|
ألذوأطيب الطبخات السورية
نشكر العضوة وردة سورية على اقتراح للموضوع الطبخات السورية تفضلوا شاركونا بالطبخات السورية
طبعاً بتعرفوا الأكلات السورية غنية بنكهاتها وبشكلها الشهي وصار لازم الكل يتعرف عليها ويجربها طبعاً كل يوم في وصفة جديدة ولذيذة |
رد: ألذوأطيب الطبخات السورية
اقتباس:
ضروري يكون قسم للاكلات السورية كتير من البنات عم يطلبوا منا بعض الاكلات السورية مشان هيك اقترحت انو يكون قسم للطبخ السوري واي بنت بتحب تضع اكلة سورية اهلا وسهلا فيها القسم للجميع وبتمنى تثبيته من قبل الادارة |
رد: ألذوأطيب الطبخات السورية
هلا والله
يلاه حبااااااااااااااااايبي شدو الهمه نبي ازين ينحط هنا وانا ثبت لكم الموضوع ورا اكون اول المتابعات يلااااااااااااااااه نبي نتلذذ بي لاكلات السوريه |
رد: ألذوأطيب الطبخات السورية
يسلموا شمس الشموس على التثبيت رح نحط اطيب أكلات بوعدك
|
رد: ألذوأطيب الطبخات السورية
ههههههههههههههههه ودي انزل هلاء اول طبخة بس في مسابقة بالقسم الاسلامي وما بدي تروح النقاط علي
بعد شوي بنزل ان شاء الله |
رد: ألذوأطيب الطبخات السورية
بداية موضوعنا حبيت أنزل بعض أنواع المقبلات السورية
الوصف:أكلة حليبة لذيذة وسهلة المقادير: كاستين شرب برغل خشن بصلة كبيرة مفرومة معلقة كبيرة دبس فليفلة ومعلقة كبيرة رب البندورة 2 قرن فليفلة خضراحارة 2 طماطم معلقة صغيرة ملح معلقة صغيرةكمون زيت زيتون مقدار معلقتين كبار الطريقة: ضعي البرغل بوعاء وضعي قليل من الماء والبصل وضعيه بالماكينة الخاصة للكبة ضعيه بالتدريج مع الضغط فيها ثم كرر العملية حتى يصبح البرغل ناعم ثم ضعي فليفلة الحارة والبندورة بالماكينة اخلطي ا لبرغل مع المكونات باليد ثم ضيفي باقي المكونات وقطيعها قطع صغيرة مثل في الصورة وتزين بالجوز او بالصنوبر وصحة وهنا http://forum.hwaml.com/imgcache2/hwa...275860_135.jpg |
رد: ألذوأطيب الطبخات السورية
يا اااااااااااااااااااا سلاااااااااام منظرها بشهي يا زهورتي
ربي يسلم دياتك يالغالية |
رد: ألذوأطيب الطبخات السورية
انا حابة نزل اكلة هالحلو السورية ومن مطبخي بهالقسم وبتمنى تنال اعجابكم
البسكوتية نحتاج حليب نشا سكر كاكاوا بسكوت مدور او مستطيل المتوفر لديكي طريقة التحضير اولا بنصف البسكويت في الزبدية http://t1.gstatic.com/images?q=tbn:A...wHdqGmCyIBH7wW بسكوت مدور http://t0.gstatic.com/images?q=tbn:A...W2NnN5SnChb9WS ثانيا كل كاسة حليب تحتاج ملعقتين نشا حجم الكاس http://t2.gstatic.com/images?q=tbn:A...Q4dUP5IhSorFxg انا بعمل لشخصين 4 كاسات حليب بستخدم علبة كاملة من حليب المراعي http://t3.gstatic.com/images?q=tbn:A...XfzsRmREhlWGjH اول شي بغلي كاسة حليب وبضيفلها نص كاسة شاي سكر او حسب الرغبة وبخلي نص كاسة حليب عجنب بذوب عليه 3 ملاعق نشا ما بصير تحطي النشا عالحليب وهو سخن لانو بيتكبتل بس تشوفي الحليب غلي عالغاز بضيفي كاسة الحليب البارد مع الاستمرار بالتحريك بس تشوفيه اشتد بطفي تحته الغاز وبتسكبيهن فوق البسكوت بترجعي بتصفي فوقهن طبقة بسكويت بترجعي كمان بتعملي نفس الطريقة الاولى بتغلي كاسة حليب بضيفي اله نص كاسة شاي سكر و4 ملاعق ميلو نسكويك او المتوفر لديكي http://t1.gstatic.com/images?q=tbn:A...MQSP3Os4IdGiwN وبتخليهن لحتى يغلن وبتذوبي 3 ملاعق نشا بنصف كاسة حليب وبتسكبيهن فوقهن مع الاستمرار بالتحريك وبتسكبيهن فوق طبقة البسكويت الثانية وبتعملي فوقيهن طبقة بسكويت ثالثة بضل عليكي اخر شي تعملي متل طريقة غلي الحليب الاولي حليب ونشا وسكر وبتضيفهن فو ق الطبقة الاخيرة وهيك بصير وقت التزييين فيكي تزينيه باي شي بتحبيه انا زينتها بالفستق الحلبي وجوز الهند http://forum.hwaml.com/imgcache2/hwa...289464_738.jpg http://forum.hwaml.com/imgcache2/hwa...289464_509.jpg بتمنى يكون شرحي واضح هي سهلة كتير ما بتاخد معك 10 دقايق بس انا طولت بالشرح عشان تكون موضحة ملاحظة :بتعمليهن كلهن بنفس الطنجرة ما في داعي تلبكي حالك وصحتــــــــــــــين والف عافية وان شاء الله تكون عجبتكم |
رد: ألذوأطيب الطبخات السورية
|
رد: ألذوأطيب الطبخات السورية
مبروك افتتاح القسم
زهرة ووردة شكلكم راح تسبقونا وياليت كل طبخة يكون معها صورة مشان البنات يتعرفو عشكل الطبخة وانشالله اقدر شارك معكن ومشكورةالادارة عالتثبيت ^^ بالتوفيق والله ينصر سوريا ويفرجها علينا يارب |
رد: ألذوأطيب الطبخات السورية
الله يبارك فيكي سرووءة حبيبتي ونحن بإنتظارك ياعسل
|
رد: ألذوأطيب الطبخات السورية
معقوووووووووووووووول 170 مشاهدة وما في ولا مشاركة
ولا لايكون ما بعجبكم الاكل السوري وينكم يلا فرجونة الهمة |
رد: ألذوأطيب الطبخات السورية
تسلم ايديكن يا احلى صبايا بنات سوريا الحلوات ... والله ما قصرتو والاكلات طيبات كتير... نشالله برجعلكن ومعي اكلة جديدة ... بس اليوم ما طبخت هههه نجووووم وتقييم لكل المشاركات :) ودي |
رد: ألذوأطيب الطبخات السورية
تسلم إيديك ياوردة اكلة كتير طيبة وسهلة وأنا بحبها كتير
|
رد: ألذوأطيب الطبخات السورية
هايدي ياعمري عم بانتظارك وبانتظار طبخاتك ويسلموا على التقييم
|
رد: ألذوأطيب الطبخات السورية
اليوم جايبتلكن أكلة سهلة وطيبة كتير اسمها مقلوبة البازلاء المقادير:1\2 كيلو لحم غنم ناعم 5 جزرات كبار مقطعين قطع صغيرة 1كليو رز بازلاء مقدار علبتين رشة ملح صغيرة ورشة فلفل اسود معلقة من السمنة النباتية مكعبان ماجي ماء لطبخ الرز الطريقة: قلي اللحمة بالطنجرة حتى تستوي وحطي لها ملح وبهار بعدين حطي الجزر وقليه حتى يستوي تمام وإذا حسيته رح يعلق أو يحترق حطي رشة مي صغيرةبس استوى حطي البازلاء وقليها شوي بعدين حطي المي وتركيها تغلي حطي السمنة ومكعبان الماجي وصفي الرز المنقوع طبعا قبل بنص ساعة واغسلية وحطيه بالمي وحركيها حتى ينخلط مع الخضروات واللحمة واتركيه يغلي وتنشف ميته وبس استوى اسكبيه وكلي منه جنبه كاسة لبن والف صحة وهنا وهي صورة الطبخة انا عامتلها http://forum.hwaml.com/imgcache2/hwa...507366_473.jpg |
رد: ألذوأطيب الطبخات السورية
يا سلااااااااااام الله يعطيكي العافية منظرها بشهي
ربي لا يحرمنا من أكلاتك الطيبين |
رد: ألذوأطيب الطبخات السورية
يسلموا حبيبتي وردة هاد من ذوقك يارب نقدر نخلي موضوعنا متجدد ونشيط ومليان أكلات طيبة
|
رد: ألذوأطيب الطبخات السورية
ولي على قلبي اكلات بتشهي فعلا لك ورببي مافي اطيب من اكلنا يمممم يممم نشالله بس اتركن ببيتي كل ما اطبخ بدي صور اكلتي ازاصحلي واكتب طريقتا
يسلمو وحة وزهرة على الموضوع القيم وﻷرائع تحياتي |
رد: ألذوأطيب الطبخات السورية
الفريكة من أطيب المأكولات السورية
وهي صورة عن شكل حبة الفريكة مشان تتوضح للي ما يعرفها هي بتشبه حبة البرغل لكن هي لونها خضرة http://t0.gstatic.com/images?q=tbn:A...ieBR_P42RPLEtB المقادير -تكفي لخمسـة أشخاص نصف ملعقة صغيرة من البهار أو الفلفل الأسود ـ نصف كأس من الصنوبر المنقى والمحمص بسمن نباتي ـ نصف كأس من اللوز المقشر والمحمص بسمن نباتي ـ كأسان من الفريكة ـ دجاجة واحدة أو نصف كيلو غرام من لحم الغنم، ـ بصلة مقشرة جرزة بقدونس ـ ملعقتان كبيرتان من سمن نباتي ـ ملعقة صغيرة من الملح ............................... طريقة التحضير يقلى اللحم أو الدجاج بملعقة كبيرة من السمن حتى يحمر من كل جوانبه، يغمر اللحم أو الدجاج بالماء، وتضاف إليه البصلة المقشرة، والملح والفلفل الأسود والبهار اللي تستخدميه في طبخك وخمس حبات من الهيل وورقة غار ويترك على نار متوسطة حتى ينضج، يحتفظ باللحم أو الدجاج جانباً ويصفى المرق، تنقّى الفريكة من الشوائب ثم تغسل وتصفى، يوضع مرق اللحم أو الدجاج على النار مع ملعقة متوسطة من السمن ويصحح ملحه، عندما يبدأ المرق بالغليان تضاف الفريكة المغسولة والمصفاة ويعير ماؤها ليكون ارتفاع الماء أعلى بمقدار إصبعين من مستوى ارتفاع الفريكة، تترك على نار متوسطة حتى تبدأ بالغليان ثم تخفف النار تحتها ويراعى عدم تحريكها أثناء الطهو،تترك لمدة ساعتين ونصف حتى تستوي جيدا تحمر ملعقة من السمن وتوضع فوق الفريكة الناضجة، تقدم ساخنة مزينة باللحم المقطع أو بقطع الدجاج مع اللوز والصنوبر تقدمي معها مرقة الشاكرية او بدلا عنها اللبن مع الخيار او السلطة كما تفضلين انتي http://forum.hwaml.com/imgcache2/hwa...589678_922.jpg هي شكلها باللحم http://t1.gstatic.com/images?q=tbn:A...i46S3JMjoph7hC .....لا تنسوني من دعائكم وصحتين وهناا اتمنى أن تكون الطريقة واضحة |
رد: ألذوأطيب الطبخات السورية
اليوم جايبلكم أكلة حراء اصبعو
المكونات 2 /1 1 كوب عدس أسود مسلوق بست أكواب ماء ٤ بصل كبير ٢ باقة كزبرة مفرومة و مغسولة عصير ٢ ليمون فص ثوم مقشر و مدقوق ... ملعقة كبيرة دبس الرمان ١ ملعقة صغيرة ملح للعجين: ١ كوب طحين +رشة ملح +ماء للعجين طريقة التحضير يقلى البصل بزيت نباتي حتى يحمر. في مقلاة أخرى يقطع الثوم مع الكزبرة قلي سريع على نار قوية حتى تذبل الكزبرة سريعاً. يضاف الملح و الثوم و الكزبرة و ١/٢ كمية البصل المقلي للعدس و يطهى على النار. ثم يضاف دبس الرمان و عصير الليمون و يترك المزيج على نار هادئة لمدة ١٠ دقائق تقريباً. في هذه الثناء تصنع العجينة و ترق على سطح مرشوش طحين. تقطع شرائح طويلة بواسطة سكين حاد و يقطع عدد من الدوائر للزينة. يقلى العجين الدائري بالزيت و يوضع جانبا للزينة. توضع الشرائح الطويلة مع خليط العدس وتقلى لمدة ٥ دقائق تقريباً. يصب الحراء أصبعه في طبق التقديم و يزين بالبصل المقلي و قطع الخبز الدائرية المقلية. وصحتين وعافية http://forum.hwaml.com/imgcache2/hwa...590226_193.jpg |
رد: ألذوأطيب الطبخات السورية
اليوم عملت بطاطا بالفروج كتير طيبة وكل الناس بتحبها وخصوصاً الأطفال الصغار بحبوا يقرمشوا وجنبها كريم توم وكتشب هههههههه
المقادير: كيلو بطاطا مقشر ومغسولة ومقطعة بشكل نص دائرة معلقتين سمنة 4 فخاد فروج مغسولين ومنظفين التبلة للفخاد: معلقةكبيرة ملح معلقة بهاركبيرة معلقة كزبرة يابسة كبيرة 4 فصوص توم مهروس معلقتين كبار دبس فليفلة مقدار فنجان زيت زيتون معلقة من زنجبيل معلقة جوزة الطيب عصير ليمون ليمونة واحدة نتبلهن جيدا بحيث ينخلط المكونات مع بعضها ويتشرب الفخاد واتركيها 3ساعات بالبراد إذا اكتر رح تعطي طعمة مرار بسبب الليمون هي الصورة الفخاد وهنن متبلين http://forum.hwaml.com/imgcache2/hwa...623923_809.jpg نحط الفروج بالبراد ونتركه لحتى يتشرب كافة التوابل طبعاً منكون جهزنا البطاطا ومقطعة نسحب الفروح من التبلة وناخد التبلة ومنحطها للبطاطا نضيف ملح وبها نخلط البطاطا كمان نوزعها بصينية الفرن ونحط الفخاد فوقها ونحط معلقتين سمنة فوق الصينية نحطها بالفرن على حرارة عالية لمدة نص ساعة أو اكتر حسب الفرن أو بس يستوي الفروج صحــــــــــــــــــــــــــــــــة وهنــــــــــــــــــــــــا يارب تكون عجبتكن |
رد: ألذوأطيب الطبخات السورية
وردة حبيبتي تسلم ايديكي ياعسل شو هالأكل الطيب انا بحب الفريكة كتير
منظرها بشهي كتير حلو |
رد: ألذوأطيب الطبخات السورية
يا سلام عليكي يا زهورتي والله شكلها روعة
زوجي كتير بحب البطاطا وراح جرب هي الطريقة الله لا يحرمنا من طبخاتك |
رد: ألذوأطيب الطبخات السورية
الله يسلمك ياعمري يالله طيريله عقله لزوجك متل ماانا طيرت عقله لزوجي هههههههه
|
رد: ألذوأطيب الطبخات السورية
اقتباس:
هههههههه يحرء حريشك ضحكتيني تئبشي قلبي |
رد: ألذوأطيب الطبخات السورية
راح اطعميكن اليوم فتة تسقيه بالسمنه وهاي فطور شامي كل يوم جمعه بتلاقي سوريا كلها بتفطر هيك اول خطوه بنفت الخبز مشان هيك اسمها فته (بنقطعه )احجام شوي صغيرة http://forum.hwaml.com/imgcache2/hwa...704766_392.jpg وبزبديه بنحط علبة حمص مطحون وعلبة لبن زبادي وشوية طحينه سائله وملح وحمض الليمون http://forum.hwaml.com/imgcache2/hwa...704767_684.jpg وبنخلطن منيح ليصيرو متل الكريمه http://forum.hwaml.com/imgcache2/hwa...704764_729.jpg بنغلي علبة حمص حب مع المرقه تبعتو http://forum.hwaml.com/imgcache2/hwa...704763_337.jpg وعلى الخبز المقطع بنحط شوية مرقه مع الحمص الحب ونضيف نص كمية الخلطه يلي بالزبديه فوقهن مع ملح عصير ليمون واهم شي الكمون وبنخلطهن بسرعة عشان الخبز ما يتبل كتير ويبرد http://forum.hwaml.com/imgcache2/hwa...704767_464.jpg وبس خلطناهم بنضيف النص التاني وبنسوي السطح املس ما بنخلي الخبز يبين http://forum.hwaml.com/imgcache2/hwa...704765_190.jpg وهلا بنحط السمنه على النار لحتى تقدح يعني تحمى كتير http://forum.hwaml.com/imgcache2/hwa...704764_482.jpg ولبين ما السمنه تحمى بنزين الطبق بالحمص الحب والكمون والسماق والقدونس مهلا بتكون السمنه حميت بنديرها بالتوزيع على الطبق بشويش عشان ما تنحرقوا وبيتقدم جنبها المخلل والفجل وممكن بصل اخضر وابيض http://forum.hwaml.com/imgcache2/hwa...704766_422.jpg وبكون شكلها هيك http://forum.hwaml.com/imgcache2/hwa...704765_682.jpg وهاي صورة عن قريب http://forum.hwaml.com/imgcache2/hwa...704763_147.jpg وممكن تتزين كمان بقطع صغيرة من الخبز المقلي والصنوبر http://forum.hwaml.com/imgcache2/hwa...704766_591.jpg ان شاء الله تكون التسقيه بالسمن عجبتكوا وعلى فكره انا ما بهمني التقيمممممممممم (مزحه مزحه ) |
رد: ألذوأطيب الطبخات السورية
ياااااااااااااااااااااااااسلام ياوردة فرطتلي ريقي على هالفتة تسلم إيديكي ياقمررررر
|
رد: ألذوأطيب الطبخات السورية
أوزي أطيب اكلة مع كاسة لبن
المقادير : رقائق العجين (أبو اللبن) ربع كوب سمنة الحشو: نص كيلو لحمة ملح وفلفل أسود معلقة كبيرة رز نص كليو منقوع وجاهز للطبح مكسرات مشكلة ومحمصة بالسمنة كوب بازلاءخضراء الطريقة: نقلي اللحمة ونضيف الملح والفلفل ونقلبها حتى تستوي ثم نضيف البازلاء ونقليها مع اللحمة قليلاًنضع ماء مقدار نص كوب نغسل الرز ونصفيه نضع معلقة من السمنة بالماء المغلي ثم نضيف الرز ونتركه حتى يستوي ثم نكون حمصنا المكسرات بالسمنة ونضعها فوق الرز ونحركه جيدا لكي ينخلط نتركه ليبرد تماما نفرد رقائق ونقوم بدهنها اطرافها بالسمنة ونحشيها بالرز ونشكل الشكل الذي نرغبه دائرة او اصبعة حسب الرغبة ندهن صينية الفرن القليل من السمنة ثم نضعها بالفرن على درجة حرارة متوسطة حتى تتحمر قليلاً تقدم مع اللبن وصحة وألف هنا جربوها مارح تندموا ابدا كتير طيبة وسهلة http://forum.hwaml.com/imgcache2/hwa...852492_820.jpg |
رد: ألذوأطيب الطبخات السورية
يسلم اديكي زهورتي فعلا شكلها لذيذ راح اجربها ان شاء الله وبعطيكي رايي فيها
|
رد: ألذوأطيب الطبخات السورية
يخرب بيت قلب الاكل السوري
وليييييييييييييييي فرط ريقي اي شوووووووو هاد ان شالله بيسلمو ايديكم يارب والله مجهود كبييييييييييييير ربي يعطيكم العافية يارب اكتر شي جنني الفتة هههههههههه لان دااااااايما عم اشتهيها واتوحم عليها وعالفول والفلافل بدو يجي الولد طشوم ههههههه يسلمو ايديكم وان شالله باقرب فرصة بشارك معكم ... واللهم انصر سوريا وشعبها على الطاغية بشار واعوانه اللهم عليك بهم فانهم لايعجزونك اللهم اجعل كيدهم في نحرهم وانصرنا عليهم ياللللللللله عاجلا غير اجل |
رد: ألذوأطيب الطبخات السورية
الله يعافي قلبك حبيبتي يالله نحن عم نستناكي جهزي حالك بدنا كم وصفة طيبة من تحت ايدكي
|
رد: ألذوأطيب الطبخات السورية
وللي عى قلبي وتالله ااكلاات بتشهيي ..
زهرة تبلة الجااج بتشهي والله وانا وعم اقرا طفففففف ريقي . خخخخخخخخخخخ لمهم كتبتا فوورا ورح اعملا تانكس للكل |
رد: ألذوأطيب الطبخات السورية
رح الكم طرييقة كبسة بتجنن بس طبعا مو سوورية ..
ازا حابيين تعملوهها وللي بتحب الكبسة المكونات الاساسية : الارز قطع دجاج الزبيب لون الزعفران وبصلة .. الدجاج : نسلقه بالماء ومنشيل الزفرة وبعدين منحط ملح وبهارات وورق غار .. ساعه على نار متوسطة حتى ينضج .. الزبيب :: نقطع البصل جوانح ونقليها بالزيت , ثم نضع ملعقة لون الزعفران وزبيب وونقليهم سواا بتحضري دجاج صدور وفخاد مقطعة ومنضفة بتسلقيها على الطريقة المعتادة .. وبتنقعي رز على حسب رغبتك كمان .. شي ربع ساعة بماء دافي .. بس تخلصي سلق دجاج ونقع رز بتحطي بطنجرة شوي زيت قلي والارز وبعدين بتحطي مرقة الدجاج فوقها حتى تنغمر .. وتركيها من نص الا تلت رباع الساعه حتى يستووي الارز .. سكبي نص الارز بجاط او صحن .. والنص التاني جيبي لون الزعفران نص ملعقة صغيرة وحركيهم حتى يصير لونن برتقالي وحطيهم فوق الارز اللي بصحن الاولن وخلطيهم شوووي .. بعدين خلطة الزبيب : حطي زيت بلمقلاه وقلي البصلة وبعدين حطي شووي لون الزعفران والزبيبات وقليهن شوووي حطيهن صفيهن فووق الرزز وبعدين حطي قطع الدجاج .. وصحة والف هناا فعلا اكلة بتشهيييييييي ^^ مع سلطة او لبن وخيار .. وبعتزر كتيير عندي صورها ومصوورتا بس مابعرف نززل الصووور وكمان بعتزر اني ما بعرف اشرح نشالله تكونو فهمتوو عليي .. |
رد: ألذوأطيب الطبخات السورية
تسلم إيديكي ياجوري مبين عليه لذيذة إن شاء الله رح اجربها
أيه فعلا تبلة الجاج كتير طيبة جربيها أنا هي طريقتي بالتتبيل |
رد: ألذوأطيب الطبخات السورية
كل يوم جمعة بعمل أكلة مميزة عالفطور اليوم عملت اكلة سريعة وسهلة وخفيفة
التونا مع الفليفلة الحارة المقادير: 2 علبة تونا بس يكون القطع كبيرة مصفى من الزيت بصلة مقطعة قطع ناعمة معلقتين زيت زيتون كبار 2 قرن فليفلة خضراء حارة مقطعة مكبات صغيرة 2 فص ثوم مهروس 2 بندورة كبارمقطعة مكعبات صغيرة رشة ملح ورشة فلفل أسود الطريقة: نضع الزيت في طاوية بس يحمي نضيف البصل والثوم المهروس نقليه حتى يصبح لونه ذهبي غامق نضيف الفليفلة ونحركها حتى تستوي نضيف البنورة نضيف البندورة ونتركها تغلي مع رشة ملح وفلفل اسود بس بديت البندورة بالاستواء نضيف التونا مع الحرص عدم فتفت القطع للمحافظة على شكلها نقلبها قليلا ثم تقدم مع اليمون صحة والف هنا http://forum.hwaml.com/imgcache2/hwa...941735_500.jpg |
رد: ألذوأطيب الطبخات السورية
يسلموووووووو
|
رد: ألذوأطيب الطبخات السورية
ماشاء الله عليكم اكلات بتشهي
|
رد: ألذوأطيب الطبخات السورية
تسلمي انا غيير نوورتي حبيبتي
|
| الساعة الآن 11:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .