تكدرين توكفين على رجليكي الرضاعة صعبة جدا اني ما رضعت ولا طفل طفلين ما رضعتهم من شدة الالم لا اكدر اروح للحمام ولا اجلس ابجي ابجي يعني ما انصحج فكري زين |
| الساعة الآن 05:52 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .